Tíminn - 03.03.1990, Blaðsíða 10

22 Tíminn.
Laugardagur 3. mars 1990
MENNTAMÁLARÁÐUNEYTIÐ
Lausar stöður
Auglýst er eftir umsóknum um störf námstjóra í grunndeild
menntamálaráðuneytisins (áður skólaþróunardeild). Á verk-
sviði deildarinnar eru einkum þróunarverkefni á grunnskóla-
stigi sbr. aðalnámskrá grunnskóla.
Bæði er um að ræða 4-5 stöður við deildina og hins vegar
verkefnaráðningu ttil ákveðins tíma.
A) Fjórar til fimm stöður námstjóra:
Verkefni þeirra verða:
að stuðla að almennri skólaþróun og stjórna og vinna með
starfshópum sem sinna þróun í ákveðnum námsgreinum,
námsgreinaflokkum og á ákveðnum aldursstigum.
Námstjórar:
- vinna með fræðsluskrifstofum, skólum sem annast kennara-
menntun, Námsgagnastofnun og öðrum sem sinna skólaþró-
un.
- skipuleggja og hafa með höndum eftirlit og ráðgjöf.
- fylgjast með þróun skólamála innanlands og utan.
- miðla upplýsingum um skólamáf:
Ráðið er í þessar stöður frá 1. ágúst 1990.
B) Ennfremur er auglýst eftir umsóknum um störf námstjóra
sem ráðið verður í tímabundið í eitt til fjögur ár frá 1. ágúst
1990 til að sinna sérstökum verkefnum. Ráðning í hálft starf
kemur til greina.
Þau verkefni sem fyrst um sinn verður lögð áhersla á eru
eftirfarandi:
Ráðgjöf um námsmat, umsjón með samræmdum grunnskóla-
prófum og könnunarprófum, íslenska, stærðfræði, list- og
verkgreinar, umhverfismennt.
Auglýst er eftir fólki í öll þessi störf sem hefur menntun í
uppeldis- og kennslufræðum, menntun á ákveðnum greina-
sviðum og reynslu af störfum í skólakerfinu. Störfin krefjast
frumkvæðis, sjálfstæðra vinnubragða og skipulagshæfni. Mjög
reynir á samstarf við aðra.
Um laun fer samkvæmt launakerfi ríkisins.
Umsóknarfrestur er til 30. mars n.k.
Umsóknir ásamt ítarlegum upplýsingum um menntun og fyrri
störf skulu sendar til menntamálaráðuneytisins, Sölvhólsgötu
4, 150 Reykjavík.
LITAÐ JÁRN Á ÞÖK OG VEGGI

BILALEIGA með útibú allt í kringum landið, gera þér mögulegt að leigja bil á einum stað og skila honum á öðrum Jk
Reykjavík 91-686915 Akureyri 96-21715 Pöntum bíla erlendis Galv. stál og stál til klæðningar innanhúss Gott verft Söluaðilar: Málmiðjan h.f. Salan s.f.
interRent Sími InMJ 91-680940
Europcar

Rangæingar
Árshátíð Rangæingafélagsins í Reykjavíkverðurhaldin
í Domus Medica laugardaginn 10. mars næst komandi.
Hátíðin hefst með borðhaldi kl. 19.30.
Fjölbreytt skemmtiatriði.
Miðasala verður í Domus Medica miðvikudaginn 7.
mars kl. 17.00-19.00 og fimmtudaginn 8. mars kl.
17.00-18.00.
Stjórnin
lill Framsóknarfélag
|||f Hveragerðis og nágrennis
Framhaldsaðalfundur verður haldinn miðvikudaginn 7. mars kl. 20.30
í verkalýðssal Boðans við Austurmörk.
Fundarefni:
1. Venjuleg aðalfundarstörf
2. Kosningarnar í vor
3. önnur mál
Húnvetningafélagið
Fclagsvist nk. laugardag, 3. mars kl. 14
í Húnabúð, Skeifunni 17. Verðlaun og
veitingar. Allir velkomnir.
Frá Félagi eldri borgara
Opið hús í Goðheimum, Sigtúni 3, á
morgun, sunnudag. Kl. 14:00 er frjálst
spil og tafl. Kl. 20:00 er dansað.
Hrófbjargarstaðaætt
Hrófbjargarstaðaætt verður með fé-
lagsvist og bingó sunnudaginn 4. mars kl.
15:00 að Hótel Lind.
Bókmenntadagskrá í
Listasafni Sigurjóns Ólafssonar
Sunnud. 4. mars kl. 15:00 verður
bókmenntadagskrá í Listasafni Sigurjóns
Ólafssonar, eins og venja er til fyrsta
sunnudag í hverjum mánuði.
Góukaffi og bingó Kvenna-
deildar Skagf irðingafélagsins
Kvennadeild Skagfirðinga-félagsins í
Reykjavík verður með góukaffi og bingó
fyrir félagsmenn og gesti í Drangey,
Síðumúla 35, sunnudaginn 4. mars kl.
15:00.
G0SI á Akranesi
Enn sýnir Skagaleikflokkurinn GOSA
eftir Brynju Benediktsdóttur með söng-
textum eftir Þórarin Eldjárn, en Sigurður
Rúnar Jónsson gerði lögin. Leikstjóri er
Emil Gunnar Guðmundsson.
Næsta sýning verður laugardaginn 3.
mars kl. 16:00.
Æskulýðsdagur Þjóðkirkjunnar 4. mars
„LÍF 0G FRIÐUR“ er yfirskrift
Æskulýðsdagsins í ár. Efni það sem
Fræðsludeild Þjóðkirkjunnar gaf út í
tilefni af deginum byggir á frásögn Bibl-
íunnar af Nóaflóðinu og sáttmálanum
sem Guð gerði við Nóa um að hann
mundi aldrei framar eyða jörðina af lífi.
Regnboginn er síðan tákn þess sáttmála.
Guðsþjónustur Æskulýðsdagsins eru í
flestum söfnuðum með þátttöku eða í
umsjá ungmenna. Á nokkrum stöðum
verður söngleikurinn LlF OG FRIÐUR
settur upp í tilefni dagsins.
Einnig eru víða dagskrár síðdegis og að
kvöldi 4. mars í umsjá æskulýðsfélaga og
í tengslum við yfirskriftina „LÍF OG
FRIÐUR"
Rannveig Fríða og
Jónas með Ijóðatónleika
Mánudaginn 5. mars kl. 20:30 halda
Rannveig Fríða Bragadóttir og Jónas
Ingimundarson ljóðatónleika í Islensku
óperunni á vegum Tónlistarfélagsins I
Reykjavík.
Rannveig Fríða er nú fastráðin við
Ríkisóperuna í Vínarborg, en er hér í
stuttri heimsókn, því auk þessara ljóða-
tónleika tekur hún þátt í flutningi á
Sinfóníu nr. 2 eftir Mahler á afmælistón-
leikum Sinfóníuhljómsveitar íslands 9.
mars nk.
Samstarf þeirra Rannveigar og Jónasar
hófst í nóvember 1988 þegar þau héldu
tónleika í Ljóðatónleikaröð Gerðubergs.
Á efnisskránni á mánudagskvöld verða
gamlar ítalskar aríur, þýsk þjóðlög í
útsetningu Brahmss, svo og lög eftir
Schubert, Schönberg, Ravel og Rossini.
Miðasala stendur yfir í (slensku óper-
unni.
HEILSUGÓNGUR
- Gengið til betri heilsu
í dag, laugardaginn 3. mars kl. 13:00
standa Ferðafélag Islands og Ferðafélagið
Útivist fyrir heilsugöngum um aðalútivist-
arsvæði höfuðborgarinnar í tengslum við
Heilsudaga í Kringlunni.
Þetta er gert til að vekja athygli á hve
gönguferðir í hópi eru bætandi fyrir
líkamlega og andlega heilsu.
Hægt verður að velja um tvær stuttar
göngur: Öskjuhlíðarhringinn og Foss-
vogsdalshringinn.
Báðar eru þessar göngur um svæði sem
eru að hluta til ennþá í meira en 500 m
fjarlægð frá miklum umferðargötum. Á
þessum gönguleiðum er mikið af merki-
legum minjum sem bent verður á.
Lagt verður af stað f göngurnar frá
Kringlunni við Mylluanddyrið gegnt
Borgarleikhúsinu kl. 13:00 og komið til
baka um kl. 15:00. Hægt að stytta göng-
urnar. Ekkert þátttökugjald.
Sýning Jóhanns Eyfells
í dag, laugard. 3. mars, verður í Gallerí
11 að Skólavörðustíg 4A opnuð sýning á
skúlptúr líkönum og pappírssamfellum
eftir Jóhann Eyfells og stendur sýningin
til 15. mars.
Jóhann Eyfells er talinn einn helsti
brautryðjandi innan samtímamyndlistar
á (slandi. Hann hefur undanfarin 20 ár
verið búsettur í Flórída í Bandaríkjunum.
Frá Ferðafélagi íslands
Sunnud. 4. mars verða dagsferðir:
1. Kl. 10:30 Skíðaganga Þingvallavegur
- Borgarhólar - Litla kaffistofan.
Skcmmtileg skíðaleið þvert yfir Mosfells-
heiðina. Fararstjóri er Ásgeir Pálsson.
Miðar við bíl (800 kr.).
2. Kl. 13:00 Lögberg - Selfjall - Lækj-
arbotnar. Gönguferð fyrir alla. Gengið á
milli gamalla þekktra áningarstaða. Sel-
fjall er auðvelt uppgöngu. (600 kr.).
3. Kl. 13:00 Skíðaganga í Heiðmörk.
Létt og gott skíðagönguland. M. gengið
um skógarstíga yfir í skógarreit F.f.
Fararstjóri er Sigurður Kristjánsson.
Brottför frá Umferðarmiðstöðinni (BSÍ)
austanmegin. (600 kr.)
Síðasta gönguskíðanámskeiðið verður
í Innstadal 11. mars.
Helgarferð á Snæfellsnes 9.-11. mars
Brottför föstud 9. mars kl. 20:00.
Svefnpokagisting. Sundlaug og heitur
pottur á staðnum. Leiðbeint verður í
notkun fjallaskíða. Tilvalið að hafa með
göngu- eða fjallaskíði.
Upplýsingar og farmiðar á skrifstof-
unni. Ferðafélagsferðir eru jafnt fyrir
félagsmenn sem aðra.
Aðalfundur Ferðafélags íslands
verður haldinn miðvikudaginn 14. mars.
Venjuleg aðalfundarstörf.
Vetrarfagnaður F.í. 17. mars
Vetrarfagnaður verður haldinn í Risinu,
Klúbbnum að Borgartúni 32. Fjölbreytt
dagskrá. Upplýsingar á skrifstofunni.
Pantið tímanlega.
Eldri Árbækur félagsins eru til sölu á
hagstæðu verði.
Ferðafélag íslands
Tvær kvikmyndir Stanislavs
Rostotskí sýndar í MÍR
Næstu tvo sunnudaga verða tvær af
kvikmyndum hins kunna sovéska kvik-
myndaleikstjóra Stanislavs Rostotskí
sýndar í bíósal MlR, Vatnsstíg 10.
Sunnud. 4. mars kl. 16:00 verður sýnd
mynd hans frá árinu 1962 „Vindarnir
sjö“, en þar sækir Rostotskí efnið í
atburði styrjaldaráranna 1941-’45. Hin
mynd Rostotskís, verðlaunamyndin
„Hvíti Bim Eyrnablakkur", verður sýnd
sunnud. 11. mars.
Aðgangur að kvikmyndasýningum
MÍR er ókeypis og öllum heimill.
Fyrirlestur í Lógbergi
- um tíbetskan búddisma
Sunnud. 4. mars kl. 14:30 mun Dr.
Alex Berzin flytja fyrirlestur á vegum
Félags áhugamanna um heimspeki í stofu
101 íLögbergi. Fyrirlesturinn nefnirhann
„What is the Difference between á
Buddhist Meditator Visualizing Himself
as a Buddha and a Crazy Person thinking
He is Mickey Mouse“ , og er umfjöllunar-
efnið tíbetskur búddismi.
Alex Berzin er fæddur í Bandaríkjun-
um 1944. Hann stundaði nám við Harvard
háskóla í austurlenskum fræðum með
sérstaka áherslu á tíbetskan Búddisma.
Hann hefur lengst af búið á Indlandi frá
því 1969 og frá 1972 í Dharamsala, þar
sem hann starfar á þýðingaskrifstofunni á
Hinu tíbetska bóka- og skjalasafni Hans
Heilagleika Dalais Lama. Hann stundar
nám og þjálfun með helstu meisturum
allra fjögurra hefða tíbetsks Búddisma og
eftir hann hefur birst fjöldi rita og þýðinga
á vegum skrifstofunnar.
Frá 1975 hefur dr. Berzin þjónað sem
túlkur tíbetskra meistara, einkum Hans
Heilagleika Dalais Lama. Hann hefur
haldið fjölda fyrirletra víða um heim,
bæði í háskólum og annars staðar .
Fyrirlesturinn verður fluttur á ensku.
Námskeið fyrir ferðamenn
og fararstjóra
Ferðamálaskóli MK starfar nú 4. árið í
röð og hefst nýtt kvöldnámskeið fimmtu-
daginn 8. mars nk. Það er ferðalandafræði
(2) sem fjallar um helstu merðamanna-
lönd sem íslendingar heimsækja í sumar-
leyfinu, s.s. Grikkland, Ítalíu, Spán,
Portúgal, Kýpur, Þýskaland, Frakkland
og Suður-Ameríku. Kennt verður í 8
kvöld, á þriðjudögum og fimmtudögum,
kl. 18:30-22:30. Leiðbeinendurverða far-
arstjórar sem hafa langa reynslu í farar-
stjórn erlendis og eru landsþekktir sem
slíkir. Munu þeir fræða þátttakendur um
sögu og mannlíf í þessum löndum og veita
upplýsingar um helstu ferðamannastað-
ina. Námskeiðið er áhugavert fyrir þá
sem eru að velta fyrir sér hvert eigi að
halda í sumarleyfinu - og einnig fyrir þá
sem áhuga hafa á fararstjóm ferðamenna
erlendis.
Væntanlegir þátttakendur geta skráð
sig í síma 74309 eða 43861 kl. 08:00-12:00
og þar eru veittar allar nánari upplýsing-
ar. Fjöldi þátttakenda er takmarkaður.
Síðasti innritunardagur er mánudagurinn
5. mars.
MINNING llllllllllllllllllllllllllllllllllllllllllllllllllllllllllllllllllllllllll^
Anna Hjartardóttir
Fædd 9. september 1907
Dáin 19. febrúar 1990
Mig langar með nokkrum orðum
að minnast Önnu á Geirmundsar-
stöðum í Sæmundarhlíð í Skagafirði,
fóstru minnar frá sex ára aldri til
fermingar.
Hún andaðist á Sjúkrahúsi Sauð-
árkróks þann 19. febrúar sl. eftir
tæplega eins árs dvöl þar og erfið
veikindi.
Anna var fædd að Þrastastaða-
gerði á Höfðaströnd þann 9. sept-
ember 1907. Foreldrar hennar voru
þau hjónin Jónína Margrét Gísla-
dóttir og Hjörtur Ólafsson. Hún var
næstelst fimm systkina, sem öll eru
látin, nema yngsta systirin, Ásta.
Anna giftist 1931 Valtý Sigurðssyni
frá Litlu-Gröf á Langholti og hófu
þau búskap á Geirmundarstöðum
sama ár. Þar bjuggu þau til ársins
1977 er þau fluttu til Sauðárkróks og
keyptu sér íbúð á Víðigrund 6.
Valtýr lést 29. desember 1982, rúm-
lega áttræður að aldri. Anna bjó
áfram í íbúð sinni þar til hún fékk
heilablóðfali á sl. ári.
Anna og Valtýr eignuðust tvo
syni. Eru þeir Gunnlaugur Sigurður
bifreiðarstjóri, Kópavogi, kvæntur
Jóhönnu Haraldsdóttur og eiga þau
þrjá syni og Hjörtur Geirmundur,
hljómlistarmaður og skrifstofumað-
ur hjá Kaupfélagi Skagfirðinga,
kvæntur Mínervu Björnsdóttur og
eiga þau tvo syni.
frá Geirmundarstöðum
Þau Anna og Valtýr bjuggu góðu
búi á Geirmundarstöðum og voru
vinsæl og vel metin í sinni sveit.
Bæði tóku þau virkan þátt í sönglífi
Skagfirðinga og hinum ýmsu kórum.
Oft var gestkvæmt á heimili þeirra
og glatt á hjalla.
Eg sem þessar línur rita kom að
Geirmundarstöðum sex ára gömul
og stóð í fyrstu ekki til að ég dveldi
þar lengi en árin urðu alls sjö. Þau
hjónin tóku mér sem dóttur og
gerðu ekki upp á milli mín og
sonarins Gunnlaugs sem var jafn-
aldri minn. Síðar fæddist svo Geir-
mundur sem var tíu árum yngri.
Anna á Geirmundarstöðum var
glæsileg kona og sópaði að henni
hvar sem hún fór. Hún var mikil
búkona og dugnaðarforkur að
hverju sem hún gekk. Fljót var hún
jafnan að rétta hjálparhönd ef ein-
hver þurfti þess með og munu margir
minnast hennar með þakklæti og
virðingu. Mörg börn og unglingar
nutu umhyggju hennar um lengri
eða skemmri tíma. Ég hef margs að
minnast frá þessum árum og mörg
störfin kenndi hún mér sem að gagni
komu síðar í lífinu.
Eftir að ég flutti úr Skagafirði og
í annan landshluta urðu samskiptin
minni, en aldrei kom ég svo í
heimsókn til Skagafjarðar að ég
kæmi ekki við hjá Önnu. Tók hún
jafnan á móti mér og fjölskyldu
minni sem sinni eigin. Á sl. hausti
heimsóttum við hjónin hana á
sjúkrahúsið á Sauðárkróki. Hafði
hún þá fuila rænu en gat ekki tjáð sig
með orðum. Allt fas hennar lýsti
vinsemd og hlýju sem jafnan áður.
Mun ég jafnan minnast þessarar
mætu konu með þakklæti og virð-
ingu. Ég og fjölskylda mín sendum
sonum hennar og fjölskyldum þeirra
innilegustu samúðarkveðjur.
Hrafnhildur S. Jónsdóttir