Tíminn - 09.03.1990, Blaðsíða 2

2 Tíminn
Föstudagur 9. mars 1990
Margt smátt gárir eitt stórt, áfallinn kostnaður
við hönnunarvinnu vegna endurbóta á Þjóðleikhúsi er um 49 milljónir króna:
LJÓSRITUN KOMIN í
TÆPA HÁLFA MILLJÓN
Kostnaður sem er þegar áfallinn, vegna hönnunar og
ráðgjafar í tengslum við endurbyggingu Þjóðleikhússins,
nemur um 49 milljónum króna. Stærsti liðurinn er vegna
þjónustu Húsameistara ríkisins, eða tæplega 20 milljónir. Þá
vekur athygli að sérstakur liður er vegna Ijósritunarkostnaðar
upp á 432 þúsund krónur.
Þetta kom fram í svari Svavars
Gestssonar menntamálaráðherra við
fyrirspurn Ásgeirs Hannesar Eiríks-
sonar alþingismanns. Ásgeir spurði
í fyrsta lagi um hver væri hönnunar-
kostnaður við fyrirhugaðar viðgerðir
og breytingar á Þjóðleikhúsinu mið-
að við 1. febrúar 1990 og í öðru lagi,
hvernig sá kostnaður skiptist á milli
einstakra hönnuða og ráðgjafa.
Að sögn menntamálaráðherra eru
þess dæmi að kostnaður við hönnun,
endurskipulag og endurmælingar á
gömlum húsum fari allt upp í 25%
af heildarkostnaði viðkomandi
endurbyggingar, en kostnaður sem
nú þegar er kominn fram vegna
hönnunar Þjóðleikhússins er á milli
8 og9% af kostnaðarverði verkefnis-
ins. Nokkrir þingmenn urðu til þess
að stíga í pontu og gagnrýna of
mikinn kostnað við tiltölulega litla
liði í endurbyggingu Þjóðleikhússins
og tók menntamálaráðherra undir
þá gagnrýni. Svavar sagði reikninga
af þessu tagi oft blöskranlega fyrir
hinn almenna borgara, en þarna
væri um erfitt mál að ræða og oft
verið að skipta við hópa sem væru í
einokunaraðstöðu á sínu sviði. Ráð-
herrann kvaðst ekki þeirrar skoðun-
ar að útboð á öllum verkþáttum
leystu þennan vanda, en benti á að
árangursríkt gæti reynst að bjóða út
heildarsamninga fyrir ákveðin verk,
þar sem allir smærri liðir væru þá
innifalnir. Þó svo að menntamála-
ráðherra svaraði fyrirspurninni, var
hann í sumum atriðum ekki miklu
nær heldur en þeir sem á hann
hlýddu. Grípum niður í ræðu Svav-
ars þar sem hann er að telja upp
kostnaðarliði vegna hönnunar á síð-
asta ári.
„Kostnaður framkvæmdadeildar
Innkaupastofnunar ríkisins 261.500
krónur, kostnaður Innkaupastofn-
unar ríkisins 821.870 krónur, Rann-
sóknarstofnun byggingariðnaðarins
162.430 krónur, fyrirtæki sem heitir
Guðmundur og Kristján og ég kann
engin deili á 229.897 krónur. Síðan
kemur hér liður sem gæti verið svar
við hliðarfyrirspurn háttvirts
þingmanns, þ.e. liðurinn ljósritun
431.698 krónur. Línuhönnun hf.
669.542 krónur, Rafteikning hf.
1.240.761 krónur, Verkfræðistofa
Hverjir eru Guðmundur og Kristján
og hvað gerir Forsjá?
Verkfræðivarþað...
Þess má til gamans og fróðleiks
geta að Forsjá sf. er verkfræði-
stofa. Verkefni það sem þeir tóku
að sér fyrir Þjóðleikhúsið var hönn-
un vegna lagna og loftræstingar í
húsinu.
Fyrirtækið Guðmundur og
Kristján er einnig verkfræðistofa,
þó annars eðlis en Forsjá sf., en
Guðmundur og Kristján sérhæfa
sig í hönnun er lýtur að vélaverk-
fræði og ráðgjöf þar að lútandi.
- ÁG
Þær standa að nýrri miðstöð fyrir konur og börn sem orðið hafa fyrir kynferðislegu ofbeldi og veita ráðgjöf og
fræðslu: Fremstar standa frá vinstri; Guðrún Jónsdóttir og Jenný Ánna Baldursdóttir. í miðröð eru Hólmfríður
Jónsdóttir, Annette de Wink, Sigurjóna Kristinsdóttir og Ragna Guðbrandsdóttir. í öftustu röð eru Katrín
Theódórsdóttir, Guðrún Tulinius og Ragnheiður M. Guðmundsdóttir. Tímamynd Ámi Bjama
Samstarf kvennaathvarfsins og ýmissa kvennahópa um Stígamót:
Aðstoð við fórnar-
lömb kynferðisglæpa
í gær var opnuð að Vesturgötu 3 í
Reykjavík miðstöð fyrir konur og
börn sem orðið hafa fyrir kynferðis-
legu ofbeldi. í miðstöðinni verður
veitt margs konar aðstoð, ráðgjöf og
fræðsla og upplýsingar veittar. Mið-
stöð þessi hefur hlotið heitið Stíga-
mót og verður rekin f náinni sam-
vinnu við Kvennaathvarfið.
Nokkrir aðilar hafa komið Stíga-
mótum á fót og meðal þeirra má
nefna auk Kvennaathvarfsins,
Kvennaráðgjöfina, Ráðgjafahóp um
nauðgunarmál og Vinnuhóp gegn
sifjaspellum. Um það bil ár er síðan
hugmyndin að miðstöðinni fæddist.
Ragnheiður M. Guðmundsdóttir,
einn aðstandenda Stígamóta sagði
við opnunina í gær að gerð hefði
verið fjárhagsáætlun um starfsemi
Stígamóta. Áætlunin var miðuð við
fjóra starfsmenn og vakt allan sólar-
hringinn. Gert var ráð fyrir að
starfsemin kostaði um 11 milljónir á
ári.
Á síðustu fjárlögum hefði hins
vegar aðeins veitt 2 milljónum til
starfseminnar og það sniði starfsem-
inni mun þrengri stakk en ráð var
fyrir gert í upphafi. Þannig hæfist
starfsemin með einu starfsgildi sem
þrjár konur skiptust á um að sinna.
Miðstöðin verður opin alla virka
daga milli kl 12 og 19. Hins vegar
verður svarað í síma allan sólar-
hringinn ísímum 626868 og 626878.
Opið hús verður hjá Stígamótum
að Vesturgötu 3 á morgun milii frá
kl. 14-16 og geta þeir sem hafa hug
á að kynna sér starfsemina komið og
rætt við starfsfólk og aðstandendur
miðstöðvarinnar. -sá
Ljósritunarkostnaður, sem er undir sér lið í hönnunarkostnaði, í tengslum
við endurbyggingu Þjóðleikhússins slagar hátt í hálfa milljón.
Tímamynd: Pjetur
Stefáns Ólafssonar 3.222.803
krónur. Fyrirtæki sem heitir því
skemmtilega nafni Forsjá, og ég veit
nú ekki alveg hvað gerir 1.485.057
krónur, Rafhönnun hf. 3.413.397
krónur..." - ÁG
Þrír piltar á
sjúkrahús eftir
að borða sveppi
Þrír piltar úr Keflavík, tveir sautj-
án ára og einn nítján ára voru fluttir
á sjúkrahús í fyrrakvöldi, eftir að
hafa borðað þurrkaða sveppi, er
innihalda efni sem valda ofskynjun-
um.
Piltarnir höfðu verið í samkvæmi
í norðurbæ Hafnarfjarðar, þar sem
þeir höfðu borðað sveppina. Hringdi
einn piltanna á slökkvistöðina un
klukkan 11 í fyrrakvöld og óskaði
eftir sjúkraflutningi, þar sem hann
var þá orðinn mjög veikur af neysl-
unni. Þegar komið var á staðinn var
sá er hringdi enn í húsinu og var
hann fluttur þegar í stað á Borgar-
spítalann. Við eftirgrennslan hafðist
upp á hinum piltunum. Annar var þá
kominn í suðurhluta Hafnarfjarðar
og var hann einnig fluttur á Borgar-
spítalann, en hinn kominn til Sand-
gerðis og var hann fluttur á sjúkra-
húsið í Keflavík. Þeir er fluttir voru
á Borgarspítalann voru síðar fluttir
á Landspítalann.
Fleira fólk var saman komið í
samkvæminu þar sem piltarnir borð-
uðu sveppina, en þau höfðu ekki
neytt þeirra. Mylsna af sveppum
fannst í fórum piltanna. Þeir fegnu
að fara af sjúkrahúsi í gær. Einn
piltanna er lögreglan hafði tal af í
gær gat litlar skýringar gefið á fram-
ferði sínu, en hann mun hafa borðað
slíka sveppi áður án þess að svo
langt hafi gengið.
Áhrifin af sveppum þessum er
innihalda psylocibin eru miklar of-
skynjanir og rangskynjanir, og geta
menn verið hættulegir sjálfum sér og
öðrum. -ABO
EIMSKIP GRÆDDI44
MILLJÓNIR í FYRRA
Árið 1989 voru heildarflutningar
Eimskips 949 þúsund tonn og er það
5% aukning frá árinu á undan, er
þeir voru 908 þúsund tonn.
í fyrra var 44 milljón króna hagn-
aður af reglulegri starfsemi Eim-
skips. Þegar tekið hefur verið tillit til
hagnaðar af sölu eigna, áhrifa dótt-
urfélaga og reiknaðra tekju- og eign-
arskatta, varð niðurstaða rekstrar-
reiknings jákvæð að upphæð 189
milljónir króna.
Rekstrartekjur Eimskips og dótt-
urfélaga þess á árinu 1989 námu
6.136 milljónum króna, en 4.827
milljónum króna árið 1988. Hækkun
milli ára er því 27%. -EÓ