Tíminn - 30.03.1990, Blaðsíða 4

Tíminn - 30.03.1990, Blaðsíða 4
4 Tíminn Föstudagur 30. mars 1990 FRETTAYFIRLIT MOSKVA — Varnarmála- ráðuneyti Sovétríkjanna lýsti því yfir að allir þeir Lithaugar er yfirgáfu herdeildir sínar í sovéska hernum í kjölfar sjálfstæðisyfirlýsingu þings Lithaugalands hljóti fulla sak- aruppgjöf, svo fremi þeir snúi afturtil herþjónustu. Þá fengu Lithaugar stuðningsyfirlýs- ingu frá þinginu í Úkraínu. Sovésk yfirvöld segjast reiðu- búin til að ræöa sjálfstæöis- málin við Lithauga. BEIRÚT — Kristnir menn berjast nú hatrammlega í fjöllunum austur af Beirút og eru bardagarnir þeir hörðustu í mánuð. HONG KONG — Hundruð manna voru handtekin á portúgölsku nýlendunni Macau, sem liggur rétt við Hong Kong og Kína, eftir að átök brutust út milli ólöglegra innflytjenda. PRAG — Upp hafa komið deilur milli Tékka og Slóvaka um það hvað kalla skuli ríkið Tékkóslóvakíu eftir að kommúnismanum var kastað fyrir róða þar á bæ. LYON — Franskir gyðingar hafa keypt afskekkt bónda- býli þar sem gestapóforing- inn Klaus Barbie handtók 44 gyðingabörn er síðar létu lífið í útrýmingarbúðum nasista í Auschwitz. AUSTUR-BERLlN — Sifellt fleiri sögur heyrast nú um grimmdarverk öryggislög- reglu Stalíns í Austur- Þýska- landi á eftirstríðsárunum eftir að tvær fjöldagrafir fundust og fólk á ekki á hættu að fá heimsókn frá hinni illræmdu Stasi öryggislögreglu ef það leysir frá skjóðunni um grimmdarverkin. PEKING — Hermenn sem sérþjálfaðir eru til að takast á við hryðjuverkamenn eru nú komnir til Peking þar sem undirbúningur fyrir Asíuleik- ana, sem fram fara í septem- ber, er í fullum gangi. Þá hef- ur lögreglan aukið öryggisvörslu til að koma í veg fyrir mótmælafundi námsmanna. UTLOND Verkamannaflokkurinn í Ástralíu hélt velli Verkamannaflokkurinn í Ástralíu hélt velli í þingkosningunum sem fram fóru þar í landi um helgina. Mun Bob Hawke, formaður flokks- ins, því verða áfram forsætisráðherra Astralíu, en Andrew Peacock, for- maður Frjálslynda flokksins, sem leiddi kosningabandalag flokksins og Þjóðarflokksins, hefur sagt af sér for- mennsku. Mjótt var á mununum í kosningun- um eins og hafði verið alla kosninga- baráttuna sem var mjög hatrömm. Hægri menn höfthi gert sér vonir um að komast til valda eftir þriggja kjör- tímabila stjórn Verkamannaflokks- ins, en sú von brást. Ekki er að fullu ljóst hve marga þingmenn Verkamannaflokkurinn hlaut, en að likindum er aðeins tveggja þingsæta munur á flokknum og kosningabandalagi Frjálslynda flokksins og Þjóðarflokksins. Hefur hann því tapað tuttugu þingsætum frá því í kosningunum árið 1987. Peacock skýrði frá ósigri sínum á sérstökum blaðamannafundi í gær og sagðist mundi tilkynna skuggaráðu- neyti sínu afsögn sína á fyrsta þing- flokksfundi. • ..-=i p»4 Bob Hawke, forsætisráðherra Ástralíu, fagnar fjórða kosningasigrí Verkamannaflokksins undir hans stjóm, ásamt Hazel eiginkonu sinni. Peacock hefur verið harðlega gagn- rýndur í kosningabaráttunni fyrir að hafa komið sér hjá því að segja hvernig skuggaráðuneyti hans hygð- ist takast á yið skuldabagga og við- skiptahalla Ástralíu. Blökkumannaleiðtogarnir Nelson Mandela og Mongosuthu Buthelezi hittast í fyrsta sinn: Ræða blóðug átök Zúlúmanna í Natal Tveir áhrifamestu blökkumannaleið- togar Suður-Afríku, þeir Nelson Mandela leiðtogi Afríska þjóðarráðs- ins og Mancosuthu Buthelezi leið- togi Inkatha hreyfingarinnar í Natal- héraði, ætla nú að hittast og ræða leiðir til að stöðva innbyrðis átök Zúlumanna í Natal. Blóðug átök undanfarna tvo daga, þar sem átján manns hafa fallið og hundruð manna orðið heimilislausir, urðu til þess að mælirinn fylltist og leiðtogarnir ákváðu að reyna ná sam- komulagi eftir samningaleiðinni. Á þriðja þúsund manns hafa fallið í irin- byrðis átökum Zúlúmanna í Natal undanfarin þrjú ár. Greinir Zúlúmenn á um það hvernig binda eigi enda á aðskilnaðarstefhuna í Suður- Afríku. Inkathahreyfíngin vill halda í ættar- veldi og hefðir Zúlúmanna í eigin heimalandi, óháð öðrum hlutum Suð- ur-Afríku, og hins vegar vinstri sinn- uð samtök er tengjast Afriska þjóðar- ráðinu sem berjast fyrir sameinaðri Suður- Afríku án heimalandanna. A-Þýskaland: Samsteypu- stjórn í deiglunni Samsteypustjórn kosningabanda- lags hægri manna og Jafhaðar- mannaflokksins er nú í deiglunni í Austur-Þýskalandi. Viðræður milli leiðtoga þessara aðila hófu stjórnarmyndunarviðræður í gær og er gert ráð fyrir að ný ríkis- stjórn verði mynduð á breiðum grundvelli fyrir miðjan aprílmán- uð. í fyrstu neituðu jafhaðarmenn að taka þátt í samsteypustjórn með hægri mönnurn, en nú hefur orðið stefhubreyting þar á bæ. Stjórnarmyndunarviðræður þess- ar falla nokkuð í skuggann af þeirri staðreynd að einhverjir hinna nýkjörnu þingmanna þess- ara flokka voru að líkindum á inála hjá hinni illræmdu Stasi. Vegna mikils þrýstings almenn- ings hefur þingið ákveðið að greiða atkvæði um það hvort rann- saka skuli bakgrunn allra þing- manna í Völkskammer með tengsl við Stasi í huga eða ekki. 16fallaí Srinagar Að minnsta kosti sextán manns, flestir óbreyttir borgarar, féllu í skotbardög- um indverskra herlögreglumanna og skæruliða múslíma í Srinagar í Ka- smírhéraði í gær. Skotbardagarbrutust út á að minnsta kosti sjö stöðum í þessari fomu borg. I það minnsta sex herlögreglumenn og sex óbreyttir borgarar særðust alvarlega að auki. Átökin brutust út í byrjun fjögurra klukkustunda tímabils þar sem fólki er leyft að vera á ferli í borginni, en ann- ars ríkir algert útgöngubann í Srinagar. Réðust vopnaðir skæruliðar Þjóðfrels- isfylkingar Jammu ög Kasmír á varð- stöðvar herlögreglu. í yfirlýsingu þeirra kom fram að á meðal árásar- mannanna væru tólf skæruliðar sem flúðu úr fangelsi um helgina. Armenía: Byggja nýja borg fyrir fórnarlömb jarðskjálftanna Srjórnvöld í Armeníu munu hefja bygg- ingu nýrrar borgar sem hýsa skal stóran hluta fórnarlamba jarðskjálftanna miklu í Armeníu. Borgin, sem hljóta skal nafh- ið Europolis, mun hýsa 200 þúsund manns, en alls urðu 700 þúsund manns heimilislausir í jarðskjálftunum miklu. Europolis mun verða byggð 40 km suð- Irakar: Neita smygltilraun íröksk stjómvöld hafa neitað því staðfastlega að eiga nokkurn þátt í smygltilraun þriggja starfsmanna ír- akskra rikisflugfélagsins sem hand- teknir voru á Heathrowflugvelli með tæknibúnað sem nauðsynlegur er til þess að koma af stað kjarn- orkusprengju. Hins vegar fullyrðir ritstjóri her- málaritsins Jane's Defence Weekly að írakar verði búnir að framleiða kjarnorkusprengju innan fimm ára. austur af Jerevan, höíuðborg Armeníu, utan virkustu jarðaskjálftasvæðanna í Armeníu. Er gert ráð fyrir að það taki tíu ár að byggja borgina og munu ffam- kvæmdir hefjast 7.desember, tveimur ár- um eftir að jarðskjálftarnir miklu dundu yfir Armena með þeim afleiðingum að minnsta kosti 25 þúsund manns fórust. Engar byggingar munu verða hærri en þriggja hæða í þessari framtiðarborg. Alþjóðasamtök munu leggja fram 500 milljónir dollara til að reisa borgina og mun Hollendingurinn Robert Nieland verða verkefhisstjóri. -Þetta er öruggasta svæðið í Armeniu, sagði Nieland á blaðamannafundi er haldinn var í gær vegna þessa máls.

x

Tíminn

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Tíminn
https://timarit.is/publication/50

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.