Tíminn - 25.04.1990, Blaðsíða 3

Miðvikudagur 25. apríl 1990
Tíminn 3
Sérstakur saksóknari hefur sóknarræðu sína í Hafskipsmálinu:
Sex dagar ætlað-
ir í sóknarræðuna
Jónatan Þórmundsson sérstakur saksóknari hóf í
gærmorgun sóknarræðu sína fyrir Sakadómi Reykja-
víkur í Hafskipsmálinu. Jónatan gerir ráð fyrir að hann
Ijúki sinni ræðu nk. mánudag, en hann áætlar að
sóknarræðan taki rúma 20 klukkutíma í flutningi. Þá
má gera ráð fyrir að varnarræður verjenda hinna
ákærðu standi í tvær til þrjár vikur.
Dómkröfur saksóknara voru þær
að hinir ákærðu í málinu, 17
talsins, verði dæmdir til hæfilegrar
refsingar að mati dómsins og til
greiðslu alls sakarkostnaðar, þar á
meðal saksóknaralauna í ríkissjóð.
Þá krafðist sérstakur saksóknari
þess einnig að ákærði, Helgi Magn-
ússon verði með dómi svipur rétt-
indum löggilts endurskoðanda.
Jónatan sagðist mundu í lok
sóknarræðu sinnar á mánudag gera
nánari grein fyrir hugmyndum og
ábendingum ákæruvaldsins varð-
andi ákvörðun um væntanlegrar
refsingar hinna ákærðu.
Eftir að hafa rætt um útgáfu
ákæruskjala og sameiningu mál-
anna tveggja, þ.e. Hafskipshlutans
og Útvegsbankahlutans, þá vék
hann að málarekstri varðandi
þrotabú Hafskips. Hann sagði að
enginn vafi léki á því að gjaldþrot
Hafskips sé stærsta gjaldþrot í
íslandssögunni. Samkvæmt úthlut-
unargerð Skiptaréttar Reykjavíkur
frá 9. júní 1989 námu lýstar kröfur
1.358 milljónum króna, en þar af
námu almennar kröfur 1.071 millj-
ón króna. Með því að framreikna
þessar tölur með lánskjaravísitölu
frá desember 1985 til apríl 1990, án
þess að tekið sé tillit til vaxta þá
nema lýstar kröfur 2.905 milljón-
um króna og almennu kröfurnar
2.290 milljónum. 50% komu til
úthlutunar upp í almennar kröfur
á nafnvirði, en raungildi úthlutunar
er 17 til 18%. Jónatan sagði að
ástæða væri að ætla að fjárhæð
Jónatan Þórmundsson, sérstak-
ursaksóknari í Hafskipsmálinu.
raunverulegra skulda hafi verið
mun hærri, þ.e. kröfur er lýst var
of seint, kröfum er var hafnað, auk
annarra krafna sem ekki var lýst,
þá bæði innlendar og erlendar.
Stærsti kröfuhafinn í þrotabú
Hafskips var Útvegsbankinn. Sam-
kvæmt bréfi frá vararíkisendur-
skoðanda frá 5. apríl sl. varðandi
tap Útvegsbankans kemur fram að
lauslegt mat á tapi Útvegsbankans
við stofnun hlutafélagsbanka er
talið nema um 380 milljónum
króna. Þessi fjárhæð er miðuð við
árslok 1985. Ætla má að við endan-
legt uppgjör þrotabúsins fáist um
100 milljónir króna.
Þá rakti sérstakur saksóknari
það sem hann kallaði „Sorgarsögu
Hafskips hf.“. Hann sagði aðmálið
snérist að mestu um viðskipti Haf-
skips hf. við Útvegsbanka íslands.
Því sagði hann að nauðsynlegt væri
að rekja í stórum dráttum bak-
grunn og sögu þeirra viðskipta.
Hann sagði að yfirlit þessarar sögu
sýndi hversu mjög þessir aðilar
voru háðir hvor öðrum og að
samkrullið hafi náð hámarki þegar
sami maður, í tvö og hálft ár, hafi
gegnt stjórnarformennsku í Haf-
skip og bankaráðsformennsku í
Útvegsbankanum.
Eins og áður sagði gerir sérstak-
ur saksóknari ráð fyrir að ljúka
sóknarræðu sinni á mánudag nk.
og áætlað er að hann tali í um fjóra
tíma á dag. Að sóknarræðunni
lokinni munu verjendurnir taka
við og flytja varnarræður sínar
fyrir dómnum. -ABÓ
Smábátahöfn og
iöngaröar fyrir smá-
iðnað í Grafarvogi:
Björgun að
nema land
„Starfsemi Björgunar fer fram um
mest allan Grafarvoginn. Við erum
að snyrta til í kring um okkur og
byggja upp lóð fyrir innan aðal
athafnasvæði okkar þar sem við
hyggjumst byggja upp iðnaðar- og
þjónustuhverfi," sagði Sigurður
Helgason framkvæmdastjóri Björg-
unar hf.
Nú er unnið að því ’á vegum
Björgunar að fylla upp fjörurnar inn
með Grafarvoginum að sunnan-
verðu í átt til Gullinbrúar. Sigurður
sagði að búast mætti við að uppfyll-
ingin taki tvö til þrjú ár en að því
loknu munu framkvæmdir hefjast
við hið fyrirhugaða iðnaðar- og þjón-
ustusvæði.
Sigrún Magnúsdóttir borgarfull-
trúi Framsóknarmanna sagði að
þarna væri verið að byrja á fram-
kvæmdum við smábátahöfn og við
iðnaðarhverfi þar sem eingöngu
smáiðnaður af ýmsu tagi mun fá
inni. Borgin hefði gert samning við
Björgun hf. Samkvæmt honum ann-
ast fyrirtækið allar framkvæmdir við
smábátahöfnina og iðngarðana en
fær í staðinn nokkuð rýmri aðstöðu
auk þess sem umhverfið þarna verð-
ur mun álitlegra að öllu leyti. -sá
Vinnuvélar unnu að því að afmarka svæði í Grafarvogi þar sem rísa á nýtt iðnaðar- og þjónustuhverfi.
Tfmamynd: Árni Bjarna.
Flestir vilja óbreytta stjórnun fiskveiöa eða byggðakvóta:
AÐEINS 1 % ISLENDINGA VILL
GEFA ÚTGERDINNIKVÓTANN
Um 45% landsmanna vilja að
fiskveiðum verði stjórnað með sama
hætti og nú en 35% vilja byggða-
kvóta. Aðrir stjórnunarkostir eiga
því litlu fylgi að fagna. Aðeins
rúmlega 4% eru hlynntir skrapdaga-
kerfi, rúmlega 7% vilja að veiðileyfi
verði seld og einungis rúmlega 1%
að kvótinn verði eign útgerðar-
manna.
Þetta eru helstu niðurstöður sem
Félagsvísindastofnun fékk er hún
skoðaði hug almennings til stjórnun-
ar fiskveiða fyrir Sjávarútvegsstofn-
un Háskóla íslands. Spurningarnar
voru lagðar fyrir 1.074 manns um
land allt.
Samkvæmt könnuninni er yfir-
gnæfandi meirihluti landsmanna á
því að stjórn fiskveiða eigi að tengj-
ast byggðastefnu, því spurningu þar
að lútandi svöruðu um 82% játandi.
Spurðir nánar vildi drjúgur þriðjung-
ur þessa hóps festa núverandi
byggðamynstur í sessi og álíka hópur
vildi þéttingu byggðar. Um 16% vill
annað fyrirkomulag og álíka hópur
veit ekki alveg hvað hann vill.
Þá kom m.a. fram í könnuninni að
skoðanir háskólamenntaðra manna
eru í sumum atriðum nokkuð aðrar
en landsmanna almennt. Sala veiði-
leyfa nýtur t.d. þrefalt meira fylgis
(22%) meðal þeirra en í könnuninni
almennt og þétting byggðar tvöfalt
meira (62%) fylgis. -HEI
Framtíðin,
nýr listi
í Reyk-
hólahreppi
Þann 1. apríl sl. var haldinn kynn-
ingar- og stofnfundur félags áhuga-
fólks um framtíðaruppbyggingu
Reykhólahrepps. Fundurinn var
mjög vel sóttur og mættu á hann um
60 manns. Á fundinum voru flutt
framsöguerindi um tilgang og mark-
mið félagsins og gengu 35 manns í
félagið á fundinum sem eru u.þ.b.
10% íbúa sveitarfélagsins. Kosin var
undirbúningsstjórn og tvær starfs-
nefndir til að vinna undirbúnings-
vinnu fyrir framboð félagsins til
sveitarstjórnar í vor.
Framhaldsstofnfundur var síðan
haldinn 12. apríl í félagsheimilinu
Vogalandi, þar sem m.a. var gengið
frá lögum félagsins, rætt um stefnu-
skrá og gerð skoðanakönnun meðal
félagsmanna um röðun á framboðs-
lista þess.
Eins og fram kemur í heiti félags-
ins er markmið þess að efla byggð í
Reykhólahreppi. í þeim tilgangi
mun félagið beita sér fyrir því að
íbúar sveitarfélagsins njóti þeirrar
þjónustu og réttinda af hendi samfé-
lagsins sem þeir eiga að hafa, auk
þess sem félagið mun beita sér fyrir
öllu því sem auðgað getur og bætt
mannlífið í héraðinu, eins og segir í
lögum þess. Félagið mun fara þær
leiðir að markmiðum sínum sem
félagsmenn meta vænlegastar hverju
sinni, en ein þeirra leiða er að hafa
áhrif innan sveitarstjórnarinnar og
því býður félagið fram lista til sveit-
arstjórnarkosninganna nú í vor.
Gengið var frá vali frambjóðenda
á framboðslista félagsins á almenn-
um félagsfundi 21. apríl og er hann
þannig skipaður:
1. Einar Hafliðason bóndi, Fremri-
Gufudal. 2. Vilborg Guðjónsdóttir,
þjóðfélagsfræðingur, Reykjabraut
13. 3. Jóhannes Geir Gíslason,
bóndi, Skáleyjum. 4. Karl Kristjáns-
son, bóndi, Kambi II. 5. Málfríður
Vilbergsdóttir, húsmóðir, Kletti,
Geiradal. 6. Sólrún Ósk Gestsdóttir,
forstöðumaður, Hellisbraut 38. 7.
Gunnbjörn Jóhannsson, verktaki,
Kinnarstöðum. 8. Egill Sigurgeirs-
son, nemi, Mávavatni. 9. Halldóra
Elín Magnúsdóttir, verkamaður,
Reykjabraut 1. 10. Bergsveinn
Reynisson, þangskurðarmaður,
Gróustöðum. 11. Ingibjörg Björg-
vinsdóttir, leiðbeinandi, Reykhól-
um. 12. Reinhard Reynisson, sveit-
arstjóri, Hellisbraut 8a. 13. María
Björk Reynisdóttir, hjúkrunarfr.,
Hellisbraut 10. 14. Áshildur Vil-
hjálmsdóttir, húsmóðir, Króksfjarð-
arnesi.
Stofnadur verði
lýðræðissjóður
Ríkisstjórnin hefur samþykkt til-
lögu frá menntamálaráðherra að fela
nefnd allra stjórnmálaflokka sem
fulltrúa eiga á Alþingi að semja
frumvarp til laga um lýðræðissjóð. í
frumvarpinu á að leggja áherslu á að
tryggja svo sem kostur er lýðræðis-
legan rétt stjórnmála- og málefna-
samtaka til þess að koma sjónarmið-
um sínum á framfæri.
Nefndinni er m.a. ætlað að fjalla
um hvernig haga beri stuðning við
dagblöð, landshlutablöð og stjórn-
málasamtök hér á landi. Hún á að
hafa hliðsjón af skipan þessara mála
á Norðurlöndunum og reynslu
grannþjóða okkar f þessum efnum.
Þá á nefndin að hafa til hliðsjónar
skýrslu um fjölmiðla- og menningar-
sjóð og skýrslu frá framkvæmda-
stjórum stjórnmálaflokkanna.
Nefndin mun starfa á vegum forsæt-
isráðuneytis.
Ríkisstjórnin samþykkti ennfrem-
ur að fela menntamálaráðherra að
undirbúa frumvarp til laga um menn-
ingarsjóð á grundvelli áðurnefndar
skýrslu um fjölmiðla- og menningar-
sjóð. -EÓ