Tíminn - 06.09.1990, Blaðsíða 20

RÍKISSKIP
NirriMA FLUTNINGAR
Hofnarfiusinu v Tryggvagotu,
S 28622
SAMVINNUBANKINN
í BYGGÐUM LANDSINS
NIS5AIM
Réttur bíll á
réttum stað.
Ingvar
Helgason hf.
Sœvarhöföa 2
Sími 91-674000
y: HOGG-
DEYFAR
Verslið hjá fagmönnum
GS varahluti
Tíminn
FIMMTUDAGUR 6. SEPTEMBER1990
Skýrsla frá sérfræðingum Atlantsáls-fyrirtækjanna var rædd á fundi ríkisstjórnarinnar í gær:
Keilisnes talinn lang-
hagstæðasti kosturinn
Á fiindi ríkisstjómarínnar í gær var til umræðu skýrsla
frá sérfræðingum Atlantsál-hópsins, um staðarval nýs
álvers. Iðnaðarráðherra gerði grein fýrír skýrslunni. Ekki
mun hafa veríð tekin nein afstaða til hennar, en iðnaðar-
ráðherra hefur getið þess að afgreiðsla málsins gæti
orðið í þessum mánuði.
Steingrímur Hermannsson for-
sætisráðherra sagði í samtali við
Timann í gærkvöldi, að óneitanlega
hölluðust Atlantsál-menn mjög að
Keilisnesi, en ákvörðun hafi verið
tekin um staðsetningu álversins.
Og því verður ekki á móti mælt,
sagði Steingrímur, að umhverfis-
málin virðast vera Keilisnesi mjög
i vil, miðað við aðra staði sem til
greina koma.
Tíminn ræddi einnig við Jón Bald-
vin Hannibalsson utanríkisráð-
herra. „Staðreyndin í málinu er sú,
að viðsemjendur okkar hafa ekki
sagt sitt síðasta orð í þessu efhi.
Hins vegar liggur fyrir skýrsla sér-
fræðinga þeirra, þar sem þeir raða
þessum kostum í forgangsröð og af
henni er alveg augljóst að þeir telja
Keilisnes langhagstæðasta kost-
inn.“
Jón sagði skýrsluna vera með
þeim hætti, að auðvelt sé að álykta
útffá henni „að sú staða geti komið
upp fyrr en varir, að þeir segi Keil-
isnes eða Kanada. En þeir hafa ekki
sagt það enn sem komið er og því
eru fféttir um það óstaðfestar,
byggðar á sögusögnum. Hins vegar
skyldi enginn láta sér koma það á
óvart, þótt þetta yrði þeirra niður-
staða,“ sagði Jón Baldvin.
-jkb/-hs.
Fræðsluráð Vestfjarðaumdæmis:
JAFNRÉTTI TIL
NÁMS ÖFUGMÆLI
Fræðsluráð Vestíjarðaumdæmis tel-
ur að alvarlegustu vandamálin, er
steðji að skólahaldi á Vestfjörðum,
séu viðvarandi kennaraskortur, erfið-
leikar við að fá réttindafólk til starfa
og tíð kennaraskipti. Þetta kemur
meðal annars fram í ályktun fundar
fræðsluráðsins á ísafirði 30. ágúst sl.
Fræðsluráðið telur, að þrátt fyrir fog-
ur fyrirheit yfirvalda, um nauðsyn
þess að bæta úr þessu óffemdar-
ástandi, miði lítið sem ekkert í rétta
átt.
' „A meðan ekki verður gerð bragar-
bót á, eru það hrein öfugmæli að tala
um að jafhrétti til náms ríki í landinu.
Fræðsluráðið lýsir yfir fullri ábyrgð á
hendur yfirvöldum landsins vegna
þessa ástands," segir orðrétt i ályktun
fundarins. Jafhffamt segir að kenn-
araskorturinn og tíð kennaraskipti
Ieggi miklar byrðar á herðar kennara
og skólastjómenda á Vestfjörðum,
sem hafa unnið þrekvirki við erfiðar
aðstæður. Fræðsluráð tekur undir þá
hugmynd, að efht verði til sérstakrar
ráðstefnu um þann vanda sem steðjar
að skólahaldi víðast úti á lands-
byggðinni. „Verði ráðstefha þessi
haldin nú í haust og í ffamhaldi af þvi
hrundið í framkvæmd áætlunum um
að bæta með viðvarandi hætti úr
þessu óffemdarástandi.“
-hs.
Atll Eðvaldsson horfir hér á efUr bottanum eftir að hafa spymt honum glæsilega með hælnum ffamhjá Bmno
Martinl, markverði Frakka. Leiknum lauk með 2-1 sigri Frakka. Sjá bls. 19. Tfmamynd: pjetur
Frá 6-17 mánaða biðtími algengur eftir skurðlækningum í vor:
2% þjóðarinnar bíða þess
að komast undir hnífinn
Um 3 þúsund manns biðu í vor eftir því að komast í bæklun-
ar-, þvagfæra- og æðaskurðlækningar ásamt kransæða- og
háls-, nef- og eymaaðgerðir á spítölunum í Reykjavík og Ak-
ureyrí s.l. vor. Stærsti hópurínn, 1.365 manns, beið eftir bækl-
unarskurðlækningum þar sem biðtími eftir aðgerð reyndist
kominn upp í 12-17 mánuði.
Eftir umfangsmiklar lokanir sjúkra-
húsdeilda í sumar eru miklar líkur á
að bæði biðlistamir og biðtíminn
hafi lengst töluvert síðan könnunin
var gerð i apríl í vor. Auk þessa voru
á 3. hundrað á lista hjá bamaskurð-
læknum og nokkur hundruð manns
munu bíða eftir almennum skurð-
lækningum. Og þá eru enn ótaldir
langir listar eftir lýtalækningum
(fegmnarlækningum). Mun því
varla ofáætlað að um 5.000 manns
(2% þjóðarinnar) bíði eftir að kom-
ast undir hnífinn á skurðdeildum
sjúkrahúsanna.
Biðlistar deildskiptu sjúkrahúsanna
í Reykjavík og á ’ Akureyri voru
kannaðir af landlæknisembættinu
s.l. vor. Frá niðurstöðum þeirrar
könnunar er greint í nýju fféttabréfi
lækna. Samkvæmt fféttabréfinu
voru biðlistar eftir skurðaðgerðum í
öllum tilvikum mun lengri í vor
heldur en í áþekkri könnun sem gerð
var árið 1986 og að nokkru leyti árið
1988. Sérstaklega hefur þeim fjölg-
að (37% á fjórum árum) sem hveiju
sinni biðu eftir bæklunarlækningum,
hvað flestir vegna slitgigtar í
mjaðma- eða hnjáliðum og bijósk-
loss i baki. Til nokkurs samanburðar
um lengd biðlistans má geta þess að
um 1.000 innlagnir voru á bæklunar-
skurðdeild Landspítalans allt árið
1988.
Biðtími eftir öðrum skurðaðgerðum
var algengastur um hálft til eitt ár á
s.l. vori.
Talning í vor náði að vísu ekki til
fjölda þeirra sem biðu eftir almenn-
um skurðlækningum. Þeir voru um
500 á lista í könnun árið 1986 og því
líklega enn fleiri nú, hafi þróun þar
orðið svipuð og á þeim deildum sem
könnunin í vor náði til.
Árið 1988 taldi biðlisti eftir lýta-
lækningaaðgerðum ca. 1.000 manns
samkvæmt fféttabréfinu. Engar upp-
lýsingar koma heldur ffam um þenn-
an biðlista nú í vor, en ólíklega hefur
hann styst síðan.
í ársskýrslu Ríkisspítala árið 1988
koma t.d. ffam eftirfarandi upplýs-
ingar um starfsemi lýtalækninga-
deildar Landspítalans á því ári:
Fjöldi sjúklinga var 510 eða 10%
aukning frá árinu 1987. Rúmanýting
var 107% og jókst um 7% milli ára.
Aðgerðir á sjúklingum deildarinnar
voru 473.
Þá segir: „Á biðlista deildarinnar
voru í árslok um 1.900 manns og
lengist biðlistirm jafnt og þétt.“ Og
síðar: „Ef mið er tekið af því hve
margir bíða þess að komast að þyrfti
deildin að stækka að minnsta kosti
um helming. Slík stækkun hefði í for
með sér að starfslið deildarinnar
nýttist betur og jafnframt væri hugs-
anlegt að bæta við einhverri starf-
semi og þá sérstaklega þjónustu við
slasaða sjúklinga og sjúklinga með
áverka þar sem bæta þarf vefjatap."
Samkvæmt þessu mun tæpast of-
áætlað að a.m.k. um 5.000 manns —
eða 1 afhveijum 50 íslendingum —
bíði þess að komast undir hnífinn hjá
skurðlæknum á sjúkrahúsum lands-
ins, fyrir utan allar aðgerðir sem
framkvæmdar eru á læknastofum.
Þar af leitar meirihlutinn eftir linun
þrauta og brottnámi meina. En sá
hópur virðist líka nokkuð stór sem
vill undir hnífinn til að fá fallegri
spegilmynd — á kostnað ríkissjóðs,
þ.e. skattgreiðendanna. - HEI