Tíminn - 25.09.1990, Blaðsíða 9

Þrriðjudagur 25. september 1990
Þrriðjudagur 25. september 1990
Tfminn 9
A þriðja hundruð manns á Langjökli um helgina við góðan viðurgerning í mat, drykk og hljómlist:

íslensk ferðaþjónusta er sífellt að bæta
við sig rósum í hnappagötin. Fréttir hafa
borist af því að ferðaskrifstofur bjóði bæði
innlendum og erlendum ferðamönnum
upp á ævintýraferðir af ýmsu tagi um ís-
land. Sem dæmi má nefna að ekki er langt
síðan stór hópur norrænna hjartalækna
var hér á ferð ríðandi.
Þá hefur mjög færst í aukana að fara með
erlenda ferðamenn í ævintýraferðir á jökla
landsins. í sumar hefur t.d. fýrirtæki á
Höfn í Hornafirði haft yfrið nóg að gera
við að ferja erlenda ferðamenn á Vatnajök-
ul og fara með þá í siglingar á jökullónum.
Eftir
Hermann
Sæmunds-
son
Orðspor ferðalaga af þessu tagi hefur far-
ið víða og sífellt verður það algengara að
ýmis erlend stórfyrirtæki bjóði starfs-
mönnum sínum, sem staðið hafa sig vel í
starfi, í ævintýraferðir til íslands. Slíkar
ferðir eiga vinsældum að fagna og undan-
farna daga hafa tveir hópar, samtals tæp-
lega þrjú hundruð manns, farið á Langjök-
ul þar sem tekið var á móti fólkinu með
kampavíni, kræsingum og dixílandhljóm-
list.
Það var ferðaskrifstofan Atlantic sem
skipulagði þessar ferðir upp á Langjökul. Á
jöklinum stansaði hvor hópur um sig í um
þrjá tíma. Það sem var sérstakt við ferðirn-
ar að þessu sinni var að ferðamönnunum
var veitt fyrsta flokks þjónusta þegar á jök-
ulinn var komið. Þar gengu skartbúnir
þjónar um beina í stóru tjaldi klæddir í
kjól og hvítt, bjóðandi kampavín, og
hljómsveit lék undir borðum og fyrir
dansi.
Þessir ferðamenn eru sölumenn hjá
svissneska stórfyrirtækinu AMC, sem
framleiðir og selur meðal annars potta og
pönnur. Hjá fýrirtækinu vinna rúmlega 10
þúsund manns og hefur það sölumenn um
allan heim. Sú venja hefur skapast hjá fyr-
irtækinu að heiðra sölumenn sem ná ár-
angri í starfi með því að bjóða þeim í ævin-
týraferðir um heimsins lendur. Að þessu
sinni varð jöklaferð á íslandi fyrir valinu
og sér ferðaskrifstofan Atlantic um skipu-
lag ferðarinnar.
Á þriðja hundrað manns
Ólafía Sveinsdóttir deildarstjóri hjá
ferðaskrifstofunni Atlantic var spurð um
aðdraganda þess að Atlantic skipulagði
ferðir þessar. Hún sagði að viðskiptaaðili
Atlantic í Sviss hafi óskað eftir því við fýr-
irtækið. „Þetta eru sölumenn hjá AMC og
ferðin er verðlaun fýrir góða sölu-
mennsku. Fólkið hefur safnað ákveðnum
stigum og þegar ákveðnum stigafjölda er
náð, þá standa því slíkar ferðir til boða.“
Ólafía sagði að Atlantic hafi ekki verið með
svo stóra hópa áður í slíkar ferðir, en
ferðaskrifstofan hefur verið með 20-30
manna hópa í jöklaferðum.
Sölumenn AMC komu hingað í tveimur
hópum, eða á þriðja hundrað hundrað
manns og kom fýrri hópurinn á föstudag-
Dixiland á HofsjökJi
'
:

Sveiflusextettinn var byijaður að leika létta sveiflu þegar gestimir komu upp á jökulinn. Hátiðaklæddir þjónar buðu fram kampavín þegar hópurínn mætti á jökulinn og í tjaldi beið uppbúið kalt borð af dýríndis krásum. Það var jafngott að veðríð var skikkanlegt svo að kræsing-
amar fykju ekki út í veður og vind. Það var þó fremur kalt á jöklinum. Hér sjáum við hvar Guðjón Einarsson básúnuleikarí Sveiflusextettsins heldur á litlu glasi. Það er ekki „rövlolía" í glasinu, heldur sérstök kuldaþolin olía til að smyrja básúnuna.
inn s.l. eða rúmlega 100 manns, en seinni
hópurinn kom á sunnudaginn. Fyrri hóp-
urinn gisti á Hótel Örk í Hveragerði og
daginn eftir, á laugardag, hélt hópurinn að
Langjökli í 30 jeppum. Fyrr um daginn
hafði hópur manna lagt af stað frá Reykja-
vík, en það var hljómsveitin Sveiflusextett-
inn, en auk hennar þjónar og þrír kokkar
sem sjá skyldu pottasölumönnunum fýrir
líkamlegri og andlegri næringu. Þessi
hópur fór á jökulinn í 5 jeppum beint upp
á hæstu bungu.
Fólkið slóð og gapti
Þegar þangað var komið, var slegið upp
36 fermetra tjaldi fyrir veisluborð. Hljóm-
sveitin var búin að koma sér fýrir og byrj-
uð að spila þegar starfsmenn AMC komu
upp á jökulinn. Þjónar í kjólfötum tóku á
móti gestunum með kampavíni. „Fólkið
stóð hreinlega og gapti. Það skildi ekki
þetta. Þarna var dixílandhljómsveit sem
spilaði m.a. á rafmagnshljóðfæri uppi á
jökli.“ sagði Guðjón Einarsson, einn
hljómsveitarmeðlima í samtali við Tím-
ann í gær. „Það fór í kringum tjaldið til að
leita að köplum, en við höfðum grafið nið-
ur rafmótor um 20 metra frá okkur og í
honum heyrðist ekkert þangað sem við
vorum.“
Fólkið dvaldist síðan á þriðja tíma á jökl-
inum við tilheyrandi söng og gleðskap.
15 snjósleðar með í för
Ólafía sagði að mikil áhersla hafi verið
lögð á það af hálfu AMC að koma með ein-
hverja uppákomu á jöklinum. „Ég veit
varla til þess að dixílandhljómsveit hafi áð-
ur spilað fyrir dansi á jökli hérlendis. Við
höfum áður verið með sjávarréttahlaðborð
og kampavín í jöklaferðum, en aldrei
hljómsveit eða þjóna í kjól og hvítu, eins
og þarna var.“ Þá voru hafðir 15 snjósleðar
með í för og var fólki boðið upp á snjó-
sleðaferðir meðan á jökulferðinni stóð.
Vakti það mikla ánægju og geystust menn
um jökulbreiðuna ásamt leiðangursstjóra.
Síðan var fólkið keyrt til Reykjavíkur, eða
beint út í Viðey þar sem snæddur var
kvöldverður. Á sunnudag hélt hópurinn af
landi brott, en hafði þó áður viðkomu í
Bláa lóninu áður en stigið var um borð í
Concordþotuna. Hún beið á Keflavíkur-
flugvelli eftir að hafa komið með seinni
sölumannahópinn sem átti í gær sömu
upplifun í vændum og vinnufélagar þeirra
höfðu notið um helgina.
Margir aðilar koma við sögu þegar slík
ferð er undirbúin. „Við erum búin að und-
irbúa þetta í um ár og margir aðilar tengj-
ast þessu hérlendis, bæði leiðsögumenn,
hótel, veitingahús, eigendur farartækja og
fleiri. Hjálparsveit skáta er með tjald á
jöklinum og við nutum aðstoðar þeirra f
fyrstu ferðinni, en ein kona veiktist. Ólafía
sagði að þau hafi verið tiltölulega heppin
með veður í fýrstu ferðinni og allt gengið
að óskum, þrátt fýrir lítillegar tafir á
Kaldadal. „En í gær var veðrið eins gott og
það getur verið, glampandi sól og blíða
alla leiðina."