Tíminn - 30.10.1990, Blaðsíða 16

RÍKISSKIP
NUTIMA FLUTNINGAR
Hatnarhusinu v Tryggvagotu,
S 28822
SUÐ- AUSTURLAND
Réttur bíll á
réttum stað.
Ingvar
Helgason hf.
Sævarhöföa 2
Sími 91-674000
Tíniinn
ÞRIÐJUDAGUR 30. OKTÓBER1990'
49. Fiskiþing var sett í Reykjavík í gær og þar kom m.a. fram að:
Hagnaður af botnfisk-
veiðum ekki undir 2%
49. Fiskiþing var sett í gær, en um 39 fulltrúar sitja þingið, víðs-
vegar af landinu. Þorsteinn Gíslason fiskimálastjóri setti þingið
og minntist þriggja manna er látist hafa frá síðasta Fiskiþingi,
þeirra Ármanns Friðrikssonar skipherra, Ásbergs Sigurðssonar
fyrrv. borgarfógeta og Kristjáns Ingibergssonar. Mörg mál verða
tekin fyrir á þinginu og iýkur því á föstudag 2. nóvember. Á fyrsta
degi þingsins voru fluttar nokkrar framsöguræður og greinir frá
því helsta hér á eftir.
Hjálmar Vilhjálmsson fiskifræð-
ingur ræddi um stærð loðnustofns-
ins og stjóm veiðanna. Hann benti
meðal annars á sérstöðu loðnunnar,
miðað við flesta aðra nytjastofha hér
við land. Hún er skammlíf, hrygnir
við þriggja ára aldur og drepst eftir
það. Auk þess er loðnan mikilvæg
sjávarfæða, t.d. fyrir þorskinn. Þess
vegna lýtur stjórnun loðnuveiða allt
öðrum lögmálum en veiði annarra
tegunda; mikil hætta væri á ofveiði,
sérstaklega þegar stofninn er lítill.
Hann bentí á tvennt, sem þyrfti að
hafa í huga við stjóm veiða á fiskteg-
undum eins og loðnu. „í fyrsta lagi
verður að sjá til þess að nægilega
mikið sé skilið eftir til þess að
hrygna og viðkoma skerðist ekki
vegna veiðanna. í annan stað þarf að
fyrirbyggja svo sem frekast er kost-
ur, að veiddur sé ókynþroska smá-
þorskur."
Hann greindi frá niðurstöðum
mælinga sem sýna að frá 1978 til
1989 hefúr loðnustofninum hrakað
vemlega og við því hefði mátt búast.
Þrátt fyrir að stofninn hafi náð sér á
strik eftir ofveiði uppúr 1980 og afl-
inn á næstu vertíðum á eftir verið
um og yfir milljón tonn, hafi hallað
undan fæti frá síðustu vertíð. „Því
miður virðist framhald á þeirri þró-
un, a.m.k. í bili,“ sagði Hjálmar.
Eftir framsögu Hjálmars fjallaði
Markús Möller, hagfræðingur hjá
Seðlabankanum, um þá fullyrðingu
að skipulag í sjávarútvegi standi lífs-
kjömm á Islandi fyrir þrifum. Hann
sagði þegar sjást merld um að hafið
væri nýtt hagræðingarskeið, eftir að
ákveðið var að fella niður gamla
sóknarmarkið og undanþágur fyrir
smábáta. Hann sagðist hafa reynt að
meta hversu mikið sparast í útgerð
og vinnslu vegna kvótans og frjáls-
ara fiskverðs. Niðurstaða hans var
sú að innlendur kostnaður lækkar
um 9 milljarða á ári, en erlendur
kostnaður um 6 milljarða.
Hann sagði hins vegar að augljóst
væri, að ef útgerðin feer kvótann af-
gjaldslaust til eignar um alla fram-
tíð, þá fá menn í hendumar verð-
mæti sem þeir þurfa ekkert fyrir að
hafa. „Og án þess ég telji mig hafa
neitt einkaleyfi á réttlæti og sið-
gæði, þá finnst mér alger óþarfi og
ofrausn af almenningi í landinu, að
taka ekki jafnan hlut af svo fyrir-
hafnarlausum gróða."
Einar K. Guðfinnsson í Bolungar-
vík sá ástæðu til að mótmæla þessu.
Hann benti á að sjávarútvegur stæði
betur hér en í Noregi t.d. og hefur
ráðdeildin skilað um 25 milljörðum
á ári. Hann sagði íslenskan sjávarút-
veg vera búinn að borga auðlinda-
skatt með rangri gengisskráningu.
Þannig hefúr auðlindaskattur verið
greiddur linnulaust og allir hafa
staðið skil á því gjaldi.
Eftir þessar umræður ræddi Ámi
Benediktsson um afkomu sjávarút-
vegsins. í máli hans kom fram að
botnfiskafurðir hafi á þessu ári
hækkaö um 12% umfram meðal-
verð síðustu ára. Saltfiskur hefur
hækkað um tæp 30% á árinu, sjó-
frystur fiskur um 28%, landfiskur
um 20%. Alls hafa botnfiskafúrðir
hækkað um 23% á þessu ári. Þá hef-
ur verð á hörpudiski og rækju í skel
hækkað, en pilluð rækja og fryst síld
hafa lækkað.
Samkvæmt útreikningum Þjóð-
hagsstofnunar er botnfiskvinnsla
rekin með 1,2% tapi í október. En
vegna góðrar stöðu á fyrri hluta árs-
ins má reikna með að hagnaður vfir
allt árið verði ekki undir 2%. Ámi
sagði hallann nú vera fyrst og
fremst vegna innri vanda fiskvinnsl-
unnar.
Á síðasta Fiskiþingi var kosin
nefnd, sem átti að endurskoða lög
félagsins og skipulag þess og um
það mál yrði leitað samstarfs við
Sjávarútvegsráðuneytið, sem skip-
aði einn mann í nefndina. Álit og til-
lögur nefndarinnar verða kynntar
þegar starfsemi Fiskifélagsins verð-
ur tekin fyrir á þinginu og má búast
við miklum umræðum um þær.
Þingið heldur áfram í dag og lýkur
því ekki fyrr en á föstudag, eins og
áður sagði. -hs.
LH ÞINGAR
Á HÚSAVÍK
Þing Landssambands hestamanna
var haldið á Húsavík nú um helgina.
Þar var Kári Amórsson endurkjörinn
formaður LH; einnig var Gunnar
Bjamason heiðraður sérstaklega og
honum veitt gullmerki LH fyrir þau
störf sem hann hefur unnið að hesta-
mennsku í gegnum árin.
Aðalmál þingsins að þessu sinni voru
skipulagsmál LH í næstu ffamtíð og
hvernig staðið skuli að stórmótahaldi,
þ.e. fjórðungsmótum og landsmót-
um. Lagðar voru fram tillögur um
stofnun fjórðungsráða í hverjum
landsfjóröungi, sem er einskonar
samráðsvettvangur heima í héraði og
voru lagðar fram ákveðnar reglur fyr-
ir fjórðungsráðin. „Þær reglur voru
samþykktar sem slíkar, en menn vildu
ekki taka þetta inn í lög LH; því var
þessu vísað heim í félögin til frekari
umfjöllunar," sagði Kári Amórsson í
samtali við Tímann. Málefni varðandi
fjórðungsráð verða því tekin upp á
næsta þingi.
Einnig var tillaga varðandi stórmóta-
hald lögð fyrir þingið. í henni er gert
ráð fyrir að landsmót verði á þriggja
ára fresti í stað fjögurra, en verði bæði
kynbóta- og gæðingamót Við þessa
tillögu var lögð fram breytingatillaga
þar sem lagt er til að landsmót verði
annað hvert ár. Annað árið verði lögð
megináhersla á gæðinga en hitt árið á
kynbótahross. En báðar þessar breyt-
ingar ættu ekki að koma til fram-
kvæmda fyrr en eftir 1994. Afgreiðslu
á þessum tillögum var vísað til stjórn-
arinnar og ákveðið að halda þyrfti sér-
staka ráðstefnu um rnótahald, en hún
yrði líklega haldin í vetur. Félögin hafa
frest til 1. apríl til að koma með tillög-
ur varðandi skipulagsmál LH, sagði
Kári einnig í samtali við Tímann.
—GEÓ, hs.
inn útbúnað að ræða, enda var íbúðin undirlögð af tækjum og bruggi.
Viðamikil bruggstarfsemi
fór fram í tveimur íbúðum
Rannsóknadeild lögreglunnar í
Rcvkjavík kom upp um tvær brugg-
verksmiðjur nú um helgina. í báðum
tilfellum fór starfsemin fram í
heimahúsum, önnur í Garðabæ og
hin í austurborginni. UmfangsmM
sala á bruggi tengist þessum málum
einnig, en lögreglan telur að þau séu
óskyld með öllu.
Lögreglan gerði húsleit í íbúð í aust-
urborginni aðfaranótt sunnudags.
Túgir lítra af landa, ásamt nokkur
hundruð lítrum af bruggi í gerjun,
fundust í íbúðinni, sem var öll undir-
lögð af bruggtækjum og bruggi. Eig-
andi húsnæðisins, 24 ára gamall karl-
maður, var handtekinn vegna málsins
og hefúr lögreglan óskað eftir gæslu-
varðhaldi yfir honum. Hann hefur áð-
ur komið við sögu lögreglunnar
vegna svipaðs máls. AIIs hafa tíu
manns verið yfirheyrðir vegna máls-
ins og nokkrir aðilar hafa viðurkennt
að hafa verið viðriðnir skipulagða
sölu á brugginu. Tálið er að starfsem-
in hafi verið í gangi frá því síðastlið-
inn vetur, en salan virðist hafa farið
fram að miklu leyti við stórmarkaði
og verslanir í borginni. Lögreglan
vinnur enn að rannsókn málsins, þar
sem ekki eru enn öll kurl komin til
grafar.
Bruggverksmiðjan í Garðabæ virðist
hafa verið miklu smærri í sniðum en
sú í austurborginni. 350 lítrar af
bruggi í gerjun fundust, er lögreglan
leitaði í íbúðinni um helgina. 25 ára
gamall maður hefur játað að hafa
staðið -að framleiðslunni, en hann
hefúr áður komið við sögu hjá lög-
reglunni í svipuðu máli. Alls yfir-
heyrði lögreglan sex manns í tengsl-
um við málið og þar af viðurkenndu
tveir piltar að hafa staðið að sölu á
brugginu. Að sögn lögreglunnar ligg-
ur málið ljóst fyrir og búið er að gera
tæki og brugg upptæk. khg.