Tíminn - 06.12.1990, Qupperneq 12

12 Tíminn
Fimmtudagur 6. desember 1990
UMSJÓN; SIV FRIÐLEIFSDÓTTIR
SUF-SIÐAN
Mikið Irf hjá ungum
framsóknarmönnum
xæíjUF
Fjáraflanir
Fjáraflanlr SUF em m.a. jólahapp-
drætti og sala spilastokka með fram-
sóknarmerldnu. Sala spilanna hófst
nú (haust og má nálgast þau á skrif-
stofu Framsóknarflokksins. Spilin eru
nú þegar komin í hendur margra vel-
unnara flokksins og trúlega lenda þau
í einhverjum jólapökkum.
SUF-arar hafa prófað spilin á vís-
indalegan hátt til að sannreyna gæði
þeirra, sbr. meðfylgjandi mynd.
SUF-klúbburinn
SUF-klúbburinn er hópur ungs
fólks sem hittist sér til skemmtunar
í tengslum við stærri samkundur
Framsóknarflokksins.
Flokksþing var í nóvember og hélt
SUF-klúbburinn þá opnunarhóf í
nýju og glæsilegu húsnæði flokks-
ins að Hafnarstræti 20.
SUF-klúbburinn var að þessu sinni
opinn öllum framsóknarmönnum
og var mæting mjög góð. Boðið var
uppá léttar veitingar, spilað á gítar,
rökrætt um stjórnmál og sungið.
Limbókeppnin sem átti að vera varð
að fresta vegna fólksfjölda í húsinu.
Ómögulegt var að koma keppninni
fyrir, þó svo þátttökutilkynningar
hefðu verið margar og fjölgaði eftir
því sem leið á kvöldið.
Stofnun félags ungra
framsóknarmanna á
Seltjamamesi
Þriðjudaginn 30. okt. boðaði Siv
Friðleifsdóttir, formaður SUF, til
stofnfundar FUF-Nes í húsnæði
Framsóknarfélagsins á Eiðistorgi,
Seltjarnarnesi.
Siv gerði grein fyrir starfsemi SUF
og aðdraganda að stofnun FUF-Nes.
Lög félagsins voru samþykkt og
kosin var fyrsta stjórn þess. For-
maður var kjörinn Sigurgeir Sig-
mundsson lögreglumaður, varafor-
maður og ritari Hróðný Garðars-
dóttir þroskaþjálfari, og gjaldkeri
Karl Hilmarsson nemi.
Stofnfundurinn var hinn ánægju-
legasti og ljóst er að ungir fram-
sóknarmenn eru í sókn á Nesinu.
Kjördæmisþing
Nú í haust hafa verið haldin kjör-
dæmisþing hjá Framsóknarflokkn-
um um land allt. Hvarvetna hefur
ungt fólk sett svip sinn á þingin,
tekið virkan þátt í störfum þeirra og
haslað sér ,oii á framboðslistum.
Formaður eða varaformaður SUF
hafa sótt þingin og flutt ávarp frá
SUF.
Á þingunum hefur unga fólkið hist
sérstaklega og fundað um starfsemi
SUF og hvernig efla megi þátttöku
ungs fólks í starfi flokksins enn
frekar. Á Austfjörðum er drífandi
kraftur hjá framsóknarmönnum og
vilji til að stofna FUF-Austfjörðum.
Eftir áramót mun SUF aðstoða við
að hrinda því í framkvæmd. Þing-
menn flokksins í Austurlandskjör-
dæmi leggja þar einnig hönd á plóg-
inn, enda traustir menn.
Hjálparhellur SUF
Æskulýðsstarfsemi innan stjórn-
málaflokka er umsvifamikil og
krefjandi ef vel á að vera. Mikil
vinna lendir á stjórn og fram-
kvæmdastjórn SUF við að halda
uppi ungliðastarfsemi flokksins.
SUF hefur átt því láni að fagna að
geta notið dyggrar aðstoðar skrif-
stofu flokksins við starfsemi sína.
Egill Heiðar Gíslason, Hannes
Karlsson og Þórunn Guðmundar-
dóttir taka alltaf vel á móti SUF-ur-
um á skrifstofunni og leysa allar
flækjur og vandamál fyrir þá, sann-
kallaðir haukar í horni. Ef FUF-fé-
lögin þurfa aðstoð er þeim bent á að
hafa samband við þau eða fram-
kvæmdastjórn SUF.
Af högum
Steingrímsþúfu
Á liðnum haustdögum kom sú
hugmynd upp innan nýkjörinnar
framkvæmdastjórnar SUF að það
gæti verið sniðugt að gangast fyrir
ferð að hinni margfrægu Stein-
grímsþúfu.
Fyrir þá sem ekki þekkja til skal
þess getið að þúfa þessi er rofabarð
sem SUF-arar tóku til uppgræðslu
fyrir nokkrum árum þegar sem
mest var verið að hvetja þjóðina til
að taka flag í fóstur og vildi SUF
þannig sýna gott fordæmi.
Leitað var til Landgræðslunnar í
Gunnarsholti eftir svæði til upp-
græðslu og var SUF úthlutað
myndarlegu rofabarði skammt
vestan við bæinn Galtalæk í Lands-
sveit. Þaðan er einnig stutt yfir í
Galtalækjarskóg sem margir kann-
ast við. Þar um slóðir er hann að
vísu nefndur Dráttur, en það nafn
mun þó vera síðan löngu fyrir allt
útihátíðahald á staðnum.
SUF-arar efndu síðan til hópferðar
austur að baröinu þar sem þeir
girtu það af og stungu niður. Þar
„Afbrigði af Framsóknarvist" SUFarar prófa á vísindalegan hátt gæði spilanna.
Eins og sjá má hefur uppgræðslan tekist vel. Meira að segja Stein-
grímshríslan fremst á myndinni lifir.
endum að þau náðu í hópinn uppi á
flokksskrifstofu áður en hann íagði
af stað. Var þeim vel fagnað og þótt-
ust menn góðir með slíkan liðsauka
og lögðu upp við svo búið.
Að afloknum löngum akstri eftir
misjöfnum vegum var loks komið á
áfangastað. Þar hittum við fyrir
Bjarna Harðarson, ritstjóra Þjóð-
ólfs, sem er blað framsóknarmanna
í Suðurlandskjördæmi. Hann hafði
verið kvaddur til að afla frétta af
merkisviðburði þessum fyrir blað
sitt.
Ferðalangar tóku síðan þúfuna til
gaumgæfilegrar skoðunar og varð
niðurstaðan sú að uppgræðslan
virðist hafa tekist mjög vel. Þó hef-
ur aðeins flísast úr grassverðinum
áveðurs á þúfunni og var sam-
stundis ákveðið að fara í upp-
græðsluferð í vor til að kippa því í
lag. Annars þótti ferðalöngum sem
Fyrir austan er kraftur í unga fólkinu. Hér eru væntanlegir stofnendur
FUF á Austuriandi.
var einnig sáð grasfræi og plantað
trjám. Að verki loknu var staðnum
gefið nafnið Steingrímsþúfa.
Síðar kom í ljós að heldur slysalega
hafði tiltekist með staðarvalið, rétt
eins og með nýja álverið, því há-
lærðir vísindamenn höfðu notað
barðið til mælinga á uppblæstri til
langs tíma. Þeim hefur víst þótt
sem heldur hefði hægt á upp-
blæstrinum við næstu mælingu og
ef slíkt væri raunin þyrfti vart að
hafa miklar áhyggjur af gróðureyð-
ingu landsins. En þar sem greini-
legt var að hér hafði mannshöndin
komið nærri þótti vísindunum
heldur að sér vegið með þessari
uppgræðslu.
SUF til varnar verður að segjast að
samtökin fengu barðið til ráðstöf-
unar hjá Landgræðslunni og ekki
var á staðnum að sjá á nokkurn
hátt, að þar færi fram vísindaleg
rannsókn.
En látum nú söguskýringum lok-
ið. Framkvæmdastjórn SUF ákvað
semsagt að efna til ferðar að Stein-
grímsþúfu til að sjá hvernig hún
hefðist við og skyldi farið þann 3.
nóvember. Nú var drifið í að aug-
lýsa vel og rækilega til þess að fólk
gæti tilkynnt þátttöku. Svo leið og
beið, en enginn gerði vart við sig.
En þegar grannt var skoðað kom í
ljós að símanúmerið í auglýsing-
unni hafði misritast og var ekki á
skrifstofu Framsóknarflokksins,
heldur á lögfræðistofu úti í bæ.
Það má eðlilegt teljast að mörgum
hafið brugðið við að hringja þangað
og haldið að lögfræðiaðstoð eða
fógetaúrskurð þyrfti til að komast
með í ferðina og horfið frá við svo
búið. Allavega var hópurinn ekki
stærri en kínversk vísitölufjöl-
skylda að morgni brottfarardagsins.
Á síðustu stundu bættust þó við
múgur og margmenni sem beðið
höfðu þolinmóð niður á BSÍ eftir
rútu sem fyrirhugað hafði verið að
færi þaðan, en hætt við af fyrr-
greindum ástæðum. Það stóðst á
SUF mætti stolt vera af þessu fram-
taki sínu og fögnuðu því á viðeig-
andi hátt.
Telja má víst að Steingrímsþúfa
eigi eftir að bera SUF fagurt vitni
um ókomin ár, ef vel verður um
hana hugsað, og heitum við ferða-
langar á alla unga framsóknar-
menn að fjölmenna í uppgræðslu-
ferðina í vor, enda mun þess verða
gætt að lögfræðistéttin þurfi þar
ekki að koma nærri, nema síður sé.
En þó að fjöldinn hefði verið tak-
markaður í þessari ferð voru ferða-
langar sammála um að hún hefði
verið mjög vel heppnuð og gagnleg.
Hluti hópsins fylltist svo miklum
áhuga að hann settist niður eftir að
heim var komið og samdi verkáætl-
un fyrir næstu ferð í vor. Og við
hlökkum til að að sjá alla með okk-
ur þá sem ekki komust núna.
F.h. ferðalanga,
Sigurður Eyþórsson.
SUF kynning
Samband ungra framsóknarmanna
eru landssamtök ungra framóknar-
manna, yngri en 36 ára. SUF vinn-
ur m.a. að því að auka þátttöku
ungra manna í störfum innan
Framsóknarflokksins.
Innan SUF eru starfandi 16 félög
ungra framsóknarmanna um land
allt.
Æðsta vald innan SUF er í höndum
sambandsþinga SUF sem haldin
eru annað hvert ár.
Á síðasta sambandsþingi sem
haldið var að Núpi í Dýrafirði í
haust var kosin ný stjórn SUF.
Stjórnina skipa:
Siv Friðleifsdóttir Reykjanesi, for-
maður
Ragnar Þorgeirsson Vesturlandi,
varaformaður
Sigurður Eyþórsson Suðurlandi,
ritari
Anna Kristinsdóttir Reykjavík,
gjaldkeri
Meðstjórnendur:
Jóhann Jónsson Austurlandi
Bragi Bergmann Norðurlandi
eystra
Árni Gunnarsson Norðurlandi
vestra
Einar G. Einarsson Reykjanesi
Ólafur M. Magnússon Reykjanesi
Anna M. Valgeirsdóttir Reykjavík
Hallur Magnússon Reykjavík
Guðmundur B. Heiðarsson Reykja-
vík
Geir Sigurðsson Vestfjörðum
Innan SUF starfa ýmsar nefndir,
s.s. þjóðmálanefnd, utanríkismála-
nefnd og umhverfismálanefnd.
Þeir sem áhuga hafa á að starfa
innan félaga ungra framsóknar-
manna og SUF eru hvattir til að
hafa samband við skrifstofu Fram-
sóknarflokksins, Hafnarstræti 20,
Reykjavík, í síma 91-624480.