Tíminn - 29.01.1991, Blaðsíða 2

2 Tíminn
Þriðjudagur 29. janúar 1991
Páll Pétursson flytur frumvarp sem sviptir
fjármálaráðherra valdi til að ákveða einhliða
að selja hlutabréf ríkisins:
Alþingi fjalli um
sölu á hlutabréfum
Páll Pétursson alþingistnaður hef-
ur lagt fram frumvarp á Alþingi
sem felur í sér að fjármálaráðherra
verði óheimilt að selja eignir ríkis-
sjóðs, ríkisstofnana eða sjóða í rík-
iseign, nema samkvæmt heimild í
almennum lögum eða fjárlögum.
Um er að ræða fasteignir, hlutabréf
eða eignarhluti í félögum, skip eða
flugvélar, listaverk, listmuni og
söfn sem geyma menningarverð-
mæti og aðrar eignir sem hafa veru-
legt verðgildi.
Samkvæmt 40. grein stjórnar-
skrárinnar er fiármálaráðherra
óheimilt að selja fasteignir ríkis-
sjóðs. Ráðherra verður þess vegna
að flytja frumvarp á Alþingi ef hann
hefur hug á að selja landareign.
Frægar eru deilur alþingismanna
um hvort selja eigi kotið Streiti í
Breiðdal. Hins vegar getur fjármála-
ráðherra selt hlutabréf fyrir hundr-
uð milljóna í fyrirtækjum, sem ríkið
á, án þess að leita álits Alþingis.
Skemmst er að minnast umdeildrar
sölu á hlutabréfum ríkissjóðs í Þor-
móði ramma hf. á Siglufirði, en sal-
an á hlutabréfunum varð til þess að
Páll flytur nú þetta frumvarp.
-EÓ
Norðurlandaráð:
Fundir hjá
fastanefndum
Allar fastanefndir Norðurlanda-
ráðs munu halda fundi síðustu vik-
una í janúar til að ganga frá þeim
málum, sem koma til afgreiðslu á
þingi Norðurlandaráðs í Kaup-
mannahöfn 26. febrúar til 1. mars.
í öllum nefndunum eru til af-
greiðslu tillögur um norrænt sam-
starf og stuðning við Eystrasaltsrík-
in. Þessar tillögur eru meðal annars
um umhverfisvernd í Eystrasalts-
ríkjunum og Póllandi, aukið sam-
starf milli Norðurlanda og Eystra-
saltsríkja á sviði landbúnaðar,
stuðning við alþjóðlegt samstarf og
þróun lýðræðis í Austur-Evrópu,
auk samstarfs við Eystrasaltsríkin
um samgöngumál.
Til umræðu í öllum nefndum verða
einnig tillögur, sem miða að því að
gera störf Norðurlandaráðs skilvirk-
ari. Nefnd sú, sem leggur fram til-
lögur þessar, leggur til að möguleik-
ar á samstarfi Norðurlandaráðs um
alþjóðleg málefni verði bættir og að
áhrif Norðurlandaráðs á norrænu
fjárlögin verði aukin. khg.
1200 ----------
1000
'S00-----
36. 37. 38. 39. 40. 41. 42. 43. 44. 45. 46. 47. 48. 49 50. 51. 52. (1,' 3.
Fjöldi kvartana hjá bilanadeild Hitaveitu Reykjavíkur á tímabilinu 3. september 1990 til 16. janúar 1991.
A.m.k. fimm sinnum fleiri kvörtuðu vegna kulda
í húsum í lok síðasta árs, en árið á undan:
Dregur úr kvörtunum
hjá Hitaveitunni
Það hefur verið meira en nóg að
gera hjá bilanadeild Hitaveitu
Reykjavíkur síðustu vikumar. Prá
jiví í lok október og til ársloka
bárust Hitaveitunni 550-650 bil-
anatilkynningar í hverri viku. Um
miðjan nóvember var tilkynnt um
yfir 1000 bilanir í einni viku. Á
sama tíma árið áður var tilkynnt
að jafnaði um 100 bilanir á viku.
Það var í lok september sem fór
að bera á óvenju mörgum kvört-
unum frá notendum Hitaveitunn-
ar. Þá bárust henni um 250 bilana-
tilkynningar á viku. Mánuði
seinna voru bilanatilkynningar
orðnar um 550 á viku og voru það
áfram út árið, ef frá er skilin vikan
19.-25. nóvember, en þá voru til-
kynntar vel yfir 1000 bilanir til
Hitaveitunnar. Nýju hámarki náði
bilanatíðnin síðan á fyrstu tveim-
ur vikum þessa árs, en þá voru
þær tæplega 800 í hvorri vikunni
fyrir sig. Síðustu tvær vikur hafa
þær verið á milli 200 og 300.
Sömu mánuði árið áður voru bil-
anatilkynningar að jafnaði um 100
á viku. Þær fóru að vísu upp fyrir
300 í næstsíðustu viku ársins
1989, en þar var um algera undan-
tekningu að ræða.
Á síðustu vikum hafa langflestar
kvartanir frá notendum Hitaveit-
unnar borist frá íbúum í gamla
bænum, þ.e. Vesturbæ og miðbæ.
Á þessu svæði eru gamlar hita-
veitulagnir, sem gerir viðgerðar-
mönnum erfitt um vik. I mjög
mörgum húsum í gamla bænum
eru engar inntakssíur og því getur
verið mjög erfitt að ná óhreinind-
unum úr kerfinu. í Kópavogi og
víðar þar sem mikið var um köld
hús í desember, dugði í flestum
tilfellum að hreinsa inntakssíurn-
ar.
-EÓ
Þingsályktunartillaga frá Guðmundi G. Þórarinssyni:
Vopnasala til þriðja
heims verði takmörkuð
Guðmundur G. Þórarinsson alþingismaður hefur lagt fram á Al-
þingi þingsályktunartillögu um að ríkisstjórninni verði falið að beita
sér með málflutningi og tillögugerð á alþjóðavettvangi fyrir að gerð-
ur verði alþjóðasáttmáli á vegum Sameinuðu þjóðanna um skipan
vopnasölu í heiminum, ekki síst í þriðja heiminum. Gert er ráð fyr-
ir að í alþjóðasáttmálanum verði ákvæði sem skyldar allar þjóðir
heims til að upplýsa um alla vopnasölu sem fram fer f heiminum.
Gosantók
við fram-
leiðslunni
Eigcndaskipti hafa orðið á gos-
drykkjaframleiðslu Sanitas hf.
Stofnað hefur verið nýtt fyrir-
tæki, Gosdrykkjaverksmiðjan
Sanitas hf., f daglegu tall nefnt
Gosan, og er Pharmaco aðaleig-
andi þess. Hið nýja fyrirtæld tók
við allrf gosdrykkjaframleiðslu
Sanitas hf. 17. þessa mánaðar.
Sanitas hf. starfar áfram, en
rekstur þess er Gosan óviðkom-
andi.
Framkvæmdastjórar Gosan
verða Sindri Sindrason og Ottó
B. Ólafsson, en aðstoðarfram-
kvæmdastjóri Magnús B. Ey-
þórsson, og mun hann annast
allan daglegan rekstur iyrirtæk-
isins. Starfsmannafjöldi verður
fyrst í stað óbreyttur frá því
sem verið hefur.
í greinargerð með tillögunni seg-
ir að iðnríkin hafi á undanförnum
árum selt gríðarlegar vopnabirgðir
til þriðja heimsins. Þetta hafi gerst
eftir að afvopnunarviðræður tóku
að skila verulegum árangri og
vopnaframleiðendur þurftu að
leita nýrra markaða fyrir fram-
leiðslu sína. í löndum, sem búa
íbúum slök lífskjör, verður vart
þverfótað fyrir eldflaugum og orr-
ustuþotum. Fátækustu þjóðir
heims verja verulegum hluta
tekna sinna til vopnakaupa. Afleið-
ingar þessarar stefnu birtast m.a. í
Persaflóastríðinu.
Stofnun Simons Wiesenthal hef-
ur gefið út skýrslu um vopnasölu
Vesturlanda til íraks. Skýrsian
greinir frá 207 fyrirtækjum sem
hafa hjálpað írökum við að fram-
leiða efnavopn og sýklavopn. Hluti
þessara fyrirtækja hélt aðstoðinni
áfram eftir að írakar beittu eitur-
gasi í stríðinu gegn íran og gegn
eigin þegnum, Kúrdum. Því er
haldið fram að með þessari miklu
aðstoð geti írakar framleitt 1.500-
1.800 tonn á ári af eiturvopnum.
Upplýst er að 86 fyrirtækjanna eru
frá Þýskalandi, 18 frá Bandaríkjun-
um, 17 frá Austurríki, 16 frá
Frakklandi, 12 frá Ítalíu og 11 frá
Sviss.
-EÓ
Norðurlandaráð
sendir sendi-
nefnd til Litháen
Forsætísnefnd Norðuriandaráðs
hefur ákveðið að þiggja boð Vy-
tautas Landsbergis, forseta Lithá-
en, um að senda sendinefnd til að
fylgjast með þjóðaratkvæða-
greiðslu í Litháen, sem fer fram
dagana 4.-9. febrúar n.k. Einnig
kemur tíl greina að sendinefndin
heimsæki í sömu ferð Eistíand og
Lettland.
Norðurlandaráð ætlar einnig að
bjóðast tíl að samræma ferðir
þingmanna frá þingum norrænu
ríkjanna til Eystrasalts í þeim til-
gangi að sem oftast verði norræn-
ir þingmenn þar meóan á eifið-
leikunum stendur.
í gær fluttí Páll Pétursson, for-
setí Norðuriandaráðs, ræðu á útí*
fundi, sem félag tÚ stuðnings
sjálfstæðisbaráttu Eystrasaltsrílg-
anna hélt á Norrmalmstorgi í
StokkhólmL -EÓ
Framtíðarsýn til íslands á 21 öld:
Samgöngur um hálendið
Fjölvaútgáfan hefur sent frá sér nýja bók, ísland á 21. öld, sem
fjallar um skipulagsmál íslands, en útgáfan er einmitt 25 ára um
þessar mundir. Höfundur bókarinnar er Trausti Valsson, en hann
hefur unnið árum saman að mótun hugmynda, sem miða að því
að gera sér grein fyrir, hvemig framtíðarþróun verði hér á landi í
atvinnumálum og byggðamálum og búa í haginn fyrir eðlilega
framþróun.
Meðal annars sem TVausti bendir á
í bók sinni eru leiðir til að styrkja og
endurreisa byggðir dreifbýlisins
með fullkomnari samgöngum á
landi með hálendisvegum, ferða-
miðstöðvum og tengingu borgar-
byggðar á Reykjavíkursvæðinu við
dreifbýlissvæðin með svokallaðri
tvöfaldri búsetu. Þá telur Trausti
mestu verðmæti landsins vera ann-
arsvegar fólgin í þeirri miklu orku,
sem felst í náttúrunni, og hinsvegar
í hreinleik og fegurð landsins, sem
að sögn Trausta verður nú æ dýr-
mætari eftir því sem veröldin meng-
ast.
í fréttatilkynningu frá Fjölva segir
að bókin Framtíðarsýn fram á 21.
öld sé brýnt kall til stjómvalda og al-
mennings um að skoða hug sinn
vandlega. „Við hin misheppnuðu
ævintýri með refabú og laxarækt
skorti mjög yfirsýn skipuleggjand-
ans og veldur það miídu böli og
stórkostlegu fjárhagstjóni. Það er
ein kenning TVausta, að hvað sem
gert er, sé nauðsynlegt að skipu-
ieggja allt vandlega fýrir framtíðina,
en jafnframt á þó að forðast alla
miðstýringu," segir ennfremur í til-
kynningunni.
Bókin er 108 blaðsíður í allstóru
broti. Hún er með miklum ijölda
teikninga, línurita og afstöðukorta
og fjölda ljósmynda. khg.
Höfundur bókarinnar (sland á 21 öld, Trausti Valsson, er hértil vinstri
á myndinni ásamt útgefanda bókarinnar, Þorsteini Thorarensen.
Tímamynd: Ami Bjama