Tíminn - 14.03.1991, Blaðsíða 4

4 Tíminn
Fimmtudagur 14. mars 1991
UTLOND
Óttast að herinn láti til skarar skríða í Júgóslavíu:
Mótmælendur vilja
ríkisstjórnina frá
Stjórnarandstööuleiötoginn Vuk
Draskovic, sem var handtekinn á
laugardag en látinn laus á þriöju-
dag, krafðist í gær afsagnar ríkis-
stjórnar kommúnista í Serbíu.
Fjölmenn mótmæli hafa nú geisaö í
Belgrad höfuðborg Serbíu og Júgó-
slavíu síðan á laugardag.
Sumir stjórnarandstöðuleiðtogar
hvöttu mótmælendur til að hætta
mótmælum því þeir óttuðust harðar
aðgerðir hersins gegn mótmælend-
um. Forseti Júgóslavíu sagði eftir
fund yfirmanna hersins á þriðjudag
að öruggt væri að herinn mundi
tryggja frið og öryggi í landinu. Yfir-
menn hersins koma aftur saman í
dag til að ræða ástandið.
Stjórnarandstöðuleiðtoginn, Vuk
Draskovic, sagði að leiðtogar lýð-
veldisins og sérstaklega innanríkis-
ráðherrann, Radmilo Bogdanovic,
bæru ábyrgð á dauða mótmælenda
og lögregluþjóns í mótmælunum á
laugardag þar sem Draskovic var
handtekinn. „Ríkisstjórn með slíkan
innanríkisráðherra ætti að segja af
sér...,“ sagði Draskovic.
Yfirvöld hafa að nokkru gengið að
kröfum mótmælenda. Þau hafa rek-
ið fimm stjórnendur sjónvarpsins
og látið Draskovic lausan. Þá hafa
þau skipað nefnd til að rannsaka at-
burðina síðastliðinn laugardag. En
mótmælendur krefjast enn afsagnar
innanríkisráðherrans og nú allrar
ríkisstjórnarinnar. Draskovic krafð-
ist þess líka að pólitískir fangar yrðu
látnir lausir sem væru a.m.k. 150 að
hans sögn.
Sumir stjórnarandstöðuleiðtogar
hafa hvatt mótmælendur til að
hætta mótmælum því þeir óttast að
herinn beiti sér gegn þeim með
hörmulegum afleiðingum. „Farið
heim núna. Ekki taka neina
áhættu," sagði Zoran Djindjic, leið-
togi Lýðræðisflokksins. Forsætis-
ráðherra Króatíu, Josip Manolic,
sagði í viðtali við sjónvarpið í Zagreb
að hann teldi að herinn liti á vald-
beitingu sem einu lausnina á vanda-
málinu.
„Við verðum að sannfæra herinn í
eitt skipti fyrir öll að hann geti ekki
skotið mótmælendur og hann geti
ekki skotið niður lýðræðið," sagði
hann. Forseti Júgóslavíu, Borisav
Jovic, sagði eftir fund yfirmanna
hersins á þriðjudag að öruggt væri
að herinn mundi tryggja reglu í
landinu. Hann vildi ekki segja til
hvaða aðgerða yrði gripið. Yfirmenn
hersins hittast aftur í dag til að ræða
ástandið.
Reuter-SÞJ
Milosevic forseti Serbíu.
Bretland:
Verkamannaflokkur-
inn með mest fylgi
Verkamannaflokkurinn er með meira
fylgi en íhaldsflokkurínn samkvæmt
síðustu skoðanakönnun og er þaö í
fyrsta skipti síðan Margrét Thatcher
lét af störfum sem formaður íhalds-
flokksins og forsætisráðherra.
Samkvæmt könnuninni, sem birt-
ist í breska blaðinu The Guardian í
gær, þá hefur Verkamannaflokkur-
inn 40% fylgi kjósenda en íhalds-
flokkurinn 39%. En það er Frjáls-
lyndi sósíaldemókrataflokkurinn
sem bætir mest við sig en hann fékk
16% og hefur fylgi hans aldrei
mælst meira.
Skoðanakönnunin fórfram eftirað
íhaldsflokkurinn hafði beðið mikinn
ósigur fyrir frjálslyndum sósíal-
demókrötum í aukakosningum í
Ribble-dalnum en þar unnu frjáls-
lyndir þingsæti af íhaldsmönnum.
Ribble-dalurinn var eitt af örugg-
ustu kjördæmum íhaldsmanna.
Skoðanakönnuninn tók til 1.393
kjósenda í 103 kjördæmum. í síð-
ustu viku hafði íhaldsflokkurinn 8-
8,5% forystu á Verkamannaflokkinn
í skoöanakönnunum og er það helst
að þakka framgöngu forsætisráð-
herrans og formanns íhaldsflokks-
ins, Johns Major, í Persaflóastríðinu.
En nú þegar stríðið er búið og
íhaldsflokkurinn þarf að fara að taka
á viðkvæmum málum, eins og nef-
skattinum svokallaða og málefnum
Evrópubandalagsins, þá virðist fylg-
ið fara dvínandi. Major hefur lýst því
yfir að hann muni taka nefskattinn
til endurskoðunar en hann hefur
ekki komið fram með neitt í staðinn.
Athygli vekur að samkvæmt könn-
uninni mundi hvorugur stóru flokk-
anna ná meirihluta á þinginu ef
gengið yrði til kosninga en Frjáls-
lyndi demókrataflokkurinn hefur
unnið svo mikið á. Reuter-SÞJ
Fréttayfirlit
Damascus - James Baker,
utanríkisráðherra Bandaríkj-
anna, ræddi við Sýrlendinga í
gær en þeir tóku þátt í „Eyði-
merkurstorminum" meö öðrum
bandamönnum. Sýrlensk
stjómvöld vilja að Bandaríhja-
menn taki upp harðari stefnu
gegn Israelsmönnum.
London - Leiðtogi Kúvæts,
furstinn Sheikh Jaber al-Ahmed
al-Sabah, snýr aftur til Kúvæts í
dag.
Riyadh - Óeiröir i írak og kröf-
ur bandamanna um að (rakar
verði að gangast undir öll skil-
yrði Sameinuðu þjóðanna geta
tafið undirritun vopnahlés-
samningsins um nokkrar vikur,
að sögn vestrænna stjómarer-
indreka.
Bagdad - frösk stjómvöld
sögðu i gær að „föðurlands-
svikaramir" sem berðust gegn
Saddam Hussein íraksforseta
mundu ekki ná markmiðumm
sinum. Þau sökuðu einnig
Bandaríkjamenn um að reyna
að leysa upp landið.
Beirút - Fulltrúar stjórnarand-
stöðuhópa I Irak hittust f Beirút í
Líbanon f gær til að samhæfa
aðgerðir sínar gegn Saddam
Hussein. Bandarísk yfirvöld
sögðu í gær að forsetanum
væri að takast að brjóta niður
mótstöðu stjórnarandstöðunn-
ar.
Kalró - Yasser Arafat leiðtogi
PLO nýtur trausts stuðnings
forystu samtakanna.
Moskva - Sovéska öryggis-
lögreglan KGB sagði í gær að
líkur væru á þvi að lýðveldið
Bashkiria, sem er við Úralfjöli,
leggist i eyði ef ekkert verði gert
til að sporna við mikilli mengun í
Jýðveldinu.
Nikósía - Stjómvöld i Saudi-
Arabíu sögðust í gær ætla að
beita sér af hörku gegn þeim
sem föstuðu ekki i árlegum
föstumánuði múslima, Ramad-
an, jafrivel þótt þeir væru ekki
múslimar. Reuter-SÞJ
Baker fer til Moskvu í dag:
RÆDDIVIÐ SYR-
LENEHNGAIGJER
Kosið á Indlandi í maí
Forseti Indlands, Ramaswamy
Venkataraman, tilkynnti í gær aö
kosningar yrðu haldnar í landinu í
maí. Nánarí tímasetning verður til-
kynnt síðar annaöhvort af forsetan-
um eða fráfarandi forsætisráð-
herra. Forsetinn sagði að nýja þing-
ið ætti að koma saman þann 5. júní
til að ræða myndun nýrrar ríkis-
stjómar.
Forsætisráðherrann, Chandra
Shekhar, sagði af sér á miðvikudag í
seinustu viku vegna ósættis milli
sósíalistaflokks síns og íhaldsflokks
Rajivs Gandhis en flokkur Shekhars
myndaði minnihlutastjórn með
stuðningi íhaldsflokks Gandhis, sem
er stærsti stjórnmálaflokkur lands-
ins. Eftir það fór Shekhar á fund for-
setans og lagði til að kosningar yrðu
haldnar. Fimm stjórnmálaflokkar
eru áberandi stærri en aðrir flokkar
og munu þeir berjast um þingsætin
í kosningunum í maí. Stjórnmála-
skýrendur búast ekki við að meiri-
hlutastjórn verði mynduð í kjölfar
kosninganna en þeir telja erfitt að
spá um fylgi einstakra flokka. Kosn-
ingar munu að öllum líkindum falla
niður í Punjab, Kashmir og Assam,
vegna ofbeldis aðskilnaðarsinna í
þessum fylkjum. Reuter-SÞJ
James Baker, utanríkisráðherra
Bandarílqanna, ræddi við sýrlensk
stjómvöld um Palestínumáliö í gær.
Ekkert benti til að vendipunktur
hefði orðið í málinu.
Sýrlendingar vilja að Bandaríkja-
menn taki upp harðari stefnu gegn
ísraelsmönnum í málinu. Þeir vilja
að Bandaríkin þrýsti á ísrael um að
samþykja ályktanir Öryggisráðs
Sameinuðu þjóðanna sem segja að
ísraelsmenn eigi að láta herteknu
svæðin af hendi og að alþjóðaráð-
stefnu eigi að halda um málið.
Sýrlendingar lögðu, í viðræðum
sínum við Baker, áherslu á ummæli
George Bush, forseta Bandaríkjanna,
í síðustu viku en hann sagði að
lausnin á vandamálinu yrði að byggj-
ast á öryggi ísraels og að pólitísk rétt-
indi Palestínuaraba yrðu viðurkennd.
Sýrlensk stjórnvöld sendu 20.000
hermenn til Saudi-Arabíu til að berj-
ast við íraka. Sýrland er eitt af þeim
ríkjum sem komu hvað best út úr
stríðinu og samningsstaða þeirra er
nú góð. Áður en til stríðsins kom var
Sýrland einangrað frá Vesturveldun-
um og mjög fylgjandi Sovétríkjun-
um. Baker heldur í dag frá Sýrlandi
til Sovétríkjanna til viðræðna við
þarlenda ráðamenn. Hann mun
meðal annars ræða um fund milli
Mikhails Gorbatsjovs Sovétforseta og
Bush sem stendur til að halda nú á
næstunni. Upphaflega átti hann að
fara fram í febrúar en var frestað
vegna Persaflóastríðsins og spennu-
ástandsins í Eystrasaltslýðveldunum.
Reuter-SÞJ
USSR-BNA:
Leiötogafundurinn í maí?
Tálsmaður Mikhails Gorbatsjovs,
forseta Sovétríkjanna, sagði í gær
í viðtali við sovésku fréttastofuna
Tass að vel kæmi til greina að
halda fund milli Gorbatsjovs og
George Bush, forseta Bandaríkj-
anna, í maí. Talsmaður bandaríska
sendiherrans í Moskvu sagðist
ekki geta tjáð sig um málið.
James Baker, utanríkisráðherra
Bandaríkjanna, sem ræddi við sýr-
lensk stjórnvöld í gær um vanda-
mál Miðausturlanda, kemur til
Moskvu í dag. Hann mun meðal
annars ræða um fund milli leið-
toga risaveldanna við sovésk
stjórnvöld.
Upphaflega átti fundurinn milli
Gorbatsjovs og Bush að fara fram
11.-13. febrúar en honum var
frestað vegna stríðsins við Persa-
flóa og spennuástandsins sem
ríkti í Eystrasaltslýðveldunum.
Reuter-SÞJ