Tíminn - 22.03.1991, Blaðsíða 2

2 Tíminn
Föstudagur 22. mars 1991
Orkumálastjóri sér fyrir sér mikla aukningu í raforkuframleiðslu vegna stóriðnaðar og útflutning um sæstreng:
Raforkuframleiðsla tí-
faldast næstu 40 árin
Jakob Bjömsson orkumálastjóri gerir ráð fyrir að árið 2030 verði
búið að taka til notkunar öll helstu virlgunarsvæði vatnsorku og
helstu háhitasvæði. Um 74% orkunnar verði framleidd í vatnsafls-
virkjunum, en um 26% í jarðgufuvirkjunum. Uppsett raforkuafl
hériendis þá yrði alls 5810 megavött. Þetta kom meðal annars fram
í erindi sem Jakob fiutti á ársfundi Orkustofnunar í gær.
Frá ársfundi Orkustofnunar í gær. Tímamynd: Pjetur
Jakob dró upp í erindi sínu hugsan-
lega mynd af stöðu í orkumálum ef
stefna stjórnvalda í raforkumálum
og stóriðnaði myndi bera svipaðan
árangur og stefnt er að. Jakob reikn-
ar með aukningu í orkufrekum iðn-
aði, útflutningi raforku um sæ-
streng auk almennrar notkunar.
Hann gerir ráð fyrir að orkufrekum
iðnaði verði komið á fót í svipuðum
mæli á fjórum stöðum á landinu: á
Reykjanesi, Vestur-, Norður- og
Austurlandi. Samtals næmi orku-
þörf þess iðnaðar, að núverandi stór-
iðju meðtalinni, 23,1 TWh.
Hann segir dreifingu iðnaðarins
um landið hafa afgerandi áhrif á
hvernig raforkukerfið verði árið
2030. Hann sér fyrir sér að 11,2%
fari til almennrar notkunar, 53,9%
verði notuð í orkufrekan iðnað og
34,9% verði flutt út um sæstreng.
Út frá þessu yrði raforkunotkunin
hér á landi árið 2030 42,9 TWh, en
til samanburðar er hún nú 4,4 TWh.
Og til að flytja þessa orku út um
landið segir Jakob að stórefla þurfi
flutningskerfið út um landið. Til
viðbótar við núverandi 132 og 220
kílóvatta línur þurfi fleiri 220 KWh
línur að koma, auk lína af nýju
spennustigi sem er 400 KWh. Mest
yrði aflstreymið austanlands, næst
Berufirði, þaðan sem ráðgert er að
2000 MW leggi upp í ferð til útlanda.
Orkumálastjóri telur að sölutekjur
af raforku í heildsölu og til stórnot-
enda geti orðið nærri 45 miljörðum
króna árið 2030, miðað við núgild-
andi verðlag. Hann minnti á að
vatnsaflstöðvar væru afskrifaðar á
40 árum, en gætu með góðu móti
enst í heila öld. Jarðgufustöðvar
væru afskrifaðar á 30 árum og gætu
einnig enst lengi. Þegar kæmi fram
á síðari hluta 21. aldar og kostnaður
vegnavirkjana, sem reistar væru um
og eftir komandi aldamót, hefði ver-
ið afskrifaður, gætu hreinar tekjur
þjóðarbúsins af nýtingu orkulind-
anna numið 30-40 miljörðum
króna. Jakob sagði að auðvitað væri
þessa langt að bíða. „En hugsum
okkur að forfeður okkar og -mæður
hefðu í byrjun þessarar aldar skilið
okkur eftir þvílíka orkulind," bætti
hann við.
Þá ræddi Jakob um þær miklu und-
irbúningsrannsóknir, sem þyrfti að
vinna ef hefja ætti nýtingu orkulind-
anna í stórum stíl. Mikilvægt væri
að fara hægt af stað en ekki með
æðibunugangi með framkvæmda-
mennina á hælunum. Hann sagði
átak í vatnsorkurannsóknum, sem
hefst í ár og stendur til 1995. vera
fyrsta skrefið í þeim undirbúningi.
Tilsvarandi rannsóknir í rannsókn-
um háhitasvæða til raforkuvinnslu
sagði hann vera í undirbúningi.
A síðasta ári námu fjárveitingar til
Orkustofnunar 212,5 miljónum
króna, sem er að raunvirði 7,8%
lægri upphæð en árið áður. Orku-
málastjóri telur það vera öfuga þró-
un að fjárveitingar til stofnunar
dragist saman að raunvirði frá ári til
árs á sama tíma og stjórnvöld marka
þá stefnu að vinna að aukinni nýt-
ingu orkulindanna í þágu þjóðar-
búsins. -sbs.
Aðalfundur Flugleiða í gær:
NÝJU FLUGVÉLARNAR
TRYGGJA AFKOMUNA
Aðalfundur Flugleiða var haldinn í
gær. Þar kom fram að á síðasta ári
hefur afkoma félagsins stórbatnað.
Forstjóri Flugleiða, Sigurður
Helgason, þakkar það nýjum flug-
flota, stöðugleika í efnahagsmálum
og hagstæðri gengisþróun.
A síðasta ári var heildarhagnaður af
rekstri Flugleiða 401 millj., þar af er
hagnaður af sölu eigna 348 millj. Er
það í fýrsta skipti í 4 ár, sem hagnað-
ur er af reglulegri starfsemi. Rekstr-
artekjur Flugleiða eru um 12.000
millj., og gjöld 11.500 millj. Rekstr-
arhagnaður af reglulegri starfsemi
án fjármagnsliða og skatta er 506
millj., um 4% af veltu.
Vaxtagjöld og verðbætur eru 838
millj. Þau hafa hækkað mikið vegna
lántöku til kaupa á nýjum flugvél-
um. Hagstæð gengisþróun á árinu,
lágt gengi dollars, hefur hins vegar
komið til lækkunar. Hagnaður af
reglulegri starfsemi að viðbættum
fjármagnsgjöldum er 362 millj.
Bókfært verð eigna Flugleiða er
um 18.600 millj. Heildarskuldir eru
14.400 millj. Erlend langtímalán
eru 11.300 millj. Bókfært eiginfé er
4.200 millj.
Sigurður Helgason forstjóri sagði í
ræðu sinni, að staða félagsins hefði
aldrei verið sterkari. Auk nýrra flug-
véla og hagstæðrar gengisþróunar,
þakkaði Sigurður það stöðugleika í
efnahagsmálum á íslandi. Hann
sagði: „Það náðist verulegur árang-
ur í baráttunni við verðbólgu fýrst
og fremst vegna áhrifa hinnar svo-
kölluðu þjóðarsáttar. Sá vaxandi
stöðugleiki, sem fylgt hefur í kjölfar-
ið, hefur jákvæð áhrif á rekstur fyr-
irtækis á borð við Flugleiðir."
Sigurður Helgason lætur nú af
störfum sem stjórnarformaður
Flugleiða. Með honum ganga úr
stjórn Árni Vilhjálmsson, Hörður
Sigurgestsson, Kristjana Milla Thor-
steinsson og Páll Þorsteinsson.
Fyrir aðaifundi lá tillaga um að
auka hlutafé um 400 millj. að nafn-
virði og gefa út 10% jöfnunarhluta-
bréfa. Með því skal eiginfjárstaða
fyrirtækisins enn bætt.
Á þessu ári ætla Flugleiðamenn að
endurnýja innanlandsflugflota sinn.
Með því vilja þeir snúa viðvarandi
tapi í hagnað. Að sögn Sigurðar
Helgasonar forstjóra eru líkur á að
rekstur Flugleiða gangi vel á þessu
ári, ef tekst að viðhalda þeim stöð-
ugleika sem verið hefur í efnahags-
málum.
Breytingar í stjóm Flugleiða:
Höröur Sigurgestsson
nýr stjórnarrormaður
Hörður Sigurgcstsson, forstjóri hefur að flugrekstri í 38 ár. f stað
Eimskips, var kjörinn stjóraar- Sigurðar var Benedikt Sveinsson
formaöur Flugieiða á aðalfundi kjörinn í aðalstjóm Flugleiða.
félagsins í gær. Þá samþykkti að-
alfundurinn að auka hlutafé fé-
lagsins um 400 milljónir króna
að nafnvirði. Gert er ráð fyrir að
bréfln seljist fyrir um 1 miiljarð
króna á markaðnum.
Hörður Sigurgestsson starfaði
hjá Flugieiðum frá 1974-1979
og hefur verið í sfjóra félagsins
frá árinu 1984. Hann varð vara-
formaður stjóraar árið 1986 og
tekur nú við stjómarformennsku
af Sigurði Helgasyni, sem starfaö
Varaformaður stjóraar var krjör-
inn Grétar Br. Kristjánsson, en
hann gegndi því embætti frá
1981-1986. í varastjóm voru
kosnir Jóhann J. Ólafsson, Björa
Theódórsson og Haildór Þór
Halldórsson. Tveir síðastnefndu
eru nýir menn í varasfjóm félags-
ins.
Aðalfundurinn samþykkti til-
lÖgu um útgáfu 10% jöfnunar-
hlutabréfa og um greiðslu 10%
arðs til hluthafa. —SE
Verkalýðsfélag Borgarness 60 ára í dag:
Félagsmenn upphaflega 39
en eru nú um sjö hundruð
í dag eru liöin 60 ár síðan 39 verka-
menn í Borgaraesi stofnuðu með
sér Verkalýðsfélag Borgamess og í
kvöld klukkan hálf níu hefst hátíð-
ardagskrá á Hótel Borgamesi í til-
efni afmælisins. Mikið verður um
dýrðir á hátíðinni og eru allir vel-
komnir.
Mikið vatn hefur runnið til sjávar
síðan verkamennirnir 39 stofnuðu
félagið. í dag eru í félaginu um 700
manns: verkamenn, byggingamenn
og járniðnaðarmenn. Félagið hefur
á undanförnum árum lagt áherslu á
fjölbreytta starfsemi. Sérstök
áhersla hefur verið lögð á fræðslu-
starfið og hafa verið haldin um 50
námskeið með alls um 1000 þátttak-
endum.
Félagið hefur haft góða samvinnu
við MFA um fræðslustarfið. Þá hefur
félagið haldið fjölmenna borgara-
fundi í samvinnu við Neytendafélag
Borgarfjarðar. Stjórn félagsins árið
1991 er skipuð þeim Jóni Agnari
Eggertssyni, sem er formaður, Sig-
rúnu D. Elíasdóttur, Baldri Jónssyni,
Agnari Ólafssyni, Karli Á. Ólafssyni,
Svövu Halldórsdóttur og Áslaugu
Pálsdóttur.
í fyrstu stjórn þess voru Daníel
Eyjólfsson formaður, Guðmundur
Sigurðsson ritari, Karl L. Björnsson
féhirðir, Friðrik Þorvaldsson fjár-
málaritari og Einar F. Jónsson vara-
formaður.
Eins og áður sagði þá minnist fé-
lagið afmælisins með hátíðardag-
skrá á Hótel Borgarnesi í kvöld.
Klukkan 20.15 leikur Lúðrasveit
Borgarness, en stjórnandi hennar er
Björn Leifsson. Samkoman verður
sett klukkan 20.30. Kveldúlfskórinn
syngur nokkur lög, stjórnandi er
Ingibjörg Þorsteinsdóttir, Jón Agnar
Eggertsson, formaður Verkalýðsfé-
lags Borgarness, flytur ræðu,
Óperusmiðjan sér um blandaða
söngdagskrá og fram koma m.a. Sig-
urður Bragason, Jóhanna Þórhalls-
dóttir og Inga Bachmann. Flosi Ól-
afsson flytur hugleiðingu og Þorkell
Guðbrandsson syngur gamanvísur.
Þá verða nokkrir aldraðir félags-
menn heiðraðir.
—SE