Tíminn - 19.10.1991, Page 3
Laugardagur 19. október 1991
Tíminn 3
Einar Hákonarson listmálari harðorður um Kjarvalsstaði, sem hann segir fylgja stöðnunarstefnu:
NYGRODUR LISTARINNAR
FLUTTUR í HAFNARFJÖRÐ
Nú stendur yfír sýning Einars Hákonarsonar listmálara á 96 mynd-
um hans á Kjarvalsstöðum og stendur hún til 27. október nk. Þetta
er sjöunda stóra sýning Einars í húsinu, en fram kom í spjalli hans
við fréttamann Tímans í gær að hún mundi einnig verða sú síðasta
— „að óbreyttu ástandi“, eins og listmálarinn komst að orði, þar
sem hann er mjög óánægður með stefhu hússins um þessar mund-
ir.
„Ég hef dvalið í Gautaborg síðustu
tvö árin,“ segir Einar, „og endumýjað
kynnin við borgina, en þar var ég við
nám 1964-1967. Tímann í Svíþjóð
notaði ég til kennslu í málverki og
grafík við Hovedskous-málaraskól-
ann, en hélt auk þess fimm sýningar
allt frá Stokkhólmi til Lundar."
Einar segir að fiarvistimar frá ís-
landi þessi tvö ár hafi skerpt myndina
af landinu í huga sér, og gætir þessa í
verkunum í miðhluta sýningarsalar-
ins, þar sem hann leitast við að túlka
landið, tærleik loftslagsins og víðern-
ið. Þar á meðal er að finna olíumál-
verkið „Upphaf‘, sem er stærsta olíu-
málverk Einars til þessa — 2.5x4
metrar að stærð. Um áhrifin af land-
inu segir Einar raunar að þau orki nú
sterkar á sig en áður, og að hann hafi
um það leyti er hann fór til Svíþjóðar
áttað sig á að hann mundi framvegis
helga sig í verki sínu þeim jarðvegi
sem hann er úr sprottinn. „Ég hef
tekið margt til endurmats og fundið
að fyrir mér er þetta núna leiðin til
þess að vera ekta í listinni," segir Ein-
ar.
í öðrum hluta sýningarsalarins gæt-
ir áhrifa frá vemnni í Svíþjóð, og þar
skipar trjágróðurinn, sem Einar seg-
ir hafa orkað truflandi á sig til að
byrja með, sinn sess, svo sem í mynd-
inni „Kvöld í Onsala". „Ég finn í
skóginum ýmis dramatísk áhrif,"
segir Einar, „og það er eftirtektarvert
hvemig hljóð skógarins breytast frá
vori til hausts. En ég þrái þó ekki
skóga hér heima á íslandi — auðn-
imar, mýramar og víðáttan eiga sér
líka sín hljóð, þótt þau séu önnur".
Síðasta sýningin á
Kjarvalsstöðum?
„Já, að óbreyttu verður þetta síðasta
sýning mín á Kjarvalsstöðum, því ég
hef verið mjög óánægður með hver
þróun mála í stefnu hússins hefur
orðið að undanfömu. Hér er því nýja
bægt frá, og því fylgir stöðnun sem
veldur því að fólk hættir að sækja
hingað, finnst það sífellt vera að sjá
það sama. Það er auðvitað ekki nýtt
að því nýja sé bægt frá, sbr. viðbrögð-
in við abstraktmálurunum á sínum
tíma, en mér rennur til rifia að sjá
þessi verða örlög hinnar rausnarlegu
gjafar Kjarvals til hússins og Reykja-
víkurborgar.
í>að gerist annars víða um heiminn
þessi árin að ráðríkir og áhrifamiklir
listfræðingar segja mönnum fyrir
um hvað er rétt í list Fýrir vikið
verða listasöfnin eins og vömmark-
aðir í stórborgum. Þeir em allir eins.
Ég veit ekki hve marga Iistsagnfræð-
inga ríki og borg hefur ráðið undan-
farin ár. Fyrir svosem tveimur ára-
tugum vom þeir aðeins sagnfræð-
ingar, eins og þeir hlutu menntun til,
en nú vilja þeir gerast yfirvald og allt-
af verða nógu margir til að hlýða
þeim, því annars passa þeir ekki inn í
myndina. Þetta er mjög hættulegt
Eins og sakir standa virðist mér að
miðstöð alls nýgróðurs í listum hafi
flust í Hafnarborg í Hafnarfirði, en
þar em menn opnir fyrir nýrri og
frjórri list En sem betur fer er það
svo að sé listin lögð í bönd á einum
stað, skýtur hún bara upp kollinum
annars staðar. Ég mun í framtíðinni
að óbreyttu ástandi leita þangað sem
nýir vindar blása og sniðganga það
andrúmsloft stöðnunar sem ríkir á
Kjarvalsstöðum nú. Ég man vel hve
listamenn lögðu mikið á sig og sóttu
það fast að húsið yrði reist, en þetta
var ekki það sem þeir vildu," sagði
Einar Hákonarson.
Einar Hákonarson viö mynd sína, „Kvöld (Onsala“, (gær. Vald list-
fræöinga er honum þymir í augum.
Kanaríeyjar eru sumarparadís á
veturna. Þess vegna bjóðum við í
vetur fleiri ferðir í sólina á Kanarí-
eyjum en nokkru sinni fyrr.
t/mjólin: Tvær ferðir:
19. des.-2.jan. 2 vikur.
Verð frá 74,600 kr. á
mann m.v. tvo í íbúð á
Broncemar.
19. des.-9. jan. 3 vikur.
Verð frá 84.000 kr. á
mann m.v. tvo í íbúð á
Broncemar.
Aðrnr 23. jan.
brottfnrir: 30. jan.
13. feb.
20. feb.
13.feb. 3 vikur.
20. feb. 3 vikur.
5.mars 3 vikur.
12.mars 3vikur.
Brottfór 2. og 9. jan.
í 3 vikur ú sérlega
hagstœdu verði,
frá 59.300 m.v. 2 í íbúð,
frá 43.940 m.v. 3 í íbúð
(hjón með 1 barn 2-11
ára á Los Tunos).
393 steti seld.
Bráðum uppselt í
margar ferðir.
Hafðu strax samband
við þína ferðaskrif-
stofu, söluskrifstofur
okkar og umboðsmenn
um allt land eða í síma
690300 (svarað alla 7
daga vikunnar).
TTVTAD
Jtl/ Jl JxaXV.
Allt verð m.v. staðgreiðslu ferðakostnaðar og gengi 26. sept. 1991. Flugvallarskattur og forfallatrygging ekki innifalin.
M ÚRVAL ÖTSÝN
Simi 60 30 60 i Mjódd. 2 6900 við Austurvöll
5. mars - 26.mars 3 vikur.
26. mars - lO.apr. 2 vikur.
12. mars - 2. apr. 2 vikur.
llmpáskana: 2. apr. - 23. apr. 3 vikur.
10. apr. - 24. apr. 2 vikur.