Tíminn - 21.03.1992, Blaðsíða 1

Laugardagur
21. mars 1992
58. tbl. 76. árg.
VERÐILAUSASÖLU
KR. 110.-
Innbrot í fyrrinótt á skurðdeild Landakotsspítala.
Skyndihjálpartaska tæmd:
Lífshættulegum
lyfjum stolið
í fyrrinótt var stolið svokallaðri ak-
út-tösku á skurðdeild á 4. hæð
Landakotsspítala. Var farið með
töskuna á nærliggjandi salemi og
hún tæmd þar, en í töskunni var
mikið af lyfjum sem mörg hver eru
lífshættuleg og önnur skaðleg.
Samkvæmt heimildum Tímans var
um að ræða mikið af stungulyfjum,
hjartalyfjum og deyfilyfjum ásamt
fleiru og því er fólk hvatt til að vera
á varðbergi. Ekki er vitað hvernig
þjófurinn hefur komist inn í bygg-
inguna og upp á fjórðu hæð sjúkra-
hússins óséður, en að sögn rann-
sóknarlögreglunnar er málið óupp-
lýst. Rannsóknarlögreglan ítrekaði
að lyfin eru í flestum tilfellum lífs-
hættuleg og hvetur þann sem hefur
þau undir höndum að afhenda þau
lögreglu. -PS
Fúsk
iðnaðar-
manna
að verða
óþolandi?
• Blaðsíða 2
„Borgarnes — stutt aö fara, gott aö vera“
I gær var kynnt ný strætisvagnaleið, Borgarnes-Hlemmur. i vagninum voru á ferð fulltrúar fyrirtækja í
Borgarnesi og einnig bæjarstjórinn, Óli Jón Gunnarsson, og var ferðin farin til að kynna Borgames-
daga sem verða haldnir næstu vikurnar í Reykjavík. Þá munu fyrirtæki í Borgarnesi kynna framleiðslu
sína og þjónustu fyrir íbúum höfuðborgarsvæðisins undir yfirskriftinni, „Borgarnes — stutt að fara,
gott að vera“. Auglýst verður á strætisvögnum og einnig verða vörukynningar t verslunum. Á með-
fylgjandi mynd má sjá hóp vaskra Borgfirðinga, sem ók um í vagninum og kynnti Borgarnesdagana
með því að bjóða fólki upp á vörukynningu í vagninum. Timamynd Ami Bjama
Geta Landspítali og Borgarspítali rekið bráðaþjónustu 200 milljónum
ódýrara en Landakot?
BARÁTTA UM BRÁÐA-
w
NONUSTU LANDAKOTS
Hugmyndir manna um kostnað vegna bráðaþjónustu þeirrar sem
rekin hefur verið á Landakoti hafa lækkað töluvert frá í upphafí, að
sögn heilbrigðisráðherra, Sighvatar Björgvinssonar, á ráðstefnu
sem ráðuneytið gekkst fyrir um kostnað í heilbrigðisþjónustu.
Hefur nú komið í ljós að Borgarspít-
ali og Landspítali eru nánast komnir
í verösamkeppni um að taka þessa
þjónustu að sér. Eins og mál standa
nú er talað um allt að 200 milljóna
kr. lægri kostnað en áætlað hafði ver-
ið af stjómendum Landakots. Þor-
kell Helgason, aðstoðarmaður Sig-
hvats, segir stjórnendur Landakots
hafi metið það svo að rekstrarkostn-
aður bráðaþjónustunnar, sem rætt
hafi verið um að flytja frá Landakoti,
væri á 6. hundrað milljóna króna á
ári. Þegar ráðuneytið hafi síðan farið
að kanna hvort hægt væri að koma
þessu fyrir ódýrar á hinum spítölun-
um hafi það merkilega komið í ljós
að þeir hafi fariö í hálfgerða sam-
keppni um þetta. Landspítali og
Borgarspítali vilji báðir gjaman taka
við þessari bráöaþjónustu og tölur
um það hvað það mundi kosta hafi
farið sílækkandi. Þar er nú talað um
að það sé kannski hægt að fá þetta
gert fyrir 200 færri milljónir en
Landakot áætlaði. -HEI
Ólafur Þ. Þórðarson ætlar að undirrita reikninga Byggðastofnunar í kjölfar þess að Ríkisendurskoðun hefur gefið skýringar:
Stjórnarstefnan breytti
efnahag Byggöastofnunar
Ólafur Þ. Þórðarson, alþingismaður og stjómarmaður í Byggða-
stofnun, segist hafa fengið fullnægjandi skýringar á breytilegu
mati Rfídsendurskoðunar á efnahag Byggðastofnunar á síðasta
ári. Rfídsendurskoðun segir að breytt stefna stjómvalda og fjár-
máiastofnana valdi því að stofnunin taldi á miðju síðasta ári að
auka þyrfti framlag á afskriftareikning um 1.725 milljónir, en
stofnunin hafði fáum mánuðum áður lagt blessun sína yfír árs-
reikninga Byggðastofnunar fyrir árið 1990.
Ólafur segist telja skýringar Ríkis-
endurskoðunar fullnægjandi og
skýra fullkomlega breytilegt mat
hennar á efnahag Byggðastofnun-
ar. Hann muni því undirrita reikn-
inga Byggðastofnunar á næsta
stjórnarfundi stofnunarinnar.
í bréfi endurskoðenda Byggða-
stofnunar er bent á að tiltölulega
stutt sé síðan þeirri breytingu var
komið á hér á landi við gerð árs-
reikninga að mynda varasjóð, svo-
kallaðan afskriftareikning, til að
standa undir væntanlegum töpum
sem kynnu að verða á útlánum
banka og sjóða. Þessi háttur var
fýrst tekinn upp hjá Byggðastofn-
un árið 1985. Áður var afskrifað
beint eftir að töpin voru endanlega
staðfest. Síðan þá hefur þessi venja
sífellt verið að þróast á þann veg að
reynt er að meta hversu háar fjár-
hæðir gætu hugsanlega tapast
miðað við lánveitingar við hver
áramót.
í bréfinu segir síðan orðrétt: „Það
gefur augaleið að stjómendur
Byggðastofnunar em í miklum
vanda viö hver áramót að meta
stöðu útlána og þar með stöðu af-
skriftareiknings hverju sinni. End-
urskoðendur þurfa síðan að leggja
sitt mat á það. Endurskoðendur
byggja mat sitt meðal annars á
rekstrarlegri og eignalegri stöðu
lántakenda og umhverfi atvinnu-
greina í landinu hverju sinni. Sér-
staklega geta ytri aðstæður breyst
á stuttum tíma, t.d. með stefnu
stjórnvalda og banka til atvinnu-
greina. Þar höfum við dæmi frá
loðdýrarækt, ullariðnaði og fisk-
eldi. Ríkisstjóm, fjármála- og lána-
stofnanir geta fyrirvaralaust breytt
stefnu sinni þessu viðvíkjandi, sem
þá veldur gjörbreyttu viðhorfi til
verðmætamats eigna í þeirri at-
vinnugrein sem í hlut á. Þetta á t.d.
við um fiskeldi á árinu 1991.“
Á síðasta ári breytti Landsbanki
íslands um stefnu í útlánum til
fiskeldis. Bankinn hætti algerlega
afurðalánum til fiskeldisfýrirtækja.
Skömmu eftir að ríkisstjóm Dav-
íðs Oddssonar komst til valda
ákvað hún einnig að draga stórlega
úr stuðningi við fiskeldi, sem m.a.
birtist í því að hún veitti einungis
ábyrgðir vegna 300 milljón króna
lánveitingar til útvalinna fiskeldis-
fyrirtækja. Eftir að þessi stefnu-
breyting hafði orðið taldi Ríkisend-
urskoðun í ágúst í fyrra að Byggða-
stofnun þyrfti að leggja um 1.500
milljónir á afskriftareikning vegna
tapaðra lána til fiskeldis.
í maímánuði 1991 ákvað stjóm
Byggðastofnunar að leggja 1.200
milljónir króna inn á afskrifta-
reikning og ætlar á þessu ári að
leggja verulegar upphæðir inn á af-
skriftareikning. Ólafur sagði að
þrátt fyrir að stjóm Byggðastofh-
unar hafi ákveðið að setja á annan
milljarð í afskriftasjóð á þessu ári
þá megi ekki líta svo á að allir þess-
ir fjármunir hafi tapast á þessu ári.
Um sé að ræða lán sem hafi verið
veitt á nokkurra ára tímabili.
Mönnum hafi endanlega orðið
ljóst að þessir peningar myndu
tapast eftir að bankastofnanir og
ríkisvaldið ákváðu að draga úr eða
hætta algerlega stuðningi við fyrir-
tæki í fiskeldi og fleiri atvinnu-
greinum.
- EÓ