Tíminn - 06.10.1992, Blaðsíða 6

6 Tfminn
Þriðjudagur 6. október 1992
Greinargerð sérfræðinga dómsmálaráðuneytisins um mál Eðvalds Hinrikssonar:
Ekki grundvöllur fyrir
rannsókn í máli Eðvalds
Nefnd tveggja lögfræðinga, sem dómsmálaráðherra skipaði til að
fjalla um mál Eðvalds Hinrikssonar, en Simon Wiesenthal stofn-
unin hefur sakað hann um stríðsglæpi, telur ekki grundvöll fyrír
því að íslensk stjórnvöld aðhafist frekar í máli hans. Nefndin telur
að ásakanir gegn Eðvald séu ekki studdar nægum gögnum. Eðvald
sé íslenskur ríkisborgarí og verði því ekki framseldur til Eistlands,
ríkja fyrrum Sovétríkjanna eða ísraels. Þá telur nefndin að hugs-
anleg brot Eðvalds á íslenskrí innflytjendalöggjöf séu löngu fyrnd.
Eiríkur Tómasson hæstaréttar-
lögmaður og Stefán Már Stefáns-
son lagaprófessor telja að þau brot,
sem Eðvald Hinriksson er ásakaður
um og varða einkum 194 gr. og
211. gr. almennra hegningarlaga,
séu enn ófymd. Rannsókn á brot-
unum gæti hafist á íslandi ef ásak-
anir á hendur honum væru studd-
ar nægum gögnum. Lögfræðing-
amir telja hins vegar að þau gögn,
sem fyrir liggi, séu ekki nægileg.
Eðvald er íslenskur ríkisborgari. í
nefndarálitinu segir að hann verði
því hvorki framseldur til Eistlands,
til ríkja fyrrum Sovétríkjanna eða
ísraels. íslensk lög banni slíkt
framsal.
í nefndarálitinu segir ennfremur
að Eðvald verði ekki sóttur til saka
fyrir hugsanleg brot á íslenskri
innflytjendalöggjöf, enda séu öll
slík brot löngu fymd.
Niðurstaða lögfræðinganna er því
að hvorki sé rétt né skylt að hefja
opinbera rannsókn í málinu eins
og það liggi fyrir. Þorsteinn Páls-
son dómsmálaráðherra hefur fall-
ist á þessa niðurstöðu.
Efraim Zuroff, forstöðumaður
Simon Wiesenthal stofnunarinnar,
hefur harðlega gagnrýnt þessa nið-
urstöðu nefndarinnar. Hann segir
að fyrir liggi nægilega traust gögn,
sem sanni ásakanir sem bornar
hafa verið á Eðvald Hinriksson.
Hér fer á eftir hluti af greinargerð
Eiríks Tómassonar og Stefáns Más
Stefánssonar þar sem vikið er beint
að þeim ásökunum, sem bomar
hafa verið á Eðvald Hinriksson.
-EÓ
3.1. Æviferill Eðvalds Hinriks-
sonar.
Eðvald Hinriksson er fæddur í
borginni Tartu (á sænsku Dorp-
ad) í Eistlandi 12. júlí 1911. Á
meðan hann dvaldi í Eistlandi hét
hann Evald Mikson, en honum
var gert að breyta nafni sínu og
taka upp íslenskt nafn þegar hon-
um var veittur íslenskur ríkis-
borgararéttur, svo sem lýst verð-
ur nánar hér á eftir.
Eðvald var á yngri árum kunnur
knattspyrnumaður í Eistlandi, en
stundaði síðar nám við lögreglu-
skóla og starfaði eftir það í eist-
nesku öryggislögreglunni eða
pólitísku lögreglunni, eins og
hún var tíðast nefnd, þ.á m.
gegndi hann um skeið störfum
sem lögreglustjóri í tilteknu hér-
aði. Starf hans var í því fólgið að
fylgjast með starfsemi manna
sem talin var beinast gegn eist-
neska lýðveldinu. Þetta starf
hafði Eðvald með höndum uns
Sovétríkin lögðu Eistland undir
sig í júnímánuði 1940, en eftir
það fór hann um skeið huldu
höfði. Eftir að stríð braust út
milli Sovétríkjanna og Þýska-
lands í júnímánuði 1941 hefur
Eðvald skýrt svo frá að hann hafi
komið á fót sveit ættjarðarvina til
þess að berjast gegn Rússum, sem
enn hersátu landið, en slíkar
sveitir spruttu á þessum tíma upp
um gjörvallt landið. Smátt og
smátt urðu sveitir þessar að hinni
eistnesku andspyrnuhreyfingu
sem síðar varð uppistaðan í eist-
neska hernum. Eðvald gekk
þannig í eistneska herinn 17. júlí
1941 og barðist í honum við hlið
Þjóðverja gegn Rússum fram eftir
sumri. Samtímis var hann yfir-
maður í andspyrnuhreyfingunni
og hafði þá m.a. það starf að hafa
hendur í hári manna sem taldir
voru svikarar.
Eftir að Þjóðverjar höfðu sigrað
Rússa og lagt Eistland undir sig
kveðst Eðvald hafa, í byrjun sept-
ember 1941, tekið á ný til starfa í
eistnesku öryggislögreglunni í
Tallinn (á sænsku Reval). Að hans
sögn stýrði hann upplýsingadeild
öryggislögreglunnar og var starf
hans einkum fólgið í því að afla
upplýsinga um aðgerðir Rússa og
eistneskra kommúnista meðan á
hernámi Rússa stóð, þ.á m. að
leita vitneskju um þá menn sem
Rússar hefðu flutt á brott á þeim
tfma. Yfirmaður hans í öryggis-
lögreglunni var maður að nafni
Lepik. Eðvald gegndi þessu starfi
f tæpa þrjá mánuði eða til loka
nóvember 1941 þegar Þjóðverjar
handtóku hann og settu í fang-
elsi. Þar sat hann í tæp ár uns
hann var látinn laus í lok október
1943. Þá gekk hann í þjónustu
þýska hernámsliðsins í Eistlandi,
„Wehrmacht", þar sem hann
starfaði í tæpt ár eða til miðs
september 1944. Eftir það gekk
hann í eistneska herinn, en flýði
frá Eistlandi til Svíþjóðar nokkr-
um dögum síðar eða 22. septem-
ber 1944.
í Svíþjóð stóð um tíma til að
framselja Eðvald til Sovétríkj-
anna, eftir að Eistland hafði verið
innlimað í þau. Ástæða þessa var
sú að honum var gefið að sök að
hafa drýgt stríðsglæpi í heima-
landi sínu, m.a. gagnvart eist-
neskum gyðingum. Af þvf tilefni
fóru fram yfirgripsmiklar yfir-
heyrslur yfir Eðvald og fjölda
annarra vitna fyrir sænskum yfir-
völdum á árinu 1946, en að þeim
loknum var honum vísað úr
landi.
Haustið 1946 hélt Eðvald frá
Svíþjóð, áleiðis til Suður-Amer-
íku, en tilviljun réð því að hann
kom hingað til íslands 23. nóv-
ember 1946 á leið sinni vestur
um haf. Ákvað hann síðan að setj-
ast að hér á landi og var honum
veitt formlegt leyfi til þess að
dvelja hér á landi í þrjá mánuði
með bréfi dómsmálaráðuneytis-
ins, dagsettu 4. júní 1947. Áður
hafði Eðvald fengið atvinnuleyfi,
fyrst til 4. mars 1947 til að starfa
hjá íþróttabandalagi Vestmanna-
eyja. Þessi leyfi voru síðan endur-
nýjuð uns Eðvald hlaut íslenskt
ríkisfang.
Eðvald var veittur íslenskur rík-
isborgararéttur með lögum nr. 43
18. maí 1955. Bar hann fyrst fram
umsókn um ríkisborgararétt 10.
mars 1954, en umsóknin var ekki
afgreidd á því Alþingi er þá sat.
Lagði hann síðan fram endurnýj-
aða umsókn 20. ágúst 1954 og var
hún sem fyrr segir afgreidd með
lögum sem samþykkt voru f lok
74. löggjafarþings 1954-1955. Yf-
irlýsing dómsmálaráðuneytisins
um ríkisborgararéttinn og nafn-
breytingu vegna hans, þar sem
Eðvald tók sér nafnið Eðvald Hin-
riksson í samræmi við íslensk
nafnalög, var gefin út 26. ágúst
1955. Frá þeim tíma telst Eðvald
íslenskur ríkisborgari.
Ekkert bendir til þess að Eðvald
hafi gerst brotlegur við íslenska
innflytjendalöggjöf. Hafi svo ver-
ið, eru slík brot hvort sem er
löngu fyrnd vegna þess að
þyngsta refsing við brotum á þá-
gildandi lögum um eftirlit með
útlendingum nr. 59, 23. júní
1936, var fangelsi allt að tveimur
árum, sbr. 12. gr. laganna, sbr. og
268. gr. alm. hgl. Um fýrningu
sakar vísast að öðru leyti til kafla
2.3 hér að framan.
3.2. Aðstæður í Eistlandi 1939-
1944.
Þau brot, sem Eðvald Hinriks-
son er sakaður um í fýrrgreindu
bréfi Simon Wiesenthal stofnun-
arinnar til forsætisráðherra, á
hann að hafa framið í Eistlandi
meðan á síðari heimsstyrjöldinni
stóð, fyrst og fremst á árinu 1941.
Þegar fjallað er um þessar sakar-
giftir er nauðsynlegt að gera
grein íyrir þeim aðstæðum, sem
ríktu í Eistlandi á þessum tíma,
en þær voru um margt sérstæðar.
Eistland komst undir rússnesk
yfirráð árið 1721 og var því hluti
af Rússlandi allt til loka fyrri
heimsstyrjaldarinnar. í lok henn-
ar, árið 1918, var Eistland lýst
sjálfstætt lýðveldi og á næstu
tveimur árum tókst Eistlending-
um að verjast bolsévíkastjórninni
sem þá hafði tekið völdin í Rúss-
landi og reynt eftir það að leggja
Eistland undir sig. I friðarsamn-
ingum að lokinni fyrri heims-
styrjöldinni, sem gerðir voru
1920, viðurkenndu Sovétríkin
sjálfstæði Eistlands. í kjölfar
þessa var reynt að koma á lýðræði
að vestrænni fyrirmynd í Eist-
landi, en það tókst ekki og ríkti
mikill óstöðugleiki í stjórnarfari
þar í landi um skeið.
í samningi þeim, sem Sovétríkin
og Þýskaland gerðu í ágúst 1939,
var Eistland lýst sovéskt áhrifa-
svæði. Fór svo í júní 1940 að Sov-
étríkin hernámu Eistland og inn-
limuðu það síðan formlega sem
eitt af sovétlýðveldunum í ágúst
það ár. í kjölfarið er talið að u.þ.b.
60.000 Eistlendingar hafi verið
fluttir á brott með valdi til af-
skekktari hluta Sovétríkjanna,
einkum til Síberíu.
Eftir að stríð braust út á milli
Sovétríkjanna og Þýskalands 22.
júní 1941 hrakti þýski herinn
sovéskar hersveitir á brott úr
Eistlandi og var landið hernumið
af Þjóðverjum allt til hausts 1944
þegar Rússar lögðu það undir sig
að nýju, eftir sigur á þýska her-
námsliðinu. Á meðan á hernámi
Þjóðverja stóð voru flestir þeir
gyðingar, sem eftir voru í Eist-
landi, teknir af lífi, svo og fjöldi
annarra Eistlendinga sem talið
var að hefðu starfað með Rússum
og átt þátt í að flytja á brott and-
stæðinga kommúnista, svo sem
að framan er lýst.
Af þessu er ljóst að Eistlending-
ar voru fram að síðari heimsstyrj-
öld og meðan á henni stóð á milli
steins og sleggju, þ.e. milli Rússa
annars vegar og Þjóðverja hins
vegar. Vegna Iegu landsins voru
Rússar þó erkifjendurnir og
beindu eistneskir föðurlandsvinir
því spjótum sínum fyrst og
fremst að þeim.
3.3. Sakargiftir á hendur Eðvald
Hinrikssyni.
í bréfi Simon Wiesenthal stofn-
unarinnar til forsætisráðherra,
dags. 18. febrúar s.l., er Eðvald
Hinriksson talinn vera þekktur
nasisti og stríðsglæpamaður sem
framið hafi óhæfuverk í garð gyð-
inga og annarra borgara í Eist-
landi meðan á síðari heimsstyrj-
öldinni stóð. Nánar til tekið segir
í bréfinu að Eðvald hafi starfað
sem aðstoðarlögregluforingi í
Tallinn og sem slíkur er hann
borinn þeim sökum að hafa ekki
aðeins gefið út handtökuskipanir
á hendur gyðingum, heldur einn-
ig að hafa tekið þá sjálfur af lífi.
Honum er einnig gefið að sök að
hafa haft með höndum yfirheyrsl-
ur á vegum Gestapo í fangabúð-
um í Tartu og hafa tekið þátt í að
skipuleggja þjóðernissamtökin
Omakaitse f Vönnu. Á báðum
stöðum er honum gefið að sök að
hafa tekið með virkum hætti þátt
í ofsóknum á hendur óbreyttum
borgurum, svo og að hafa tekið þá
af lífi. í fylgiskjali með bréfinu,
dagsettu 17. febrúar s.l., er Eð-
vald sakaður um að hafa handtek-
ið og stjórnað fjöldaaftökum á
gyðingum f Tallinn. Eru nefnd
nöfn nokkurra gyðinga, sem Eð-
vald á að hafa handtekið, og full-
yrt að hann hafi sjálfur átt þátt í
að taka suma þeirra af lífi, þ.á m.
að hafa barið mann að nafni Al-
eksander Rubin til dauða í aðal-
fangelsinu í Tallinn og nauðgað
og síðan tekið af lífi stúlku að
nafni Ruth Rubin.
Þau gögn, sem Simon Wiesent-
hal stofnunin hefur sent forsætis-
ráðherra og gerð er grein fyrir í
staflið B í 1. kafla álitsgerðar
þessarar, varða annars vegar at-
hafnir Eðvalds sumarið 1941.
Hins vegar er um að ræða skjöl
sem stafa frá þeim tíma er hann
starfaði hjá öryggislögreglunni í
Tallinn haustið 1941. Á þessum
tíma höfðu almenn hegningarlög
nr. 19/1940 öðlast gildi hér á
landi, svo sem gerð er grein fyrir
í kafla 2.3 hér að framan. Miðað
við þær sakargiftir, sem taldar
eru upp hér að framan, kunna
þær að varða við ýmis ákvæði í
þeim lögum. Þau brot eru þó öll
fyrnd, að undanskildu mann-
drápi, þ.e. broti á 211. gr. lag-
anna. Sem fyrr segir höfum við
kynnt okkur þau skjöl sem varða
athafnir Eðvalds í Eistlandi á ár-
inu 1941. í þeim skjölum, sem
stafa frá því um sumarið 1941, er
að finna bréf með áritun Eðvalds
um nafngreinda menn, sem
handteknir höfðu verið af and-
spyrnuhreyfingunni, svo og yfir-
heyrslur yfir mönnum sem sakað-
ir voru um að vera kommúnistar
og stunda ólöglega starfsemi.
Skjölin bera með sér að hinum
handteknu hafi verið komið í
hendur lögreglustjórans í Tartu,
ásamt gögnum varðandi þá, en
ekkert kemur fram um það í
skjölunum hvað taka skyldi við
eftir það.
Skjöl þau með áritun Eðvalds,
sem dagsett eru í september og
október 1941, meðan Eðvald
gegndi störfum hjá öryggislög-
reglunni í Tallinn, varða hand-
tökur á nafngreindum einstak-
lingum, en einnig hafa skjölin að
geyma ákvarðanir um flutning
þeirra til aðalfangelsisins í Tall-
inn. f öllum tilvikum er þess get-
ið að einstaklingar þessir séu
grunaðir um samstarf við komm-
únista og því færðir í aðalfangels-
ið til yfirheyrslu. Umrædd skjöl
lúta að handtöku fimm nafn-
greindra einstaklinga og bera þeir
allir algeng gyðinganöfn. í einu
tilvikinu er um að ræða 14 ára
stúlku og í öðru aldraða konu, 82
ára að aldri. Orðið „juut“ er hand-
ritað á sum skjölin og þar er
einnig að finna fleiri áletranir
sem erfitt er að lesa úr.
Þá er þess ennfremur að geta að
í gögnunum úr þjóðskjalasafninu
f Tallinn er að finna lista yfir nöfn
og heimilisföng 207 einstaklinga
sem allir bera algeng gyðinga-
nöfn. Efst á listanum stendur
handskrifað (í íslenskri þýðingu
okkar): „Gyðingar sem teknir
verða af lífi fyrir 6. október 1941.“
Á listanum standa nöfn tveggja
manna, þeirra Michails Wulfs
Gelb og Salomons Siimons Katz.
Þessir menn voru handteknir og
fluttir í aðalfangelsið í Tallinn
samkvæmt þeim skjölum, sem
áður er lýst, en þau bera með sér
undirritun Eðvalds. Á listanum er
einnig að finna nafn Aleksanders
Jakobs Rubin, en gögnin bera
ekki með sér að hann hafi verið
handtekinn að fyrirmælum Eð-
valds. Hins vegar er að finna fyr-
irskipun um handtöku á Ruth Al-
eksander Rubin og ákvörðun um
að flytja hana f aðalfangelsið í
Tallinn sem ber með sér undirrit-
un Eðvalds. í handtökuskipun-
inni kemur fram að hér sé um að
ræða dóttur Aleksanders Rubin
og er hún, 14 ára að aldri, sökuð
um að hafa tekið þátt í starfsemi
kommúnista eins og fyrr segir.
Tekið skal fram að ekki hefur
farið fram eiginleg rannsókn á
Mál Eðvalds Hinrikssonar
Þriðjudagur 6. október 1992
Tíminn 7
Eðvald Hinriksson. Tfmamynd Aml BJama
undirritun á fyrrgreindum skjöl-
um né öðrum áritunum á þeim.
Ekkert bendir þó til annars en
Eðvald hafi undirritað þessi skjöl,
en með öllu er óljóst hver eða
hverjir hafi áritað skjölin að öðru
leyti. Þó er ljóst að ekki eru sömu
rithandir á áritununum, jafnvel á
sama skjali. Þess skal getið að Eð-
vald hefur ekki útilokað að hafa
sjálfur undirritað handtökuskip-
anir á þessum tíma eftir fyrir-
mælum yfirmanns í öryggislög-
reglunni, en jafnframt hefur
hann bent á að sovéska öryggis-
lögreglan, KGB, hafi látið falsa
skjöl frá þessum tíma í pólitísk-
um tilgangi.
Rétt er að víkja stuttlega að öðr-
um gögnum sem fyrir liggja í
málinu og lúta að sakargiftum á
hendur Eðvald. Hér er einkum
um að ræða vitnaleiðslur í Sví-
þjóð, sbr. staflið C í 1. kafla álits-
gerðar þessarar. Gögn þessi varpa
nokkru ljósi á málavexti og eru
þau fyrst og fremst til fyllingar og
skýringar á atburðarásinni. Hins
vegar eru þau svo óljós og ómark-
viss að þau koma varla til greina
sem bein sönnunargögn í máli
þessu, auk þess sem þau eru að
sumu leyti Eðvald í hag.
Á þeim tíma, sem hér um ræðir,
virðist það hafa verið á almennu
vitorði í Eistlandi að eistneskir
gyðingar væru teknir höndum og
þeim safnað saman í fangabúðir. I
framhaldi af því hafi þeir svo ým-
ist verið teknir af lífi eða fiuttir
nauðugir á brott frá Eistlandi.
Líklegt er að Eðvald hafi, stöðu
sinnar vegna, vitað af þessu.
Um það bil 51 ár er nú liðið frá
því að umræddir atburðir gerð-
ust. Margt er á huldu um það í
hverju starf Eðvalds f eistnesku
öryggislögreglunni var fólgið á
þeim tíma, sem hér skiptir máli,
svo og um tengsl öryggislögregl-
unnar við þýska hernámsliðið
sem í raun og veru fór með æðstu
völd í Eistlandi á þessum tíma.
Ennfremur er margt óljóst um at-
hafnir Eðvalds á þessum tíma og
þótt fyrrgreind skjöl, þ.á m.
handtökuskipanir, varpi nokkru
Ijósi á þær, er hins vegar ekkert
að finna f þeim sem gefur nægi-
lega til kynna að hann hafi átt
þátt í eða stuðlað að aftöku gyð-
inga eða öðrum voðaverkum í
þeirra garð þannig að refsivert sé
samkvæmt íslenskum lögum.
Það hefur meginþýðingu að með
vissu má ætla að ýmis mikilvæg
sönnunargögn hafi nú giatast.
Þannig má gera ráð fyrir að vitni
að atburðum, ef einhver hafa ver-
ið, séu nú flest látin og að þau
fáu, sem eftir kunna að lifa, muni
ekki með vissu það sem máli
skiptir. Svipuð sjónarmið eiga
eftir atvikum við önnur gögn, þ.á
m. rithandarsýnishorn sem nauð-
synlegt er að séu tiltæk við rann-
sókn á áritunum á skjöl í málinu.
Sérstaklega verður að hafa í huga
í þessu sambandi að líklegt er að
ýmis gögn hafi glatast sem hefðu
getað horft til sýknu í hugsan-
legri málssókn gegn Eðvald. Þess
ber og að gæta að Eðvald hefur
ávallt borið af sér allar þær alvar-
legu sakargiftir, sem hann hefur
verið borinn, en það er megin-
regla í íslenskum rétti, svo sem
að framan greinir, að sönnunar-
byrði um sekt sakbornings og at-
vik, sem telja má honum í óhag,
hvíli á ákæruvaldinu.
Að teknu tilliti til hinna sér-
stæðu aðstæðna f Eistlandi á
þeim tíma, sem máli skiptir, og
jafnframt með hliðsjón af hinni
erfiðu sönnunaraðstöðu í máli
þessu er það sameiginleg niður-
staða okkar að hvorki sé rétt né
skylt miðað við þau gögn, sem
fyrir liggja, að hefja opinbera
rannsókn vegna fyrrgreindra sak-
argifta í garð Eðvalds. Styðst
þessi niðurstaða okkar við þau
meginsjónarmið, sem rakin eru í
kafla 2.4 hér að framan, þ.e. að
ákæruvaldið skuli því aðeins
sækja mann til sakar að fyrir liggi
sönnunargögn sem séu nægileg
eða líkleg til sakfellingar, og að
ákæruvaldið hafi, auk þess, heim-
ild til þess að falla frá saksókn í
sérstökum og óvenjulegum til-
vikum. Eins og áður hefur komið
fram teljum við og tvímælalaust
að engar þjóðréttarlegar skuld-
bindingar leiði til annarrar nið-
urstöðu.
4. Niðurstöður í stuttu máli um
álitaefnin.
1. Við teljum að um þá háttsemi,
sem Eðvald Hinriksson er sakað-
ur um, gildi einkum 194. gr. og
211. gr. almennra hegningarlaga
nr. 19/1940. Nánar er vikið að
þessum ákvæðum í kafla 2.3, en
þar kemur fram að ætluð brot
samkvæmt 211. gr. laganna eru
enn ófyrnd.
2. Opinber rannsókn getur hafist
á hendur Eðvald Hinrikssyni á ís-
landi ef ásakanir á hendur honum
eru studdar nægum gögnum, en
svo teljum við ekki vera, miðað
við þau gögn sem fyrir liggja.
3. Eðvald Hinriksson er íslensk-
ur ríkisborgari. Hann verður
hvorki framseldur til Eistlands,
til Sovétríkjanna (eða þeirra ríkja
sem komu í þeirra stað) né til
ísraels, enda banna íslensk lög
slíkt framsal.
4. Eðvald Hinriksson verður ekki
sóttur til saka fyrir hugsanleg
brot á íslenskri innflytjendalög-
gjöf, enda eru öll slík brot löngu
fyrnd.
5. Við teljum að hvorki sé rétt né
skylt að hefja opinbera rannsókn í
málinu eins og það liggur nú fyrir.
Reykjavík, 30. september 1992.
Eiríkur Tómasson
Stefán M. Stefánsson
Verkamannafélagið Dagsbrún
— Allsherjaratkvæðagreiðsla
Ákveðið hefur veriö að viðhafa allsherjaratkvæðagreiðslu um kjör
fulltrúa félagsins á 37. þing Alþýðusambands Islands 23. til 27.
nóvember nk.
Tillögur stjómar um fúlltrúa liggja frammi I skrifstofu félagsins frá
og með föstudeginum 2. október 1992.
Öðrum tillögum, með nöfnum 26 aðalfulltrúa og 26 varafulltrúa,
ber að skila á skrifstofu Dagsbrúnar fyrir klukkan 16, miövikudag-
inn 7. október 1992.
Tillögum ber að fylgja meðmæli minnst 75 félagsmanna og mest
100 félagsmanna.
Kjörstjómar Dagsbrúnar
Akranes — Bæjarmál
Fundur verður haldinn I Framsóknarhúsinu laugardaginn 10. októberkl. 10.30.
Faríð verður yfir þau mál sem efst eru á baugi f bæjarstjóm. Morgunkaffi og meö-
læti á staðnum.
Bæjarfulltrúamlr
Suðurland
Kjördæmisþing framsóknarmanna á Suðuríandi verður haldiö I Leikskálum, Vik f
Mýrdal, iaugardaginn 31. október n.k. og hefst kl. 10.00 árd. Kvöldvaka um kvöldiö.
Dagskrá auglýst sfðar. Stjóm KSFS
Keflavík —
Suðurnesjamenn
Vetrarstarfið er hafið. Opið hús alla mánudaga kl. 20.30. Mætum öll. Alltaf heitt á
könnunni. Framsóknarfélögln I Keflavlk.
Viðtalstímar
borgarfulltrúa
Þriðjudaginn 6. október n.k. verða
Sigrún Magnúsdóttir borgarfulltrúi og
Alfreö Þorsteinsson varaborgarfulltrúi til
viðtals á skrifstofu Framsóknarflokks-
ins, Hafnarstræti 20, 3. hæð, frá kl.
17-19.
Stjám FFR
Reykjavík
Fulltrúaráð framsóknarfélaganna I Reykjavlk hefúr opnaö skrífstofu aö Hafnar-
stræti 20, 3. hæð. Skrifetofan er opin alla virka daga frá 13:00-17:00.
Stjóm fulltrúaráðslns.
Framsóknarfélag Selfoss
heldur almennan fund um bæjarmál miðvikudaginn 7. október að Eyrarvegi 15, kl. 20.30.
Framsögumenn verða bæjaríúlltnjam'ir Guðmundur Kr. Jónsson og Kristján Einarsson.
Fulltnjar flokksins I nefndum mæta. Stjómln
Borgarnes —
Breyttur opnunartími
Frá og meö 1. október verður opið hús I Framsóknarhúsinu að Brákarbraut 1 á
þriðjudögum frá kl. 20.30 til 21.30, en ekki á mánudagskvöldum eins og veríð hefur
undanfarín ár.
Bæjarfulltrúar flokksins munu verða til viötals á þessum tima og ennfremur eru allir,
sem vilja ræða bæjamiálin og landsmálin, velkomnir. Að sjálfsögðu verður hellt á
könnuna eftir þörfum.
Framsóknarfólag Borgamess.
Félag ungra framsóknar-
manna í Reykjavík
Aðalfundur
Aöalfundur verður haldinn miðvikudaginn 14. október n.k. kl. 20:30 að Hafnarstræti
20, 3. hæð.
Dagskrá: 1. Venjuleg aðalfundarstörf.
2. ðnnur mál. Stjóm FUF
Breyttur opnunartími skrif-
stofu Framsóknarflokksins
Frá 1. október verður skrífetofa Framsóknarflokksins I Hafnarstræti 20, III. hæö, op-
in frá kl. 9.00-17.00 mánudaga-föstudaga.
Verið velkomin. Framsóknarflokkurinn
Norðurland vestra —
Kjördæmisþing
Kjördæmisþing framsóknarmanna á Norðurfandi vestra verður haldið á Blönduósi
24. og 25. október n.k. Dagskrá auglýst slðar.
Stjóm KFNV
Kópavogur — Opið hús
Framsóknarfélögin I Kópavogi hafa opið hús á laugardögum kl. 10-12 að Digranes-
vegi 12. Lltiö inn, fáið ykkur kaffisopa og spjallið.
Framsóknarfélögln