Tíminn - 17.11.1993, Side 11

Miðvikudagur 17. nóvember 1993 I
19
„Ætla mér að vinna
Island mætir Itölum í Evrópukeppni kvenna í handknattleik
íslenska landsliðið í handknattleik kvenna maetir því ítalska í kvöld í Evrópukeppninni. Myndin er tekin í gær þegar stúlkum-
ar gófu sér stund á milli stríða á síðustu æfingunni til að stilla sér upp fyrir Ijósmyndara. Timamynd Árni Bjama
íslenska kvennalandsliðið í
handknattleik mætir ítölum í
kvöld og fér leikurinn fram í Ás-
garði í Garðabæ og hefst klukkan
20. Leikurinn er liður í undan-
keppni Bvrópukeppni landsliða
en íslenska liðið hefur leikið þtjá
leiki til þessa, unnið einn gegn
Portúgölum en tapað tvívegis
gegn Rússum hér heima ekki alls
fyrir löngu. ítalir töpuðu einnig
fyrir Rússum í tvígang en gerði
jafntefli við Portúgali. Tvær af
ofantöldiun þjóðum fara áfram í
úrslitin og því er ljóst að leikur-
inn í kvöld verður að vinnast ef
ísland á að eiga möguleika að
komast áfram.
Erla Rafnsdóttir, þjálfari ís-
Ienska landsliðsins, sagðist vera
bjartsýn fyrir þennan leik og að
hana hlakkaði til að takast á við
þetta verkefni. „Ég ætla mér að
vinna þennan leik. Það kemur
ekkert annað til greina. Vonandi
tekst það þó svo að ég ætlaði
mér að vera með fullt lið en það
varð ekki raunin. í síðastu lands-
leikjum, gegn Rússum, vantaði
tvo leikmenn, Andreu (Atladótt-
ur) og Heiðu (Erlingsdóttur).
Núna þegar þær eru komnar inn
þá fara aðrar út, Auður Her-
mannsdóttir og Laufey Sigvalda-
dóttir. Þetta er alls ekki gott þar
sem breiddin í kvennahandbolta
er ekki mikil. Húnn hefur þó
batnað mikið en munurinn í dag
og fyrir nokkrum árum er sá að
ef þessi fjarvera lykilmanna hefði
komið til fyrir nokkrum árum,
hefði skarðið orðið miklu meira
en þótt breiddin hafi aukist þá
má ekki mikið út af bregða. Það
helsta sem veikir okkur vegna
fjarveru Auðar og Laufeyjar sem
eru meiddar, er vömin, því Auð-
ur hélt vöminni uppi. Við eigum
samt alveg að klára sóknarieik-
inn þar sem Halla (Helgadóttir),
Inga Lára (Þórisdóttir) og Andrea
(Atladóttir) verða fremstar í flok-
ki. Það verður hins vegar mín
martröð í nótt ef einhver meiðist
í upphitun fyrir leikinn.'
Erla sagðist vera með ítalska
liðið á myndbandi gegn Rússun-
um og því ætti ekki margt að
koma þeim á óvart í kvöld.
„Gegn Rússunum léku ítölsku
stelpumar flata vöm en ég á allt
eins von á að þær fari með vöm-
ina framar. Þeirra aðall er tvær
sterkar skyttur og sú sem er
hægra megin er nokkuð hávax-
in. Miðað við það sem ég hef séð
af þessu liði þá eigum við að
hafa þetta. Sóknarlega eigum við
alveg að klára þetta en í vöminni
vil ég ekki fá fleiri en sautján
mörk á okkur.'
Landsliðsþjálfarinn sagði það
skipta miklu máli fyrir íslenskan
kvennahandknattleik að ná stig-
um í kvöld til að færast nær úr-
slitakeppninni og hún hvatti
áhorfendur til að mæta á leikinn
og það væri með ráðum gert að
spila leikinn í Ásgarði í Garðabæ
til að geta þjappað áhorfendum
og fá stemmningu eins og í úr-
slitakeppninni í deildinni í vor.
Erla valdi í gærkvöld 12 stúlkur
af þeim 17 sem hafa verið til
undirbúnings fyrir þennan leik
og em þær þessar: Fanney Rún-
arsdóttir, Hjördís Guðmunds-
dóttir, Inga Lára Þórisdóttir, Her-
dís Sigurbergsdóttir, Halla Helga-
dóttir, Ragnheiður Stephensen,
Andrea Atladóttir, Heiða Erlings-
dóttir, Svava Sigurðardóttir, Una
Steinsdóttir, Guðný Gunnsteins-
dóttir og Hulda Bjamadóttir. Þær
sem detta út eru: Vigdís Finns-
dóttir, Steinunn Tómasdóttir,
Harpa Melsted, Ósk Víðisdóttir
og nýliðinn íris Sigmarsdóttir.
FH sýndi
stórleik
Haukar töpuðu sínum fyrsta leik á
þessari leiktíð þegar þeir mættu
höfuðandstæðingum sínum, FH, í
32ja liða úrslitum bikarkeppninn-
ar. Lokatölur urðu 32-25 fyrir FH
eftir að FH hafði yfir í hálfleik, 14-
12, og er óhætt að segja að FH-
ingar hafi leikið sinn besta leik í
vetur.
Haukar byrjuðu betur og náðu
mest þriggja marka forystu og var
það helst óheppni FH að þakka,
en FH- ingar skutu fimm sinnum í
stangir Hauka-marksins á fyrstu
tíu mínútunum. En eftir að Berg-
sveinn fór að verja og vörnin
small saman í upphafi seinni hálf-
leiks, þar sem FH skoraði 7 mörk á
móti 1, var aldrei spurning um
hvort liðið mundi vinna. Berg-
sveinn markvörður var besti mað-
ur vallarins og það hlýtur að vera
gott að hafa eins góða vörn fyrir
framan sig og FH-vörnin var.
Knútur Sigurðsson lék einnig vel
og Atli Hilmarsson sýndi skemmti-
lega takta. Það var fyrst og fremst
sóknarleikurinn sem brást hjá
Haukum að þessu sinni og mark-
varslan kom ekki fyrir en undir
lok leiksins þegar allt var um sein-
an. Aron Kristjánsson og Siguijón
Sigurðsson stóðu sig best í Hauk-
um.
Gangur leiksins: 0-2, 3-5, 7-7, 9-
7, 11-9, 14-12— 14-13, 21-13,
23- 15, 27-19, 30-20, 32-25.
Mörk FH: Knútur S. 6/1, Guðjón
Á. 5, Atli H. 5, Hans G. 5/1, Sig-
urður Sv. 4, Gunnar B. 4, Hálfdán
Þ. 2, Óskar H. 1, Guðmundur P. 1.
Bergsveinn B. varði 18 skot og
Rósmundur M. 2.
Mörk Hauka: Halldór I. 6/1, Petr
B. 4, Aron K. 4 Siguijón S. 3, Páll
Ó. 3/2, Sturla E. 2, Þorkell M. 2,
Pétur G. 1. Bjarni Fr. varði 12/2
skot og Magnús Á. 1.
Ibröttir^
Ellefu ára og
kominn
í A-landsliáiá
íslenska borðtennislandsliðið
mætir Færeyingum í landsleik í
Laugardalshöllinni á mánudag-
inn og var liðið valið nýlega. Sá
sem mesta athygli vekur í valinu
er Guðmundur E. Stephensen,
Víkingi, en hann er aðeins 11
ára gamall. Guðmundur er þar
með orðinn yngsti A- landsliðs-
maður íslands í keppnisíþrótt-
um. Þótt Gúðmundur sé ungur
að árum þá er hann stigahæsti
íslenski borðtennismaðurinn á
þessari leiktíð, eftir þijú mót, og
varð hann stigahæstur á síðasta
keppnistímabili.
Þeir sem skipa landsliðið auk
Guðmundar eru Ingólfur Ing-
ólfsson, Kristján Jónasson, Krist-
ján Viðar Haraldsson og Aðal-
björg Björgvinsdóttir.
I KVÖllf
Handknatrieikur
Evrópukeppni landsliða
konur
ísland-ítalía Ásgarði ...kl. 20
Bikarkeppni karla 32-
lioa úrslit
ÍHb-KR ........kl. 18
ÍH-Þór Ak..........kl. 20
Ármann-KA..........kl. 20
Korfuknattleikur
Bikarkeppni karla
16-liða úrslit
Höttur-Njarðvík.kl. 20
UMFT-UBK...........kl. 20
v______________________y
Besti kosturinn hvað
varðar framhaldið
Selfoss mætir Pickszeged í Evrópukeppni bikarhafa
Selfyssingar komust einir ís-
lenskra liða áfram í Evrópukeppn-
inni á dögunum en þeir leika í
bikarhafakeppninni. í gær var svo
dregið í 8-liða úrslit og drógust
S unnlendingamir gegn ungverska
liðinu Pickszeged frá Ungverja-
landi. Einar Þorvarðarson sá bæði
kosti og galla við þennan drátt.
„Þetta er auðvitað það dýrasta sem
hægt er að fá þegar þeim hlutum
er velt fyrir sér og við förum í
lengsta ferðalagið sem völ var á.
Svona ferð til Ungveijalands kost-
ar u.þ.b. milljón krónur ef við
miðum við ferðina til Króatíu sem
er álíka löng vegalengd. Annars
veit maður ekki mikið um þetta
lið en það er hægt að gera sér í
hugarlund hver staðan sé miðað
við að þeir unnu finnska liðið
BK46, sem er eitt af betri liðunum
í Finnlandi, í síðustu umferð.
Pickszeged vann heima með sjö
mörkum en BK46 sigraði á sínum
heimvelli með tveimur mörkum.
Miðað við þetta, verð ég að segja
að þetta er einn besti kosturinn á
að komast áfram í keppninni. Við
eigum alveg möguleika, þó ég segi
það næstum því blint, en þetta er
allavega ekki Barcelona sem ég tel
vera óvinnandi vígi.'
Einar sagði að næsta skref í
tengslum við þennan Evrópuleik
væri að útvega sér spólu með
leikjum Ungverjanna fyrir 22.
janúar á næsta ári en þá fara leik-
irnir fram. Spurður um hvernig
hann vildi haga Ieikjunum sagði
Einar að hann teldi nær öruggt
mál að Selfoss spilaði í það minns-
ta annan leikinn á heimavelli. „Ég
held að þetta ungverska félag hafi
ekki mikið bolmagn til að bjóða
okkur eitthvað. Þannig að annar
eða báðir leikimir verða háðir hér
á landi,' sagði Einar Þorvarðarson.
Ormarr til
erkifjand-
anna
Ormarr Örlygsson leikur ekki í
þessum búningi á næsta ári held-
ur í Þórsbúningnum. Timamynd Pjetur
Akureyringurinn Ormarr Ör-
lygsson leikur með Þór, Akureyri
á næstkomandi tímabili. Ormarr,
sem hafði ákveðið að leggja
skóna á hilluna eftir síðasta
tímabil, lék með KA í sumar í 2.
deildinni og er því óhætt að
segja að hann sé að ganga til liðs
við erkifjenduma.
Ormarr hefur alltaf leikið með
KA, utan fárra ára er hann var
hjá Fram, og varð m.a. íslands-
meistari með þeim árið 1989.
Pólverjar hafna
óheitunum
Eins og við sögðum frá í blaðinu
í gær þá hét breska blaðið Daily
Mirror 10.000 pundum handa
hverjum og einum leikmanni
pólska landsliðsins ef þeim tæk-
ist að leggja Hollendinga að velli
í kvöld. Pólsk knattspyrnuyfir-
völd hafa hins vegar gefið út yf-
irlýsingu þess efnis að enginn
leikmaður pólska liðsins taki við
verðlaununum. Þjálfari Pólveij-
anna, Leslaw Cmikiewicz, sagði
að leikurinn í kvöld við Holland
snerist um knattspymu en ekki
fjármuni.