Réttur - 01.07.1982, Síða 59

Bandaríkjamenn byrja að rísa upp gegn
fyrirhuguðu atómstríði Reagans:
Gífurleg efling friðaraflanna
í Evrópu hefur friðarhreyfingin vaxið hröðum skrefum. Mótmælun-
um gegn kjarnorkuvígbúnaðinum rignir yfír stjórnimar, nú síðast í júní
fékk Reagan að vita af mótmælum hundruð þúsunda friðarsinna í
Evrópu, er hann sat fund í Bonn.
En einnig í Bandaríkjunum hefur vaxið upp á örskömmum tíma
voldug fjöldahreyfíng gegn kjarnorkuvopnunum og nær forusta hennar
inn á þingið, svo ótta hefur slegið á Reagan vegna þingkosninga í haust
og hann tekið að hræsna með friðarhjali um leið og hann eykur
vígbúnaðinn.
Ef til vill stendur þessi skjóta aukning
friðarhreyfingar í Bandaríkjunum í
nokkru sambandi við að nýlega urðu
opinber þau skjöl, sem skýra frá því
hvernig herstjórn Bandaríkjanna ætlaði
að ganga frá Sovétþjóðunum dauðum,
meðan Kaninn hafði enn einokun á
atómvopnunum. — En þó mun aðalund-
ir-rót friðarhreyfingarinnar vera hitt: að
þjóðinni er að verða ljóst þvílík skelfing
— tortíming — atómstríðið væri.
í þessum umræddu skjölum er upplýst
eftirfarandi um árásarfyrirætlanir banda-
rísku herstjórnarinnar strax að stríði
loknu 1945:
1945 var búin til áætlun um að tortíma
20 sovéskum stórborgum með atóm-
sprengjum.
Síðar, þegar Bandaríkin höfðu eflt
atómsprengna-forðabúr sitt var áætlunin
1948 orðin sú, — sú áætlun hét „Chari-
oteer“-áætlunin“ — að varpa 133 atóm-
sprengjum á 70 sovéskar borgir.
Ári síðar, 1949, var takmarkið með
„Dropshot“-áætluninni að beita 300
atómsprengjum og 250 þúsund smálest-
um af venjulegum sprengjum til þess að
leggja í rúst 85% af iðnaði Sovétríkj-
anna. — Og eftir „Trojan“-áætluninni
1950 átti að varpa atómsprengjum á 100
stórborgir Sovétríkjanna.
Skjöl, sem Harvard háskólinn birti
nýlega í ársfjórðungsriti sínu, sýna að
hernaðaryfirvöldin bandarísku ætluðu
eftir 1950 að gereyða Sovétríkjunum:
það átti með samtíma og samræmdrí árás
735 sprengju-flugvéla af gerðunum B-47
og B-36 að gera allt Sovétlandið að
rjúkandi geislavirkrí rúst á tveim klukku-
tímum.
187