Lesbók Morgunblaðsins - 18.03.2006, Blaðsíða 1
Laugardagur 18.3. | 2006 | 81. árgangur | 11. tölublað
[ ]Græni maðurinn | Hann er forn og rammheiðinn en tengist hugmyndum kristninnar | 3Íslendingar í Feneyjum | Íslenskir óperusöngvarar í Valkyrjum Wagners | 8Ný kvikmyndahús | Enginn bilbugur á íslenskum bíóeigendum | 12
Lesbók Morgunblaðsins
D
ögg lætur sig skipta
flest sem viðkemur
daglegu lífi og teiknar
hluti sem eru bæði
hreinir í formi og hafa
eitthvað sérstakt og
persónulegt við sig.
Jafnframt setur hún
upp nýstárlegar og frumlegar sýningar sem
jaðra við innsetningar eða gjörninga. Nýlega
voru kynnt stílhrein stálhnífapör
eftir hana hjá hinu gamalgróna
og virta franska fyrirtæki
Christofle, svo og nýr lampi hjá
Ligne Roset sem er vinsæll
framleiðandi þar í landi, en Dögg hefur þegar
hannað fyrir þau aðra lampa, vasa, gólfteppi
og matarprjóna. Í tilefni þess var Dögg tekin
tali í París og spurð nánar út í feril hennar,
framleiðsluaðferðir og viðhorf til sköpunar.
Dundaði og fiktaði sem barn
– Hvað varð til þess að þú lagðir
fyrir þig hönnun?
Mig hefur alltaf langað til að
gera eitthvað skapandi, ég var
mikið að teikna, lita og leira þeg-
ar ég var krakki. Ég þótti frekar
innhverf og alveg til 7 ára aldurs
talaði ég lítið við fullorðna utan
fjölskyldunnar. Ég dundaði mér
við að búa til hluti, taka sundur
hjól og fikta. Var eiginlega svona
strákastelpa, sem vildi gjarnan
leika mér með strákum og átti
stóran bróður sem mér fannst
mikið til koma.
– Finnst þér að hönnunar-
heimurinn í dag sé strákaheimur?
Já, ég var t.d. í Köln um daginn á stórri
sýningu og þar voru eiginlega eingöngu karl-
menn. Hönnunarheimurinn er frekar erfiður
og konur fara kannski meira út í listgreinar.
Samstarfsaðili minn hjá Ligne Roset, franska
fyrirtækinu sem ég vinn með, kvartaði yfir
því um daginn hvað lítið væri af konum í fag-
inu. Kannski gefumst við fyrr
upp, þetta er rosalega harður
heimur. Ég reyni samt að halda
mínu striki, ég veit ekki hvað
annað ég ætti að gera!
– Þú fórst í nám til Ítalíu, af
hverju?
Mig langaði til að læra
ítölsku, sem hefur alltaf heillað
mig, og að kynnast annarri
menningu. Þar er margt að ger-
ast í listum og hönnun, en ég
var samt ekki viss um hvað ég
vildi læra, svo ég byrjaði á að
taka tungumálanámskeið í Flór-
ens. Kannski fór ég út í iðn-
hönnun vegna þess að það er
svo opið fag og getur leitt til
margs. Ég hefði þess vegna verið til í að læra
skúlptúr t.d. Maður getur blandað saman list
og hönnun, ég hef oft verið á mörkunum þar
á milli. Sumir segja að ég sé of listræn, en
aðrir að það sem ég geri sé list með of mikl-
um hönnunarblæ.
– Eins og innsetningin Fuglinn sem flaug
og skildi tímann eftir einan sem þú vannst
með Fanneyju Antonsdóttur. Hvernig varð
sú hugmynd til?
Við unnum hana fyrir sýningu sem hét
„Livsrum“ og var haldin í Kunstindustri-
museet í Kaupmannahöfn 2001. Þetta er ár-
leg sýning sem er yfirleitt hugsuð fyrir hús-
gagnahönnuði, en í þetta sinn var hún frekar
opin og hvatt til þess að hönnuðir og lista-
menn ynnu saman. Við Fanney – sem hefur
lært keramik, er fatahönnuður og teiknar –
vorum saman á vinnustofu og skemmtum
okkur við að þróa þessa hugmynd. Það stóð
bara til að þetta færi einu sinni upp, en inn-
setningin endaði með að fara til Bandaríkj-
anna, Frakklands, Svíþjóðar, Noregs og Ís-
lands og birtist á mörgum sjónvarpsstöðvum
í Evrópu, Japan og víðar.
Fiskilamparnir vinsælu
– Þið haldið áfram að vinna saman og fram-
leiðið einstaka fiskilampa, er ekki talsverð
vinna að tæma og undirbúa fiskana?
Jú, svo sannarlega, við erum næstum orðn-
ar leiðar á þessu! Við höfum íhugað að fá ein-
hvern með okkur ef framleiðslan heldur
áfram, þetta er svo tímafrekt og borgar
Með fingurna í efninu
Dögg Guðmundsdóttir iðnhönnuður er búsett
í Danmörku og starfar víða um heim, undir
nafninu Dögg Design.
Eftir Ásdísi
Ólafsdóttur
asdis@club-
internet.fr
4
Púpur: Af sýningunni En Saga Blot? Nordatlantens Brygge, Kaupmannahöfn, 2004.
Dögg Guðmundsdóttir