Lesbók Morgunblaðsins - 20.05.2006, Blaðsíða 7

Lesbók Morgunblaðsins ˜ 20. maí 2006 | 7
komdu í gegnum mig
gegnum dýnuna undir okkur
gólfið
komdu í gegnum gólfið
gegnum loftið
gegnum hæðina fyrir neðan
gegnum gólfið og loftið
gegnum kjallarann gegnum gólfið
gegnum jarðlögin
jarðlag eftir jarðlag
gegnum moldina gegnum grjótið
gröfnu líkin
og komdu aftur
uppum jarðlögin grjótið moldina gröfnu líkin
gólfin hæðirnar loftin dýnuna
og þú kemur í gegnum mig aftanfrá
plastfætur glenntir til austurs og vesturs
þrái marbletti ör þrái
og þá er þó ekkert til einskis kona
í fínflauelskjól hræki og veit
vil þungan málm þjáist
bráðna saman við steinsteypu
steingráa gluggalausa hlið
austurbæjarskóla iðnskóla
verkfræðivit framhaldslíf
vil sólgula rót undir svörtu hári
sem feykist festist og klístrast
líkgrænan háls magran
og langan leðurfrakka sem flaksast í roki
þrái þá er eitthvað eftir stúlka
í andvara liðast skollitt hár húðin ung myrði og veit
húðin ung en inní því eitthvað slímugt og bólgnar
þrýstir og kvelur þjáist og veit
þrái að spýta slími sem lifir
einsog eitthvað sem enginn hefur séð
eitthvað sem enginn veit en hefur
eitthvað sem allir hata að hafa eitthvað sem enginn skilur
og allir hata að leka og drjúpa
raða litlum borðum um hægindastóla
um mjúkt hold vafið um ekkert
lakkspreyjað ljónshöfuð undir því grisjur um ekkert
öll röðum við litlum borðum um hægindastóla ekkert
svartar fléttur engar fjaðrir svartir hanskar
skór leður mintugrænt vatt um búkinn; snjógalli
sú svarta lá á bakinu
níðstöng með höfði jésúss krists við höfðalagið
presturinn togaði í rennilásinn skurðaðgerð svartir dílar
komdu á mig annars sker ég þennan háls í sundur
hann er ungur þessi háls komdu annars sker ég
það verður þér að kenna ég sker
komdu annars sker ég og sker gat
í andrúmsloftið opna rifu í loftið
hann sker allt þessi hnífur
förum gegnum rifuna komdu með mér gegnum gatið
komdu í gatið
sjaldgæfur vökvi í lítilli krukku í innanávasa og glóir
við hjarta þitt þú ert engu líkt
bjarg mér frá þessu ekkert kom hvað sem þú ert
ólögulegt óskiljanlegt sem nálgast yfir flötinn
margarma kona verður blátt fílshöfuð
verður stytta af maríu mey verður ekkert
karlmaður grætur í felum
felustaðurinn kista úr viði sem flæðir
ofaní henni sag úr biblíusögu
mótmæli skynsemi hæðni lífsvisku
mótmæla á innsoginu afturábak heima hjá sér
mótmæli:
ber eld að boru
útglenntri sóðalegri jaskaðri merkingarlausri
og bíð eftir eldi og bíð
satan grætur tjöru
heilagur api leitar lúsa
í hári mínu fíngerðu ljósu finnur ekkert
komdu án þín er ég ekkert
komdu á mig slími inní mig
hjá mér inní mig framhjá mér
því án þess er ég ekkert nema þurr hola
gapandi svört merkingarlaus hola
verslunin var björt einsog dauðinn
ég skein einsog kúpa í moldu og keypti mér rúllur
rúllur með hári með kjöti með bómul og leggjum af dúkku
keypti salt til að meiða holdið mitt unga
alþakið örum ég þrái,
það er svolítils virði,
meiri sársauka í mín sár
sá mann sem var strengdur á pramma
holdmjúkur snjáður
munnurinn galopinn kvikur
og blaffraði sænskur fáni við stöng
tilli með örmjóum æðum og sinum
lítill og harður dúaði á mjólk minna brjósta
mótmæli:
mótmæla borðum og stólum
mótmæla grátandi
stinga hönd í slím
tala afturábak á innsogi
mótmæla tei teppum ilmböðum
hata spúa eitri inní springa mótmæla
litlar litríkar spennur á borði
litlar litríkar spennur og dúa um hægindastóla ekkert
í þessum heimi sæki lítið kjötstykki í glerborð
ber það heim
og steiki og treð
öll troðum við
ekkert þurfum við en troðum og býsnumst
þráum og viljum
og það er svolítils virði
Kynlíf og dauði
Höfundur er ljóðskáld og hefur sent frá sér eina bók, Kjötbæinn (2004).
Eftir Kristínu Eiríksdóttur