Morgunblaðið - 23.01.2006, Page 40

„ÞETTA er heilmikið
tækifæri og mjög
spennandi,“ segir
Guðni A. Emilsson,
hljómsveitarstjórnandi,
en hann var nýlega ráð-
inn aðalstjórnandi ný-
stofnaðrar atvinnu-
sinfóníuhljómsveitar í
Bangkok í Taílandi og
er ráðningin til fimm
ára. Það var Bhumibol
Adulyadej, konungur
Taílands, sem stofnaði
sveitina, en starfsemi
hennar hófst í haust.
Hljómsveitin er bæði
rekin af taílenska ríkinu og Mahido-tónlistarhá-
skólanum í Bangkok. „Þrátt fyrir að íbúar Taí-
lands séu um 70 milljón talsins er þar ekki mikið
um atvinnuhljómsveitir. Það er hins vegar heil-
mikill vöxtur í taílensku tónlistarlífi,“ segir Guðni
og nefnir sem dæmi að nýbúið sé að reisa tónleika-
hús fyrir sinfóníuhljómsveitina við háskólann.
Spurður um aðdraganda ráðningarinnar segir
Guðni að í fyrra hafi hann farið í tónleikaferð til
Asíu með Kammersveit Tübingen, en Tübingen er
heimabær Guðna sem hefur verið búsettur í
Þýskalandi í um 20 ár. Sveitin lék meðal annars í
Bangkok, en þangað hafði Guðni áður komið til
tónleikahalds árið 2000. „Þar komst ég í kynni við
Mahido-háskólann og þá sem reka sinfóníu-
hljómsveitina,“ segir Guðni um tónleikaferðina í
fyrra.
Gróska í asísku tónlistarlífi
„Eftir þessa heimsókn buðu þeir mér að und-
irbúa taílenska kammersveit fyrir alþjóðlega
kammertónlistarkeppni sem haldin var í Int-
erlagen í Sviss. Ég fór með sveitina þangað og við
unnum fyrstu verðlaun,“ segir hann. Ýmsir taí-
lenskir áhrifamenn hafi verið með í förinni til
Sviss, þar á meðal aðstoðarforsætisráðherra
landsins og yfirmaður taílensku Kauphallarinnar.
„Taílensk sveit hafði aldrei áður unnið til slíkra
verðlauna. Taílendingar voru mjög ánægðir með
samstarfið og buðu mér þessa stöðu skömmu síð-
ar,“ segir Guðni sem kveðst strax hafa þekkst
boðið, enda spennandi staða. „Þetta opnar á ýmis
sambönd í Asíu en þar er mikil gróska í tónlistar-
lífinu,“ segir hann.
Mikil ferðalög næstu árin
Næstu árin verða mjög annasöm hjá Guðna.
Taílenska sinfóníuhljómsveitin heldur um 20 tón-
leika á ári og þarf Guðni því að ferðast til Bangkok
um 12 sinnum á hverju ári til þess að stjórna æf-
ingum sveitarinnar. Þá stjórnar Guðni kamm-
erhljómsveit í Prag og hefur stjórnað tveimur
sveitum í Þýskalandi og hyggst halda áfram að
vinna með annarri þeirra.
Hann kveðst hafa unnið að því að undanförnu
að fá þekkta einleikara til þess að koma fram á
tónleikum sveitarinnar. Meðal þeirra sem muni
koma fram með henni séu klarínettuleikarinn
Dimitri Ashkenazy og sellóleikarinn Misha
Maisky.
Eftir Elvu Björk Sverrisdóttur
elva@mbl.is
Mikið tæki-
færi og mjög
spennandi
Guðni A. Emilsson
Guðni A. Emilsson aðalstjórnandi
sinfóníuhljómsveitar í Taílandi
TILLÖGUDRÖG vegna mats á umhverfis-
áhrifum fyrirhugaðs álvers Norðuráls í
Helguvík voru kynnt í gær. Drögin verða til
kynningar á vef verkfræðifyrirtækisins HRV
til 5. febrúar næstkomandi og er þetta fyrsta
skrefið í gerð mats á umhverfisáhrifum fyrir
álverið. Gert er ráð fyrir að umhverfismats-
ferlinu ljúki eftir um eitt ár.
Stefnt er að því að byggja álver með
250.000 tonna framleiðslugetu á ári. Væntan-
lega verður álverið byggt í að minnsta kosti
tveimur áföngum. Ragnar Guðmundsson,
framkvæmdastjóri fjármála- og stjórnunar-
sviðs Norðuráls, sagði ætlun fyrirtækisins að
láta uppbygginguna falla sem best að hags-
munum þjóðfélagsins og hagkerfisins þannig
að framkvæmdirnar ykju ekki á þenslu.
„Undanfarið hafa verið stór verkefni í
gangi samfara öðrum þáttum, sem hafa haft
mikil áhrif líkt og breytingar á húsnæðislána-
kerfinu,“ sagði Ragnar. „Við viljum finna
þessum framkvæmdum skynsamlegan farveg
þannig að þær verði í sátt
við atvinnulífið og aðra
starfsemi í landinu. Að þær
komi ekki niður á mögu-
leikum annarra til vaxtar.“
Samkvæmt drögunum
er rætt um að fram-
kvæmdir við álver í Helgu-
vík geti hafist árið 2008 og
að fyrsti áfangi þess verði
gangsettur árið 2010.
Ragnar segir að fyrst þurfi
að hefja virkjanaframkvæmdir, áður en bygg-
ing álversins hefst. Virkjanaframkvæmdirnar
séu ráðandi þáttur, bæði hvað varðar bygg-
ingu álversins og stærðir áfanga þess.
Þynningarsvæði utan byggðar
Því gætu framkvæmdir við álverið dregist
fram á árið 2009. Hitaveita Suðurnesja hefur
þegar sótt um rannsóknarleyfi vegna orkuöfl-
unar og einnig hefur Norðurál átt í viðræðum
við Landsvirkjun um hugsanleg orkukaup
vegna álversins. Í tillögudrögunum er gerð
grein fyrir tveimur mögulegum staðsetning-
um álvers í Helguvík. Annars vegar þannig að
tveir samsíða 1.000 m langir kerskálar snúi
sem næst hornrétt á strandlengjuna og álver-
ið verði allt innan marka Reykjanesbæjar.
Hins vegar að skálarnir liggi eins og strand-
lengjan og nái inn fyrir sveitarmörk Garðs og
inn á varnarsvæðið.
Ragnar segir að þessir möguleikar verði
báðir skoðaðir við gerð umhverfismatsins.
„Sveitarfélagið Garður hefur tekið mjög vel í
þessar hugmyndir, en ef til kæmi þyrfti að
breyta skilgreiningu á varnarsvæðinu á þess-
um stað og fá leyfi fyrir breyttri nýtingu á
því,“ sagði Ragnar.
Veðurmælingar frá Keflavíkurflugvelli
verða m.a. notaðar til að spá um dreifingu út-
blásturs frá álverinu. Að sögn Ragnars gefa
fyrstu athuganir til kynna að þynningarsvæði
250.000 t álvers nái ekki inn í byggð, sama
hvor staðsetningin yrði fyrir valinu. Miðað er
við að besta fáanleg tækni verði notuð við
hreinsun útblásturs frá álverinu.
Áætlun um mat á umhverfisáhrifum álvers í Helguvík kynnt
Bygging álversins verði
ekki til að auka á þenslu
TENGLAR
.........................................................
www.hrv.is
Ragnar
Guðmundsson
Eftir Guðna Einarsson
gudni@mbl.is
ÁSKRIFT-AFGREIÐSLA 569 1122 MÁNUDAGUR 23. JANÚAR 2006 VERÐ Í LAUSASÖLU 220 KR. MEÐ VSK.
DÆLUR
FYRIR SJÁVARÚTVEGINN
Sími 568 6625
VETUR konungur minnti á sig víða
um land í gær og hafði veðrið meðal
annars áhrif á samgöngur.
Rúta frá Norðurleið á suðurleið
fór út af á Öxnadalsheiðinni um
klukkan þrjú í gær. Rútan var á leið
upp Bakkaselsbrekku þegar vind-
hviða feykti henni út af. Bíllinn var á
lítilli ferð og sakaði engan. Annar
bíll var sendur eftir farþegunum
sem héldu för sinni til Reykjavíkur
áfram og ekki sér á rútunni.
Togarinn Sólbakur EA-7 lagði að
bryggju á Akureyri um miðjan dag í
gær, með um fimmtíu tonn af þorski
eftir veiðar norðan við landið. Skipið
átti ekki að koma í land fyrr en í
morgun, en vegna brælu var tekin
ákvörðun um að fara fyrr í land.
Íbúar í Grímsey fóru ekki var-
hluta af látunum í veðrinu. Hvítt löð-
ur var langt út í sjó, yfir hafnargarð-
inn og suður eftir eynni, eins og sjá
má á myndinni. Veðrið olli ekki
skemmdum en flug lá niðri og fáir
voru á ferli enda var sjórok yfir.Morgunblaðið/Helga Mattína
Vonsku-
veður víða
FRAMUNDAN eru miklar
byggingaframkvæmdir á
reitnum milli Þverholts og Ein-
holts á Rauðarárholti í Reykja-
vík. Þar er gert ráð fyrir allt að
240 nýjum íbúðum, en sam-
kvæmt deiliskipulagstillögu,
sem nú er til kynningar hjá
borgarskipulagi, er heimilað að
rífa húsin, sem fyrir eru á þess-
um reit og byggja ný í staðinn.
Líklegt er samt, að einhverj-
ar byggingar verði látnar
standa áfram og þá byggt ofan
á þær og þeim breytt að öðru
leyti. Markmiðið með tillög-
unni er að ná fram betri nýt-
ingu á lóðum á reitnum, en
gera má ráð fyrir, að á reitnum
megi byggja um 40.000 m² af
nýju húsnæði. Keflavíkurverk-
takar eiga stærstan hluta af
þessum reit eða um 7.000 m² og
þeir hyggjast láta rífa allar
byggingar, sem þar standa og
byggja nýtt í staðinn.
Allt að 240
nýjar íbúðir á
Rauðarárholti
 Fasteignablaðið
ALLSHERJARHREINGERNING var gerð á
húsnæði Fellaskóla í Breiðholti um helgina eftir að
músagangs varð vart í skólanum og var unnið að
því að finna og loka fyrir allar leiðir músa inn í skól-
ann. Þetta kemur fram í frétt á vefsíðu skólans.
Í gærkvöld gerði umhverfissvið borgarinnar út-
tekt á ástandinu í skólanum og voru niðurstöður
hennar jákvæðar. Kennsla verður því með hefð-
bundnum hætti í dag. Umhverfissvið hafði áður
sent skólanum bréf þess efnis að ekki mætti hefja
kennslu fyrr en lausn væri fundin á vandanum.
Tekið á músa-
gangi í Fellaskóla
♦♦♦
INNFLUTNINGUR danskra
mjólkurkúa yrði skoðaður ræki-
lega, ef einhver sækti um slíkan
innflutning, að sögn Halldórs
Runólfssonar yfirdýralæknis.
„Menn verða að sækja um það til
landbúnaðarráðuneytisins sem
biður yfirdýralækni um umsögn.
Að fenginni þeirri umsögn tæki
ráðuneytið síðan ákvörðun.“
Halldór sagði að innflutningur
fósturvísa úr norskum kúm hefði
ekki strandað á sínum tíma vegna
sjúkdóma eða sóttvarna. „Við vor-
um búin að stilla upp kröfum okk-
ar um sýnatökur úr foreldrunum.
Norðmenn fóru eftir því í einu og
öllu og gættu fyllsta öryggis. Það
voru ekki sjúkdómavandamál sem
stoppuðu norsku fósturvísana.“
Sjúkdómahætta þyrfti ekki að
vera meiri þótt fluttir væru inn
fósturvísar af dönskum kúa-
ættum, að mati Halldórs. Þó væri
ekki hægt að svara því nema með
því að skoða nákvæmlega tiltekin
dæmi. „Í sjálfu sér er tæknin við
að flytja inn fósturvísa örugg. Ef
farið er eftir öllum settum reglum
um hvernig þeir eru búnir til og
við stillum upp okkar kröfum um
heilbrigði foreldranna þá á að
vera hægt að gera þetta þannig
að sjúkdómsáhætta verði ásætt-
anleg.“
Þegar rætt var um að flytja inn
norska fósturvísa var gert ráð
fyrir að kálfarnir fæddust í
sóttkví þar sem fylgst yrði með
heilbrigði þeirra.
Innflutningur danskra
kúa yrði skoðaður