Morgunblaðið - 14.05.2006, Page 45

Morris segir að í bókinni megi sjá
fjögur þemu. Eitt kallar hann
„zombía“ eða uppvakninga, annað
kennir hann við „x-files“, þar eru
undarlegir menn í svörtum fötum á
skrýtnum stöðum, þriðji þátturinn
eru tískustraumar meðal repúblik-
ana og lokahlutann kennir hann við
persónulega pop-list, þar eru fánar,
kökur og þessháttar.
„Mér finnst þessar myndir vera
mjög evrópskar í stíl. Ég sá þennan
andblæ einmitt í auglýsingum í flug-
stöðinni hér í morgun; ég vil hafa
myndirnar formhreinar og enga
truflun. Mér leiðast myndir teknar
með mjög víðum linsum. Mörgum
finnst að þessar myndir séu ferskar í
Bandaríkjunum í dag, þar er fólk
ekki vant svona sjónarhornum.“
Sífellt fleiri ljósmyndarar kvarta
undan dvínandi áhuga prentmiðla á
gæðaefni – veruleika lífsins.
„Það er erfiðara að fá efni birt í
hefðbundnu miðlunum. En snemma
á níunda áratugnum var líka erfitt að
fá myndir birtar, líka seint á síðasta
áratug; ég held þetta hafi alltaf verið
erfitt fag.“
Fólk þarf myndir
Vii-ljósmyndahópurinn var stofn-
aður með pompi og prakt fyrir
nokkrum árum, með hástemmdum
yfirlýsingum meðlimanna um að þeir
ætluðu að koma á framfæri sönnum
ljósmyndafrásögnum, sem sýndu
fólki heiminn, með húmanískt sjón-
arhorn að leiðarljósi.
„Það gengur mjög vel. Við erum
að gera frábæra hluti, miðað við
ástandið í bransanum. Á síðustu ár-
um hafa allar hefðbundnu ljósmynd-
araskrifstofurnar horfið: Gamma,
Sipa, Sygma, Black Star – þetta er
allt horfið. En á móti kemur að í dag
er miklu auðveldara að dreifa efni
eftir stafrænum leiðum, áður þurfti
alltaf að senda myndir í bögglum út
um allan heim. Frétta- og heimilda-
ljósmyndun stendur ungum ljós-
myndurum galopin, ef þeir bara
skilja eðli og kröfur fagsins og geta
komist inn á ný svið. Ef þú ert með
góða sögu í myndum, þá kemurðu
henni á framfæri. Aðalspurningin er
bara um innihaldið – hvað hefurðu að
bjóða? En ungur ljósmyndari þarf
líklega að koma með nýjan stíl, nýja
sýn á efnið. Það þýðir ekki að gera
samskonar sögur og menn hafa verið
að gera á síðustu árum. Ritstjórar og
myndstjórar eru leiðir á slíku efni,
þeir hafa oft verið lengi í faginu og
finnst þeir hafa séð þetta allt áður –
sem getur líka verið vandamál.
En ég er bjartsýnn á framtíð ljós-
myndunar – fólk þarf myndir!“
Morgunblaðið/Einar Falur
„Ég vissi ekki hvernig ég gæti myndað sama manninn 30 daga í röð.“
Christopher Morris hefur fylgst með störfum Bush forseta í fimm ár.
MORGUNBLAÐIÐ SUNNUDAGUR 14. MAÍ 2006 45
MENNING
Áþriðja tug myndlistar-manna taka þátt í sýn-ingu sem fram fer átveimur stöðum í Reykja-
vík; í Nýlistasafninu og Galleríi
100° í húsi Orkuveitu Reykjavíkur,
og opnar í dag. Það má með sanni
segja að hér sé um að ræða fjöl-
þjóðlega sýningu, því sex lista-
mannanna eru íslenskir, en hinir
koma frá öllum heimshornum; frá
Perú, Bandaríkjunum, Hollandi,
Kóreu, Ungverjalandi, Bólivíu, Jap-
an, Þýskalandi, Bretlandi, Taílandi,
Argentínu, Bosníu og Ísrael.
Yfirskrift sýningarinnar er
„Gæðingarnir“, en undirtitill heit-
isins er á því alþjóðlega máli ensku,
og er „In order of appearance“.
Að sögn sýningarstjórans, hinnar
argentínsku Amaliu Pica, eru lista-
mennirnir allir af sömu kynslóðinni,
um þrítugt að meðaltali. „Venjulega
eru alþjóðlegar sýningar af þessu
tagi haldnar með ráðsettari lista-
mönnum, en það sem er skemmti-
legt og ef til vill óvenjulegt við
þessa sýningu er að fólki gefst
þarna kostur á að sjá verk lista-
manna sem eru ungir og gengur
mjög vel í því sem þeir eru að
gera,“ segir hún.
Á Listahátíð í fyrra
Allir erlendu listamennirnir eru
tengdir Rijks-akademíunni í Hol-
landi á einn eða annan hátt og
komu hingað til lands á Listahátíð í
fyrra fyrir tilstilli Sigurðar Guð-
mundssonar myndlistarmanns. Í
kjölfarið kom upp sú hugmynd að
halda sýningu, og bjóða nokkrum
íslenskum listamönnum að vera
með. „Ég sá um að velja þá inn, en
sumir komu af sjálfu sér, má segja,
því þeir höfðu myndað tengsl við
einhverja úr hópnum í fyrra. Þetta
var því eins konar samvinnu-
verkefni,“ segir Pica, sem sjálf er
einn sýnenda og segist fremur vera
í hlutverki skipuleggjanda en
hreinræktaðs sýningarstjóra.
Hún segir ekkert sérstakt þema
á sýningunni; hér sé heldur um að
ræða yfirlitssýningu á verkum
ólíkra listamanna frá ólíkum lönd-
um. Undirtitillinn, „In order of
appearence“, vísi til kreditlista í lok
bíómynda og skírskoti til þess að
hlutirnir gerist bara eins og þeir
gerist, í stað þess að hægt sé að
flokka þá á einn eða annan hátt.
Brugðist við íslenskum
aðstæðum
Þar sem listamennirnir koma frá
svo mörgum ólíkum löndum, segir
Pica það óhjákvæmilegt að hug-
myndir um menningarleg samskipti
komi upp og menn velti fyrir sér
hvort sömu hlutir gangi upp á sama
hátt á ólíkum stöðum, hvort skír-
skotanir skili sér eða séu bundnar
því samhengi sem þær spretta úr
og þar frameftir götum. „Sumir
listamannanna hafa líka ákveðið að
bregðast við íslenskum aðstæðum
og upplifun sinni af dvölinni hér,“
segir hún, en gott dæmi um það er
ef til vill verk Tim Braden, sem er
máluð snjóflóðagirðing á Vest-
urlandsvegi og eina verkið sem
stendur utan sýningarstaðanna
tveggja, við Laugaveg og í Orku-
veituhúsinu.
Pica segir ennfremur að þó verk-
in séu afar ólík innbyrðis, beri þau
ekki endilega sérstakan keim af því
landi sem viðkomandi listamaður á
ættir að rekja til. „Það sem þau
eiga sameiginlegt er að líta má á
þau öll sem samtímalist, jafnvel
þótt þau séu ólík,“ segir hún. „En
fólk er yfirleitt mjög sjálfstætt í
vinnubrögðum og forðast að reyna
að vera fulltrúi síns lands.“
Flugvélastærð
Hún segir það einkenni á verk-
unum að flest þeirra séu af stærð-
argráðu sem hægt var að taka með
sér í flugvél, enda hafi flest verkin
verið gerð áður en hingað til lands
kom og flust hingað í farangri
myndlistarmannanna sjálfra. „Eða
þá voru þau gerð með það að mark-
miði að hægt væri að framkvæma
þau hérlendis á skjótvirkan og við-
ráðanlegan hátt,“ segir Pica.
Og hverju mega gestir þá eiga
von á? „Ferskri list, fyrst og
fremst.“
Myndlist | Ungir listamenn frá fjórtán löndum sýna í
Nýlistasafninu, Galleríi 100° og á Vesturlandsvegi
Fersk list í fyrirrúmi
Eftir Ingu Maríu Leifsdóttur
ingamaria@mbl.is
Sýningin stendur til 10. júní.
Morgunblaðið/Brynjar Gauti
Verk Tims Bradens, sem stendur við Vesturlandsveg.
TENGLAR
..............................................
www.viiphoto.com
Aflið sem þig vantar
Kletthálsi 13 // s. 587 6644 // www.gisli.is
Norsku Steady bátarnir hafa slegið í gegn
hjá okkur. Verð frá aðeins 114.000 kr.
Johnson-Evinrude utanborðsmótorar.
Nýja 3-D leiktækið sem er í raun þrjár sæþotur í einni,
RXP 215 hö ofurtækið og GTX Limited sem er lúxus-sæþota
fyrir þrjá, allt mögnuð tæki!
Sea-doo sæþotur.
Frá 2,5 - 250 hestöfl. Mótorar fyrir allar gerðir báta. Verð frá 74.900 kr.
Umboðsmaður á Akureyri:
Bílasalinn.is // Hjalteyrargötu 2
Bombardier fjórhjól.
Öflugustu fjórhjólin á markaðnum eru BRP Outlander 800 4x4.
Eins eða tveggja manna með spili og öllu sem prýtt getur yfirburða fjórhjól.