Lesbók Morgunblaðsins - 27.01.2007, Blaðsíða 5

MORGUNBLAÐIÐ LAUGARDAGUR 27. JANÚAR 2007 5
því hafa haft mjög skýran ramma fyrir fram-
an sig. Sail to the Moon var hins vegar
„djömmuð“ saman eins og hann orðar það.
„Áður fyrr var þetta svo mikið hljóðvers-
dútl,“ segir Birgir. „Við vorum að setja sam-
an lögin í marga mánuði, sum lögin kannski
unnin í fjórgang. En við erum auðvitað orðnir
miklu reynslumeiri núna, í upphafi var maður
að þreifa sig dálítið áfram.“
Kjartan segir ástæðu þess að þeir ákváðu
að bæta „lifandi“ trommara í bandið í stað
þess að halda sig við trommuheila liggja í
lögunum sem þeir voru farnir að semja. Þau
beinlínis öskruðu á það.
„Við vorum farnir að semja lögin á gítar og
píanó, þetta var orðið allt öðruvísi vinnsluferli
en þegar við vorum að taka upp þessar raf-
tónlistarplötur.“
Endurfæðing
Þeir félagar eiga ekki von á því að það komi
ný plata á þessu ári
„Okkur langar að kynna þessar tvær síð-
ustu plötur vel á næstu misserum en maður
kemst auðvitað ekki undan því að semja
áfram tónlist,“ segir Birgir. „Ég efast ekki
um að við verðum komnir með vísi að nýrri
plötu í enda þessa árs, en við ætlum ekkert
að flýta okkur við þetta.“
Kjartan segir tvær síðustu plötur ákveðið
par. Bæði nálægt í tíma og nálægt hvor ann-
arri hugmyndalega. Þannig rötuðu nokkur
lög sem áttu að vera á af My Delusions yfir á
Sail to the Moon.
„En mig langar til að gera eitthvað allt
annað næst,“ segir hann. „Þó að ég viti ekki
hvað það verður. Það er búið að vera rosaleg
fart á okkur undanfarið og maður er svona
að hugsa sig um.“
Blaðamaður veltir því fyrir sér ef einhver
mógúll stykki á þessar tvær plötur og vildi
gefa út hvort það myndi ekki setja óhjá-
kvæmilega pressu á sveitina að gera þriðju
plötuna í svipuðum stíl.
„Ef maður er að fást við sköpun er ekki
hægt að setja sér einhvern ramma,“ svarar
Kjartan. „Það má ekki og er hrikalega haml-
andi. Það myndi ekki ganga upp. Ampop hef-
ur t.d. alltaf gert popp í grunninn, án þess að
við höfum verið að velta því eitthvað sér-
staklega fyrir okkur. Það hefur aldrei verið
neitt stórkostlegt plan í gangi.“
Birgir segir að platan nýja hafi opnað mik-
ið fyrir sveitina. Og honum finnst skrítið
hvernig sveitin hefur verið að ná eyrum al-
mennra útvarpshlustenda. Þeir hafi t.a.m.
fengið boð um að spila á böllum, eitthvað sem
þeir vita ekki alveg hvernig eigi að bregðast
við.
„Þegar maður fer í svona ferðir finnur
maður nánast fyrir svona pressu eins og
handboltaliðið,“ segir Kjartan og hlær. „Mað-
ur verður að standa sig. Undarleg tilfinning
því að tónlist á þannig séð ekki að þurfa ein-
hvers konar utanaðkomandi samþykki.“
Birgir segir að lokum að þó að hann og
Kjartan séu búnir að vera að gera tónlist
saman síðan 1998 þá hafi ýmislegt breyst á
einu og hálfu ári, Ampop hafi að einhverju
leyti endurfæðst.
„Þannig að þessar nýliðatilnefningar eiga
alveg rétt á sér þannig séð,“ segir hann og
kímir. „Við erum í ákveðnum skilningi mjög
„ferskir“ akkúrat núna.“
Morgunblaðið/ÞÖK
Morgunblaðið/Eggert
Svipmyndir frá ferlinum Ampop hefur notið mikillar velgengni og nýjasta platan,
Sail to the Moon, orðið til þess að sveitin hefur náð eyrum almennra útvarpshlust-
endar meir en áður. Hún hefur til dæmis fengið boð um að spila á böllum en meðlim-
irnir þrír segjast ekki vita hvernig þeir eigi að bregðast við því.