Lesbók Morgunblaðsins - 18.08.2007, Blaðsíða 15

MORGUNBLAÐIÐ LAUGARDAGUR 18. ÁGÚST 2007 15
Morgunblaðið/Ásdís
Vilhjálmur „Mér finnst lög Vilhjálms einhvern veginn svo klassísk, þá á ég við að þau eru
tímalaus og því endast þau um aldur og ævi,“ segir Viljálmur.
Hlustarinn
Ein af mínum uppáhaldsplötum er Sökn-uður eftir Vilhjálm Vilhjálmsson. Þetta
uppáhald mitt hefur ekkert með nafnið á
listamanninum að gera þó vissulega sé það
ákveðinn bónus. Vilhjálmur var mikill tón-
listamaður en þegar hann var ekki að semja
eða spila opinberlega flaug hann um loftin
blá en atvinnuflug var hans meginatvinna
með söngnum. Mér finnst lög Vilhjálms ein-
hvern veginn svo klassísk, þá á ég við að þau
eru tímalaus og því endast þau um aldur og
ævi. Á plötunni Söknuður er lagið Lítill
drengur en það er í miklu uppáhaldi hjá mér
og ég þori að fullyrða að flestir ef ekki allir
pabbar á mínum aldri og jafnvel töluvert
yngri en ég hafi raulað þetta lag þegar litli
snáðinn manns skreið upp í til að kúra í koti
hálsa.
Vilhjálmur Þ. Vilhjálmsson,
borgarstjóri í Reykjavík.
Lesarinn
Eins og við er að búast tengist flest þaðsem ég les vinnunni minni á einn eða
annan hátt. Þar af leiðandi lúra ófáar hálf-
lesnar bækurnar á borðum og hillum, allt í
kring.
Ein er sú bók sem sannarlega er vert að minn-
ast á en það er nýjasta skáldsaga bandaríska
rithöfundarins Dave Eggers, What is the
What – The Autobiography of Valentino Ac-
hak Deng. Þar er fjallað um borgarastríðið í
Súdan og göngu drengsins Valentino og
hundruða annarra drengja undan stríði yfir í
flóttamannabúðir í Eþíópíu og Kenýu – þar
sem hann hafðist við í 13 ár – að komu og dvöl
Valentinos í Bandaríkjunum. Bókin er byggð á
samtölum við raunverulegan Valentino Achak
Deng. Valentino skrifar formála að bókinni
þar sem hann segir að allt það sem bókin segi
frá hafi gerst eða gæti hafa gerst. Mögnuð bók
og vel skrifuð, með fallegum hreinum tóni.
Bókin kemur út hjá Bjarti í haust í þýðingu
Rúnars Helga Vignissonar.
Bækur úr allt annarri átt læðast til mín.
Dæmi: Á flugvelli í útlandinu í sumar end-
urnýjaði ég kynni mín af eilífðardrengnum
Valla. Nældi mér í tvær bækur um strákinn,
eina þar sem Valli er staddur í Hollívúdd og
aðra þar sem hann er í Fantasíulandi. Eins og
að skríða inni í hellisskúta eftir eril dagsins að
sökkva sér í Vallabók, því fátt kemst að annað
þegar fingurinn skimar eftir ekta-Valla innan
um alla fals-Vallana.
Þorgerður Agla Magnúsdóttir,
starfsmaður hjá Bjarti bókaforlagi.
Morgunblaðið/G.Rúnar
Þorgerður Agla Hún segir vert að benda áhugasömum á nýja skáldsögu bandaríska rithöf-
undarins Dave Eggers, What is the What – The Autobiography of Valentino Achak Deng.
Í æsku fór það orð af mér
að ódæll væri ég og þver,
og enginn bar mér annað neitt
en álas nepjukalt og beitt.
Ég átti vísan villustig
því satt var eflaust sagt um mig.
Svo gerðist það einn góðan dag
að lífið allt fékk annan brag.
Ég heyrði glöggt í gegn um þil
að gott var talað mér í vil.
Ég lagðist annars ekki á hler
en upp á tærnar lyfti mér
og heyrði, sem ég sveif á brott:
„Ég sagt get um hann fleira gott.“
Hve himinsæll minn hugur var
að heyra það sem rætt var þar.
Í felustað ég felldi tár
með sól og vind um vanga og hár.
Í hljóði vann mitt hugarþel
það heit, fyrst mér var lýst svo vel,
að gefinn skyldi gaumur nýr
að góðum strák sem í mér býr.
Mild orð um hug og hjartalag
með hlýju breyttu nótt í dag.
Jon Magnus Bruheim
Helgi Hálfdánarson þýddi.
Morgunblaðið/Jim Smart
Lítill strákur
Höfundur er norskt ljóðskáld.