Morgunblaðið - 23.01.2007, Qupperneq 6

6 ÞRIÐJUDAGUR 23. JANÚAR 2007 MORGUNBLAÐIÐ
FRÉTTIR
A
B
CD
E
FG OPQRSTU
ABC-kort
Þú sækir um ABC-kortið
hjá Netbankanum á www.nb.is
Hjálpaðu bágstöddum börnum og njóttu afsláttar í leiðinni
Með ABC-kortinu færðu 10% afslátt í verslunum
Hans Petersen um land allt og 1% af upphæðinni
rennur beint til ABC-barnahjálpar.
EIN nýjasta tillagan um uppbygg-
ingu í grónum borgarhverfum, sem
er til meðferðar hjá skipulagsyfir-
völdum í borginni, eru drög að
deiliskipulagi lóðar á Keilugranda
1 og byggingu fjölbýlishúsa. Þar
stendur fyrir skemma SÍF sem
gert er ráð fyrir að verði rifin.
Skipulagsráð samþykkti 20. desem-
ber sl. að kynna framlagða tillögu
að deiliskipulagi fyrir hagsmuna-
aðilum á svæðinu áður en tillagan
verður auglýst formlega. Frestur
íbúa á svæðinu til að gera athuga-
semdir og koma á framfæri ábend-
ingum rann út í gær. Kristinn
Ragnarsson arkitekt vann tillöguna
að deiliskipulagi lóðarinnar við
Keilugranda 1. Sýnir hún sam-
byggð hús umhverfis rétthyrndan
inngarð þar sem fjórlyft hús
mynda þrjár hliðar rétthyrningsins
en sú hlið sem snýr að Eiðsgranda
er 7, 9, 10 og 12 hæða auk kjallara
sem nær 1,5 m upp fyrir jarðveg.
Nýtingarhlutfall ofanjarðar er 2,15.
Gert er ráð fyrir tvílyftri bíla-
geymslu neðanjarðar, þar sem öll
bílastæði fyrir lóðina eru leyst,
enda ekki gert ráð fyrir bílastæð-
um ofanjarðar. Aðkoma að lóðinni
er frá Eiðsgranda og fer umferð að
lóðinni því ekki í gegnum íbúða-
hverfið. Við Keilugranda, nyrst á
lóðinni, er gert ráð fyrir sjö til tólf
hæða byggingum en til suðurs er
gert ráð fyrir fjögurra hæða bygg-
ingum. Samkvæmt upplýsingum
sem fengust á skipulags- og bygg-
ingarsviði Reykjavíkurborgar í
gær má gera ráð fyrir að hámarks-
fjöldi íbúða sé um 150. Tillagan er
ekki komin í formlega auglýsingu
enn. Hún hefur aðeins verið í svo-
nefndri hagsmunaaðilakynningu.
Til að hægt sé að fjölga íbúðum
þetta mikið á svæðinu þarf að
breyta aðalskipulagi. Vesturbæjar-
blaðið greinir frá því að nágrannar
þessa mögulega stórhýsis á Keilu-
granda gagnrýni tillöguna í bréfi
og telji hana m.a. valda miklu
skuggavarpi, stórskertu útsýni og
sjónmengun og vara þeir í athuga-
semdum sem blaðið vitnar til við
áhrifum stóraukins umferðar-
þunga.
Skammt frá Keilugrandalóðinni
er svonefndur Lýsisreitur en þar
er í undirbúningi mikil uppbygg-
ing. Lóðin, sem markast af
Grandavegi, Eiðsgranda, Hring-
braut og Framnesvegi, verður
stækkuð til norðurs og henni skipt
upp í tvær lóðir, fjölbýlishúsalóð
með um það bil 100 íbúðum og lóð
undir hjúkrunarheimili fyrir allt að
90 vistmenn. Fjölbýlishúsið verður
níu hæðir skv. deiliskipulagstillögu
sem auglýst var seint á seinasta
ári.
Ekki langt frá Lýsislóðinni og
austan Hringbrautar er svonefndur
BYKO-reitur. Þar er einnig áætluð
mikil uppbygging. Tillaga að deili-
skipulaginu var auglýst sl. sumar
og borgarráð samþykkti svo í kjöl-
far athugasemda í seinasta mánuði
deiliskipulag reitsins. Hann af-
markast af Hringbraut, Ánanaust-
um, Sólvallagötu og Framnesvegi.
Á BYKO-lóðinni verður leyfilegt að
byggja íbúðabyggð með inngarði,
allt að 50 íbúðir, og að flest bíla-
stæði verði í bílageymslum neð-
anjarðar. Aðkoma bíla og aðalað-
koma að íbúðunum verður frá
Sólvallagötu. Gert er ráð fyrir
óbreyttu eða lítið breyttu skipulagi
meðfram Framnesvegi og sam-
felldri húsalengju meðfram Hring-
braut og Ánanaustum sem hækkar
svo upp í átt að Sólvallagötu. Eins
og fram hefur komið í Morgun-
blaðinu er hugmyndin sú að móta
byggð sem fellur að byggðamynstri
svæðisins, en skv. stefnumörkun
aðalskipulags Reykjavíkur 2001 til
2024 er gert ráð fyrir þéttingu
íbúðabyggðar á þessu svæði. Skv.
lauslegri áætlun megi gera ráð fyr-
ir að íbúðum fjölgi um 90.
Nokkru austar er svo Mýrar-
götusvæðið og hinn umræddi
Slippa- og Ellingsensreitur. Deili-
skipulag Ellingsensreits var sem
kunnugt er fellt úr gildi á seinasta
ári og unnin ný tillaga sem afmark-
ast af nýrri Mýrargötu til suðurs,
Grandagarði til vesturs, hafnar-
bakka til norðurs og Tryggvagötu
til austurs. Gert er ráð fyrir að ný-
byggingar verði almennt fjórar
hæðir með eða án kjallara. Þó er
tillaga um hærri hús vestast á
reitnum á lóðunum Grandagarði 2
(Ellingsen) og Mýrargötu 26, en
þau geta orðið allt að sjö hæðir auk
bílageymslna í kjallara. Ekki er
gert ráð fyrir íbúðabyggingum á
byggingarreitum meðfram sjó og
ekki verður heimilt að koma fyrir
íbúðum á efri hæðum bygginga á
hafnarsvæðum. Gerð var ítarleg
grein fyrir þessum uppbyggingará-
formum í Morgunblaðinu fyrr í vet-
ur þar sem m.a. kom fram að á
reitnum er gert ráð fyrir allt að
319 almennum íbúðum, vistvænu
atvinnuhúsnæði á hafnarbakka,
sjóminjasafni, smábátahöfn o.fl.
Frestur til að skila athugasemdum
við tillöguna rann út 20. desember
sl.
Fjölmargar tillögur eru til með-
ferðar innan borgarskipulagsins,
mislangt á veg komnar, um breyt-
ingar á deiliskipulagi svæða og
þéttingu byggðar. Þannig var m.a.
deiliskipulag á lóðinni nr. 23 við
Klettagarða í kynningu til 6. des-
ember. Þar hafa verið uppi áætl-
anir um uppbyggingu blandaðrar
skrifstofu-, þjónustu- og íbúða-
byggðar við Köllunarklettsveg og
Héðinsgötu. Tillagan gerir ráð fyr-
ir sex 10 til 14 hæða háum skrif-
stofu- og þjónustubyggingum á
svæðinu.
Einnig má geta um hina um-
deildu uppbyggingu á Höfðatorgs-
reit, sem markast af Borgartúni,
Skúlatúni, Höfðatúni og Skúlagötu.
Athugasemdafrestur vegna málsins
rann út í nóvember. Tillagan gerir
ráð fyrir að heimilt verði að byggja
allt að 300 íbúðir, þrjú háhýsi á
lóðinni, eitt allt að 19 hæða, annað
allt að 16 hæða og það þriðja allt
að 14 hæða. Á öðrum bygging-
arreitum er gert ráð fyrir sjö til
níu hæðum.
Meðal annarra viðamikilla
áforma um framkvæmdir er tillaga
sem einnig var sett í kynningu í
haust um niðurrif byggingarinnar í
Ármúla 1 og að þar verði reist átta
til níu hæða bygging með bíla-
geymslu á fjórum hæðum neðan-
jarðar. Þá er ónefnd sú mikla upp-
bygging íbúðabyggðar sem hrundið
var úr vör í tíð fyrri borgarstjórn-
armeirihluta á svæðinu í kringum
Hlemm sem gengið hefur undir
nafninu Hlemmur plús.
Uppbygging í grónum hverfum
Deiliskipulagstillaga Stefnt er að þéttingu byggðar víða í borginni og hafa hugmyndir verið kynntar að undan-
förnu um byggingu fjölbýlishúsa fyrir allt að 150 íbúðir við Keilugranda 1. Byggingarnar verða allt að 12 hæða.
Í HNOTSKURN
»Deiliskipulagstillaga lóðará Keilugranda 1 gerir ráð
fyrir að þar verði reist sam-
byggð fjölbýlishús.
»Tillaga á svonefndumSlippa- og Ellingsensreit
gerir ráð fyrir allt að 319 íbúð-
um.
»Borgaryfirvöld beina sjón-um að uppbyggingu á
Sléttuvegi, þar verði reistar
allt að 300 íbúðir, einkum fyrir
eldri borgara.
Áætlanir eru um þéttingu byggðar víða í borginni og hafa fjölmargar tillögur um niðurrif eldri húsa og uppbyggingu nýrra verið lagðar
fram til kynningar á umliðnu ári. Ein nýjasta tillagan að breyttu deiliskipulagi gerir ráð fyrir byggingu stórs fjölbýlishúss á Keilugranda 1.
Íbúðabyggð Gert er ráð fyrir íbúðabyggð á Slippa- og Ellingsensreit.
Morgunblaðið/RAX
HUGMYNDIR eru uppi um að
kenna nýja kirkju í Grafarholti
við konu. Kirkjan á að vera tilbú-
in í október 2008 þegar söfnuður-
inn á fimm ára afmæli. Engin
kirkja hér á landi er kennd við ís-
lenska konu en kirkja kaþólskra í
Breiðholti heitir Maríukirkja.
Séra Sigríður Guðmarsdóttir,
sóknarprestur í Grafarholti, hef-
ur lýst þeirri skoðun sinni að
kirkjan eigi að heita Guðríð-
arkirkja í Grafarholti, að því er
fram kemur á heimasíðu Graf-
arholtssóknar. Er það til heiðurs
Guðríði Þorbjarnardóttur sem
kölluð var biskupamóðir og var
víðförlust allra Íslendinga mið-
alda. Sem kunnugt er voru götur
og skólar í Grafarholti nefnd í
minningu þúsund ára afmælis
landafundanna og kristnitök-
unnar. Því hafa hugmyndir um að
tengja nafn kirkjunnar upphafi
kristni á Íslandi verið ofarlega á
baugi. Þá hafa komið upp hug-
myndir um að kalla kirkjuna Mar-
íukirkju eða Þrenningarkirkju,
eins hafa verið nefnd nöfnin
Holtakirkja og Auðarkirkja, í
minningu Auðar djúpúðgu sem
reisti kirkju og breiddi út kristni.
Heitið Grafarholtskirkja þykir of
líkt nafni Grafarvogskirkju og
óttast ýmsir að það gæti valdið
ruglingi.
Fjórir byggingar- og hönnunar-
aðilar hafa verið valdir til þess að
taka þátt í lokuðu alútboði um
byggingu kirkju í Grafarholti.
Haldinn var kynningarfundur 15.
janúar sl. þar sem byggingar- og
hönnunaraðilar komu saman með
byggingarnefnd og formanni
sóknarnefndar. Tillögum að
kirkju á að skila 28. febrúar nk.
og tekur þá dómnefnd til starfa.
Hana skipa séra Sigríður Guð-
marsdóttir sóknarprestur og er
hún formaður nefndarinnar, Þor-
valdur Karl Helgason biskupsrit-
ari, Ómar Einarsson, fulltrúi
safnaðar, Lilja Grétarsdóttir arki-
tekt og Ingimundur Sveinsson
arkitekt. Niðurstöður dómnefnd-
ar eiga að liggja fyrir í lok mars
næstkomandi.
Hugmynd um að kenna
kirkjuna við Guðríði
Áformað er að kenna nýja kirkju í Grafarholti við konu
en engin kirkja hér á landi er kennd við íslenska konu