Morgunblaðið - 15.03.2007, Síða 6
6 FIMMTUDAGUR 15. MARS 2007 MORGUNBLAÐIÐ
viðskipti/athafnalíf
Eftir Bjarna Ólafsson
bjarni@mbl.is
FRÁ ÞVÍ að fyrsta Blackberry-
tækið kom á markaðinn hefur það
náð gríðarlegum vinsældum. Þegar
virt dagblöð og tímarit eru farin að
fjalla um „Blackberry-fráhvarfs-
einkenni“ er óhætt að ætla að við-
komandi tæki hafi hitt í mark. Millj-
ónir manna, einkum í hópi
athafnafólks, hefur tileinkað sér
Blackberry-tæknina og er svo komið
að margir geta einfaldlega ekki
hugsað sér að láta tækið frá sér.
Fyrir þá sem ekki þekkja er
Blackberry eins konar blanda af far-
síma og handtölvu, en á tækinu er
svonefnt „qwerty“ lyklaborð og get-
ur notandi tekið við og sent tölvu-
pósta hvar sem hann er staddur.
Tækið hefur því auðveldað fólki að
vera áfram í sambandi við vinnuna
þótt það sé fjarri skrifstofunni.
Upphaflega Blackberry-tækið er
hins vegar aðeins komið til ára sinna
og hafa notendur beðið arftaka þess
óþreyjufullir, en nýja tækið, Black-
berry 8800, mun koma á markað hér
á landi öðruhvorumegin við mán-
aðamótin apríl/maí, samkvæmt upp-
lýsingum frá Símanum og Vodafone.
Skrunhjólið horfið
Nýja tækið er öllu þynnra og með-
færilegra en það eldra og hafa verið
gerðar á því nokkrar breytingar. Til
dæmis hefur skrunhjólið þurft að
víkja fyrir kúlu líkt og þeirri sem er
á Blackberry Pearl-tækinu. Um-
sagnaraðilar erlendis hafa sagt að
það hafi tekið þá nokkurn tíma að
venjast nýju kúlunni, en að aðlög-
unartímanum loknum hafi þeir verið
mjög ánægðir. Hins vegar hafa
hnapparnir á lyklaborði tækisins
farið í taugarnar á einhverjum um-
sagnaraðilanna og sagðist blaðamað-
ur Wall Street Journal ekki enn get-
að vanist þeim.
Það er óhjákvæmilegt að ný út-
gáfa af jafnvinsælu tæki og Black-
berry er, fái misjafnar viðtökur.
Miðað við þær sögur sem gengið
hafa af tilfinningalegum böndum
notenda við Blackberry-tækin, er í
raun furða að þeir muni yfir höfuð
geta látið þau frá sér og skipt út fyr-
ir nýjar útgáfur.
Meðal þess sem allir umsagnarað-
ilar eru sammála um má nefna nýja
rafhlöðu og betri skjá. Rafhlaðan á
8800 tækinu er mun þróaðri en á
eldri gerðum og er líftími hennar
mun lengri. Skjárinn hefur almennt
hlotið lof umsagnaraðila og sagði
einn þeirra að um væri að ræða
besta handtölvuskjá til þessa.
Nýtt Blackberry á leið til landsins
Fjarskipti Athafnafólki sem er á ferð og flugi þykir þægilegt að hafa
Blackberry síma við höndina og geta notað hann sem einkatölvu.
Nýja útgáfan Eintak af Blackberry
8800 símanum sem senn kemur á
markað hér á landi.
Eldri útgáfan Blackberry Pearl er
meðal þeirra tækja sem hafa verið í
notkun víða um heim.
NORSKI kaupsýslumaðurinn
Christen Ager-Hansen, sem er
helsti eigandi hins gjaldþrota lág-
fargjaldaflugfélags Fly Me, er
sagður hafa ýmislegt óhreint mjöl í
pokahorninu í frétt í sænska síð-
degisblaðinu Aftonbladet. Er sagt
að ferill hans sé skreyttur ýmsum
vafasömum viðskiptum.
Eins og fram hefur komið í Morg-
unblaðinu keypti félag sem Ager-
Hansen á stærstan hlut í, rúmlega
20% hlut Fons eignarhaldsfélags í
eigu þeirra Pálma Haraldssonar og
Jóhannesar Kristinssonar í FlyMe
síðastliðið haust fyrir um 40 millj-
ónir sænskra króna.
Í frétt Aftonbladet segir að Ager-
Hansen skuldi persónulega um 574
milljónir króna en áður hefur kom-
ið fram að hann hefur verið úr-
skurðaður gjaldþrota.
Ekur um á blæjubíl og Bentley
Að sögn Aftonbladet býr Ager-
Hansen í stórglæsilegu einbýlishúsi
í einu dýrasta hverfi Gautaborgar
og ekur hann auk þess um á BMW
blæjubíl og Bentley Continental eð-
alvagni, en allt er það skráð á fyr-
irtæki hans.
Þegar tæknibólan stóð sem hæst
taldist Ager-Hansen til ríkustu
manna Noregs en fyrirtæki hans
var verðmetið á 140–190 milljarða
króna. Fyrirtækið reyndist hins
vegar vera loftkastali og hefur
Ager-Hansen haft á sér óorð allar
götur síðan. Sænskir fjölmiðlar
hafa um þessar mundir m.a. gaman
af því að rifja upp þegar hann reisti
bryggju fyrir utan Lillesand í Nor-
egi, þvert gegn vilja nágranna
sinna. Þeir komu síðan með vél-
sagir og söguðu bryggjuna niður.
Ager-Hansen fékk 100 þúsund
norskra króna sekt og skömm í
hattinn fyrir bryggjubygginguna.
Samkvæmt sænskum fjölmiðlum
eru Ager-Hansen og félagar hans
farnir í felur.
Ager-Hansen skuldar
574 milljónir króna
Lending Flugvél Fly Me í aðflugi. Norski athafnamaðurinn Christen Ager-Hansen virðist hafa brotlent félaginu.
SÆNSKIR fjölmiðlar fjalla mikið
um gjaldþrot lágfargjaldaflugfélags-
ins Fly Me um þessar mundir.
Óvenju mikið segja sumir en af um-
fjöllun þeirra má lesa að ekki hafi
allt verið með felldu í rekstri fyr-
irtækisins undir það síðasta.
Jafnframt er mikið fjallað um
framtíð þess, þ.e. hvort einhver vilji
kaupa reksturinn í heild sinni eða
hvort fyrirtækið verði bútað niður
og rekstrinum síðan hætt. Meðal
þeirra sem oftast eru nefndir í þessu
samhengi eru athafnamaðurinn
Pálmi Haraldsson og viðskiptafélag-
ar hans en eins og fram hefur komið
fjárfesti Pálmi í fyrirtækinu á sínum
tíma og ætlaði því stóra hluti. Einn
helstu keppinauta Fly Me er danska
lágfargjaldaflugfélagið Sterling sem
einmitt er í eigu Northern Travel
Holding, þar sem Pálmi er stjórn-
arformaður. Hann er jafnframt
stjórnarformaður Sterling.
Greint er frá því í Dagens Nyhe-
ter að Sterling hafi gert tilboð í við-
skiptamannaskrá Fly Me og haft
eftir Pálma að félagið sjálft væri
verðlaust. Það eigi engar flugvélar
og í raun sé ekkert í félagið að
sækja nema skuldir. Upphæð til-
boðsins vildi hann ekki gefa upp við
DN en í samtali við Morgunblaðið í
gær sagði Pálmi að tilboðið hefði
verið dregið tilbaka. „Skiptastjórinn
svaraði okkur ekki innan tilskilins
tíma og við höfum nóg annað að
gera en að bíða eftir svari frá hon-
um,“ segir Pálmi.
Aðspurður hvort hann muni gera
annað tilboð, eða kaupa það sem
boðið var í, gefist til þess tækifæri
segir Pálmi að hann skoði alltaf alla
möguleika.
Margir hafa undrast hversu
skjótt stjórnendur Sterling brugð-
ust við gjaldþroti Fly Me en strax
sama morgun og gjaldþrotið varð
opinbert bauð Sterling farþegum
Fly Me góð kjör á flugi en ella hefðu
farþegar þessir orðið strandaglópar.
Í frétt Morgunblaðsins laugardag-
inn 3. mars segir Pálmi að fyrirtæk-
in hafi skömmu áður átt í viðræðum
um yfirtöku Sterling á flugvéla-
leigusamningum Fly Me en hætt
hafi verið við vegna þess hversu
slæm staða Fly Me var. Af því má
ráða að fyrirtækið hafi verið undir
gjaldþrotið búið og því geta brugðið
snarlega við.
Tilboðið rann út
Morgunblaðið/Sverrir
Bara skuldir Pálmi Haraldsson
segir Fly Me ekki áhugavert.
Sterling gerði tilboð í
viðskiptamannaskrá Fly Me