Morgunblaðið - 27.10.2007, Blaðsíða 18

18 LAUGARDAGUR 27. OKTÓBER 2007 MORGUNBLAÐIÐ
ERLENT
Skógarhlíð 18 • sími 595 1000 • www.heimsferdir.is
Kanaríveisla
4. des.
frá kr. 51.990
Munið Mastercard
ferðaávísunina
M
bl
9
28
33
7
Nú bjóðum við síðustu sætin í sólina á Kanaríeyjum 20. nóvember
í 14 nætur eða 4. desember í 15 nætur á frábæru sértilboði. Gríptu
tækifærið og njóttu lífsins á þessum vinsæla áfangastað. Góð og
frábærlega staðsett gisting í boði á einstökum kjörum. Góðar
stúdíóíbúðir á Parquemar eða frábæru Perque Sol smáhýsin á
besta stað á ensku ströndinni.
Verð kr. 59.990
Netverð á mann, m.v. 2-4 í smáhýsi á
Parque Sol, 20. nóv. í 14 nætur
eða 4. des. í 15 nætur.
Verð kr. 51.990
Netverð á mann, m.v. 2 í stúdíó á
Parquemar, 20. nóv. í 14 nætur
eða 4. des. í 15 nætur.
Góð gisting - Frábær staðsetning
MARGT bendir til, að Neander-
talsmenn hafi verið rauðhærðir,
að minnsta kosti sumir þeirra. Má
lesa það út úr DNA eða erfðaefni,
sem vísindamönnum tókst að
finna í líkamsleifum tveggja
þeirra.
Það er ákveðin stökkbreyting í
erfðavísi, sem gefur fólki nú á
tímum rauða lokka, og þessi
stökkbreyting hefur líka fundist í
erfðavísum Neandertalsmannanna
tveggja að því er fram kemur í
grein í vísindatímaritinu Science
eftir Carles Lalueza-Fox og fleiri.
Elstu minjar um Neandertals-
menn eru um 400.000 ára gamlar
en þær yngstu, sem fundust á
Gíbraltar, eru 24 til 28.000 ára.
Einu sinni var talið, að þeir væru
forfeður nútímamannsins en nú
eru þeir sagðir hafa verið sérstök
grein, sem lenti inni á þróunar-
fræðilegri blindgötu og dó út.
Hugsanlegt er, að nútímamað-
urinn, sem kom til Evrópu fyrir
40.000 árum, hafi átt þátt í því.
Gátu Neandertalsmennirnir
státað af rauðu lokkaflóði?
Reuters
Rauðhaus Skyldari Neandertals-
manninum en talið hefur verið?
GOS er nú í tveimur eldfjöllum í Indónesíu og búist er
við, að það þriðja fari að gjósa á hverri stundu. Eld-
fjöllin, sem nú gjósa, eru Soputan-fjall á eyjunni Sula-
wesi, virkasta eldfjall í Indónesíu, og Anak Krakatau,
Krakatábarnið, það, sem eftir varð þegar Krakatá
sprakk í miklu gosi 1883 og varð um 36.000 manns að
bana. Í hvorugu fjallinu var um mikið gos að ræða en
hætta var talin á, að það gæti breyst á skömmum tíma.
Indónesískir jarðvísindamenn bjuggust við því, að gos
gæti hafist fyrirvaralítið í Kelut-fjalli á Jövu, stærstu
eyjunni, en um 130.000 manns í 10 km radíus frá fjallinu
hafa verið flutt burt. Er fjallsgígurinn fullur af vatni, sem hefur hitnað
mikið og hitnar enn. Þá hefur skjálftavirkni einnig verið að aukast dag frá
degi. Síðast gaus í Kelut-fjalli árið 1990 en þá steyptist öskuflóð niður hlíð-
ar fjallsins og það og eitraðar gufur urðu 34 mönnum að bana. Þrátt fyrir
þessa reynslu gengur oft illa að fá fólk til að yfirgefa heimili sín og koma
sér á öruggari stað.
Tvö eldfjöll í Indónesíu gjósa
og það þriðja í startholunum
Eldgosið í Soputan-
fjalli á Sulawesi.
Eftir Kristján Jónsson
kjon@mbl.is
BETRI veðurskilyrði, kólnandi veð-
ur og minni vindur gerðu slökkviliðs-
mönnum í sunnanverðri Kaliforníu
kleift í gær að halda aftur af eða
slökkva marga skógarelda. Enn eru
þó um 20.000 hús á hættusvæðum.
Þúsundir manna, sem héldu til á
íþróttaleikvangi í San Diego, fengu
að fara heim til sín í gær en fyrir
marga var aðkoman þó ömurleg,
heimilið brunnið til ösku.
„Ef vindurinn verður áfram skap-
legur mun allt verða í lagi,“ sagði
Mike Rohde, yfirmaður hóps
slökkviliðsmanna sem berjast við
mikinn eld er herjar enn í Santiago í
Orange-sýslu. En ef veðrið breyttist
til hins verra yrði að gera ráð fyrir
öllu, sagði hann í samtali við The Los
Angeles Times. Vitað er með vissu
að sjö manns hafa látið lífið af völd-
um hamfaranna og um 1.800 hús
brunnið til ösku. Áhersla er nú lögð á
að aðstoða þá sem eiga um sárt að
binda en jafnframt er reynt að graf-
ast fyrir um orsakir eldanna. Vegna
mikilla þurrka þarf víða aðeins
neista til að kveikja í runnum og trjá-
gróðri. Oft er um að ræða mannleg
mistök eða slys af völdum rafmagns-
kapla sem hafa fallið til jarðar, einn-
ig geta eldingar valdið slíkum ham-
förum. Vísbendingar eru um að fallin
rafmagnslína hafa valdið eldi sem
varð laus við Malibu, norðan við Los
Angeles og hugsanlega tveim öðrum
eldum.
Talið er samt fullvíst að margir
eldanna séu verk brennuvarga. Er
lögregla í Orange-sýslu þegar byrj-
uð að yfirheyra fólk á staðnum til að
reyna að klófesta brennuvarg sem
talið er að hafi valdið miklum eldi
norðan við stað er nefnist Mission
Viejo. Charles P. Ewing, réttarsál-
fræðingur og lagaprófessor í New
York, segir brennuvarga fylgjast vel
með skógareldum. Þeir fái sumir
„kynferðislega ánægju“ út úr því að
kveikja eld. Aðrir séu hins vegar að
reyna að vekja á sér athygli og geti
jafnvel tekið þátt í því síðar að reyna
að slökkva eldana sem þeir hafi sjálf-
ir kveikt.
AP
Eldinum að bráð George W. Bush Bandaríkjaforseti og Arnold Schwarzenegger, ríkisstjóri Kaliforníu, skoða
rústir húss sem brunnið hefur til ösku í Rancho Bernardo í San Diego-sýslu, syðst í sambandsríkinu.
Minna rok auðveldar
baráttuna við eldana
BÖRNUM og öldruðu fólki í Peking
í Kína var ráðlagt að halda sig innan
dyra í gær vegna mikillar meng-
unarmóðu. Gerðist það daginn eftir
að formaður Alþjóðaólympíunefnd-
arinnar sagði, að hætta væri á, að
mengun hefði mjög truflandi áhrif á
Ólympíuleikana í borginni á næsta
ári.
„Hafið grisju fyrir vitum ef þið
þurfið að fara út úr húsi,“ sagði
Xinhua-fréttastofan og hafði eftir yf-
irmanni veðurstofunnar í Peking.
Sagði hann, að annars væri hætta á
sjúkdómum í öndunarfærum.
Mikil þoka eins og var í Peking í
gær og mikil mengun geta verið
banvæn blanda en skyggni í borg-
inni var innan við 50 metra. Lagðist
allt flug niður og umferðin gekk
hægt en í Peking eru um þrjár millj-
ónir bíla og fjölgar um 1.200 á dag.
Jacques Rogge, formaður Alþjóða-
ólympíunefndarinnar, sagði á um-
hverfisráðstefnu í Peking í fyrradag,
að hætta væri á, að mengunin gæti
riðlað mjög keppnisskrá Ólympíu-
leikanna á næsta ári, einkum þeim
greinum, sem krefðust úthalds, t.d.
sumum hlaupagreinum.
200% umfram staðla
Í nýrri skýrslu frá Sameinuðu
þjóðunum um mengun í Kína og í
Peking er stjórnvöldum hrósað fyrir
það, sem þau eru að gera, en ekki er
talið líklegt, að það breyti miklu fyr-
ir leikana á næsta ári. Sem dæmi er
nefnt, að mengunaragnir í lofti, sem
geta valdið lungnasjúkdómum, eru
oft 200% umfram staðla WHO, Al-
þjóðaheilbrigðisstofnunarinnar.
Reuters
Bílamartröð Í Peking eru þrjár milljónir bíla og fjölgar um 1.200 á dag. Að
sama skapi eykst mengunin frá þeim og alls konar iðjuverum.
Mengunin ógnar
Ólympíuleikunum
ÁSTÆÐA er til að óttast, að margar
tegundir apa, nánustu ættingja
manna í dýraríkinu, verði aldauða á
næstu árum og
áratugum. Er það
vegna þess, að
þeir eru miskunn-
arlaust drepnir til
matar eða sem
hráefni í lyf og
einnig vegna
þess, að búsvæði
þeirra eru upp-
rætt og eyðilögð.
Kemur þetta
fram í skýrslu frá
umhverfissamtökunum Conserva-
tion International um 25 apategund-
ir í útrýmingarhættu. Þar segir, að
apakjöt sé mjög eftirsótt í Mið- og
Vestur-Afríku en í Suðaustur-Asíu
sé sóst eftir því vegna þeirrar gömlu
trúar og bábilju að það hafi lækn-
ingamátt.
Í annarri skýrslu frá Sameinuðu
þjóðunum um loftslagsbreytingar
segir, að hætta sé á, að 30% af öllum
skráðum tegundum plantna og dýra
deyi út. Sagt er, að á hverjum
klukkutíma deyi út þrjár tegundir og
allt að 50.000 tegundir á ári hverju.
Nú þegar hafi orðið verulegar breyt-
ingar í 10-12% af vistkerfum á jörð-
inni og það muni líka hafa alvarlegar
afleiðingar fyrir mannfólkið.
Erum við
að útrýma
öpunum?
Hvers skyldu þeir
eiga að gjalda?