Morgunblaðið - 07.01.2008, Qupperneq 12

12 MÁNUDAGUR 7. JANÚAR 2008 MORGUNBLAÐIÐ
ERLENT
NICOLAS Sarkozy, forseti Frakk-
lands, og fransk-ítalska fyrirsætan og
söngkonan Carla Bruni ætla að gifta
sig 8. eða 9. febrúar, að sögn fransks
dagblaðs í gær. Þau komu fyrst fram
saman opinberlega fyrir um mánuði
og eru nú á ferðalagi um Miðaustur-
lönd. Hefur valdið nokkru uppnámi í
löndum múslíma að þau hafa deilt
svefnherbergi og Sarkozy var gagn-
rýndur í Egyptalandi fyrir að storka
þannig siðferðisreglum í landinu. Þar
er mikil andúð á samlífi ógifts fólks.
Sarkozy fer í opinbera heimsókn til
Indlands síðar í mánuðinum og þar í
landi reyna embættismenn nú sem
ákafast að finna lausn sem ekki valdi
hugarangri hjá siðavöndum Indverj-
um.
Haft var eftir móður Bruni á Ítalíu
að forsetinn hefði beðið um hönd dótt-
urinnar. Blaðið Journal du Dimanche
hefur eftir ónafngreindum heimildar-
mönnum, að Sarkozy hafi þegar gefið
Bruni demantstrúlofunarhring og
fengið frá henni armbandsúr, smíðað
af svissneska úrsmiðnum Patek Phil-
ippe. Skoðanakannanir í Frakklandi
sýna, að Frökkum stendur ekki á
sama um einkalíf forsetans. Hefur
stuðningur við hann minnkað um sjö
af hundraði á nokkrum mánuðum.
Svarendur vísa bæði til versnandi
efnahagsástands í Frakklandi og
ástamála forsetans.
Þau Sarkozy, sem er tvískilinn, og
Bruni hittust fyrst í veislu í nóvem-
ber, skömmu eftir að forsetinn skildi
við Céciliu eiginkonu sína. Sarkozy á
ungan son með henni.
Reuters
Ást Nicolas Sarkozy Frakklands-
forseti og vinkona hans, Carla
Bruni, í Miðausturlandaferð sinni.
Brúðkaup
í vændum?
DEMÓKRATR og repúblikanar
sem keppa um að verða forsetaefni
flokka sinna voru baráttufúsir í vetr-
arkuldanum í New Hampshire en
þar verða forkosningar á morgun.
Síðustu kannanir benda til þess að
Barack Obama fari með sigur af
hólmi í forkosningum demókrata í
ríkinu og hann var sigurviss á fundi í
gærmorgun. „Ef ég hef bandarísku
þjóðina á bak við mig óttast ég eng-
an. Enginn getur stöðvað okkur,“
sagði hann.
Umskiptin eru mikil síðustu daga.
Í könnun Rasmussen-stofnunar-
innar mælist fylgi Obama 37% en
Hillary Clinton er með 27%. Könn-
unin var gerð daginn eftir forvalið í
Iowa. Önnur könnun bendir til að
fylgi þeirra Obama og Clinton sé
jafnmikið, 33% meðal líklegra þátt-
takenda í forkosningunum. Meðal
repúblikana nýtur John McCain nú
mests stuðnings í New Hampshire
en síðan Mitt Romney.
Clinton var mánuðum saman talin
nær örugg um að hljóta tilnefningu
demókrata. Var bent á að flokksvél
demókrata virtist hafa ákveðið að
veðja á Clinton þótt kannanir sýndu
að hún væri afar umdeild og höfðaði
lítt til óháðra kjósenda á miðjunni.
Eiginmaður hennar og fyrrverandi
forseti, Bill Clinton, nýtur mikilla
vinsælda í New Hampshire og hefur
beitt sér mjög fyrir hönd hennar. En
áhrifamiklir demókratar þar efast
um að það dugi. Stefnan geti verið
nokkurn veginn sú sama en hjónin
séu svo „gerólíkar persónur“ eins og
einn þeirra, James McConaha, orðar
það. Og aðrir segja að Hillary Clin-
ton nái ekki að hrífa fólk með sér
eins og Obama.
„Það sem mér fannst verst var að
það var enginn eldmóður. Það er
uggvænlegt,“ sagði maður sem
heimsótti eina af kosningaskrif-
stofum Clinton í New Hampshire.
Í sjónvarpskappræðum frambjóð-
enda á laugardag reyndi Clinton að
ná frumkvæðinu að nýju af Obama.
„Það er mikill munur á því að tala og
gera, á því að lofa og framkvæma,“
sagði hún og ljóst hverjum skeytið
var ætlað. Athygli vekur að repú-
blikanar eru nú farnir að herja á
Obama og beita svipaðri gagnrýni og
Clinton. Hvöss skeyti gengu á milli
herbúða í kappræðunum og demó-
kratanum Bill Richardson, sem var
um hríð diplómati, ofbauð. „Ég hef
tekið þátt í samningaviðræðum um
lausn gísla sem voru mun siðlegri en
þetta,“ sagði hann og uppskar
hlátrasköll.
Obama rifjaði í gær upp að Clin-
ton hefði í kappræðunum gagnrýnt
sig fyrir að leggja áherslu á vonina,
hún hefði sagt að ekki væri nóg að
gefa Bandaríkjamönnum falskar
vonir. „Von er ekki blind bjartsýni,“
sagði Obama. „Von merkir ekki að
við sjáum alls ekki þá tálma og erf-
iðleika sem standa í vegi fyrir vonum
okkar og draumum. Ég veit hvað
þetta verður erfitt.“
Innherji og uppreisnarmaður?
Romney réðst harkalega á McCa-
in í gær og sagði skoðanir hans á
skattamálum og innflytjendamálum
vera óralangt frá viðhorfum þorra
repúblikana. „Hann talar um að
breyta málum í Washington. En
hann er búinn að vera þar svo lengi,
hann er með svo marga lobbíista á
báðum handleggjunum,“ sagði Rom-
ney og gaf í skyn að öldungadeild-
arþingmaðurinn væri hvorttveggja í
senn, uppreisnarmaður í flokknum
og um leið innherji í kerfinu.
McCain kom fram í spjallþætti í
gær og gagnrýndi þar Romney en af
varfærni. „Hann hefur skipt um
skoðun í næstum öllum mikilvægum
málum,“ sagði McCain. „Það er stað-
reynd. Ég get rakið þetta fyrir ykk-
ur. En það merkir ekki að hann sé
slæmur maður. Ég vil að umræður í
þessari baráttu snúist um málefni,
ekki menn.“
„Það var enginn eldmóður“
Clinton og Romney virðast vera í vörn en Obama og McCain eru efstir í síðustu
skoðanakönnunum í New Hampshire þar sem forkosningar verða á morgun
Í HNOTSKURN
»Eiginmaður Hillary Clinton,Bill Clinton, var ekki meðal
efstu manna í Iowa 1992. Hann
stóð framan af árinu vel að vígi í
New Hampshire en missti flugið
vegna frásagna af framhjáhaldi
hans og því að hann kom sér hjá
herþjónustu í Víetnam.
»Undir lokin tókst Clinton þóað rétta á ný hlut sinn og
varð næstefstur, rétt á eftir Paul
Tsongas. Clinton vann nær allar
forkosningar demókrata eftir
það með yfirburðum.
Eftir Kristján Jónsson
kjon@mbl.is
ER búið var að
telja nær öll at-
kvæði í forseta-
kjörinu í Georgíu
á laugardag var
talið ljóst að
Mikhail Saakas-
hvili hefði verið
endurkjörinn
strax í fyrri um-
ferð sem merkir
að ekki þarf að
kjósa á ný milli tveggja efstu fram-
bjóðenda. Saakashvili styður af
ákafa náið samstarf við vestræn ríki.
Saakashvili var með 52,8% en að-
alkeppinauturinn, Levan Gachechi-
ladze, með 27%. Stjórnarandstæð-
ingar sögðust ekki samþykkja
niðurstöðurnar en þeir fullyrtu þeg-
ar fyrir kjördag að úrslitunum yrði
hagrætt, Saakashvili í vil.
En Öryggis- og samvinnustofnun
Evrópu (ÖSE) og Evrópuráðið, sem
voru með hundruð eftirlitsfulltrúa í
landinu, sögðu að þótt „verulegir
meinbugir“ hefðu verið á kosningun-
um teldust þær fullnægja að mestu
leyti lýðræðiskröfum. Aðstæður
stjórnarandstæðinga í kosningabar-
áttunni hefðu þó verið erfiðar, rík-
isvaldinu hefði oft verið misbeitt í
þágu Saakashvilis.
Halla Gunnarsdóttir blaðamaður
var einn eftirlitsmanna ÖSE í Tbilisi.
Hún sagði að nokkur þúsund stjórn-
arandstæðingar, nær eingöngu karl-
ar, hefðu mætt á mótmælafund Gac-
hechiladze í gær. „Þetta var mjög
friðsamlegt, lögreglan varla sjáan-
leg, allt var rólegt, öðru hverju hróp-
að undir ræðunum en engin læti.
Það hefur verið kvartað undan
ýmsu, allt tínt til, t.d. að rútur hafi
verið notaðar til að keyra fólk á kjör-
staði en fjölmiðlar bentu á að þetta
tíðkaðist nú alls staðar.“
Í Tbilisi væri mikill snjór, börnin
skemmtu sér á sleðum og stemning-
in almennt friðsæl enda jól að hefjast
í dag. Fólkið væri trúað, oft signdi
það sig fyrir framan kirkjur. Halla
sagði miðborgina vera mjög fallega
en kuldinn á kjörstöðum hefði verið
bitur enda víða engin upphitun. Eft-
irlitsfólk hefði loks hniprað sig sam-
an í hóp við viðarofn í einu húsinu til
að fylgjast með tölum.
Saakashvili endur-
kjörinn í Georgíu
AP
Sigur! Stuðningsmenn Mikhail Saakashvilis í Tbilisi veifa þjóðfánanum í gær þegar útgönguspár bentu til þess að
hann hefði unnið forsetakosningarnar þegar í fyrri umferð sem gekk eftir. Hann hlaut yfir helming atkvæða.
Í HNOTSKURN
»Georgía er í Kákasus ogíbúar um 4,7 milljónir.
Landið var lengi sovétlýðveldi
og efnahagurinn hrundi nánast
við upplausn Sovétríkjanna
1991.
»Sambúðin við Rússa er núafar stirð en Rússar styðja
kröfur Suður-Osseta og Abk-
haza um sjálfstæði frá Georgíu.
Mikhail
Saakashvili
ÖSE telur lýðræðiskröfum að mestu hafa verið fullnægt
FULLTRÚI Bandaríkjastjórnar,
Jendayi Frazer, reyndi í gær ákaft
að fá stjórn og stjórnarandstöðu í
Kenía til að fall-
ast á málamiðlun
í deilunum sem
spruttu eftir um-
deildar forseta-
kosningar 27.
desember. Leið-
togi stjórnarand-
stöðunnar og for-
setaefni hennar,
Raila Odinga,
hafnaði í gær til-
boði Mwai Kibakis forseta um þátt-
töku í myndun þjóðstjórnar.
Odinga sagði að Kibaki hefði eng-
an rétt á að bjóða fram einhverjar
lausnir þar sem hann hefði í reynd
tapað kosningunum.
Hafnar
þjóðstjórn
Raila Odinga
BARIST var af hörku í Tamílahér-
uðunum á norðurhluta Srí Lanka í
gær og Tamíl-Tígrar sögðust hafa
misst yfirmann njósnadeildar sinn-
ar, Shanmuganathan Ravishankar.
Stjórnarliðar felldu hann ásamt
þremur öðrum á yfirráðasvæði
uppreisnarmanna.
Hart barist
Reuters
Uggur Hermaður við vegartálma í
höfuðborginni Colombo í gær.
PAKISTANAR andmæltu í gær ein-
dregið fregnum um að Bandaríkja-
stjórn hygðist efna til leynilegra
hernaðaraðgerða í landamærahér-
uðum Pakistans þar sem talíbanar
og al-Qaeda hafa hreiðrað um sig.
Sagði talsmaður Pakistanshers að
um fjölmiðlaskrök væri að ræða.
Leynistríð?
DÆMI eru um að orðastyttingar í
skýrslum lækna og lyfseðlum valdi
misskilningi er leiði til dauða sjúk-
inga. Í könnun í Bretlandi kom í ljós
að læknar á sjúkrahúsi túlkuðu oft
styttingar á ólíkan hátt. Aðrir
starfsmenn túlkuðu styttingar rétt í
aðeins 31% til 63% tilfella.
Stytta of mikið
JARÐSKJÁLFTI, um 6,5 stig á
Richter, varð í suðurhluta Grikk-
lands í gær. Ekki er vitað til þess að
skjálftinn hafi valdið tjóni en hrær-
ingarnar fundust vel í höfuðborg-
inni Aþenu. Upptökin voru 124 km
suðvestur af borginni, djúpt undir
yfirborði jarðar.
Harður skjálfti
SÁLFRÆÐINGUR við Leicester-
háskóla í Bretlandi, Adrian
White, hefur raðað ríkjum eftir
hamingjustuðli
þar sem notast
var við svör frá
um 80.000
manns. Danir
urðu efstir en
Íslendingar
höfnuðu í fjórða
sæti. White seg-
ir fólk í ríkjum
með gott heil-
brigðiskerfi, mikla landsfram-
leiðslu og auðveldan aðgang að
menntun ánægðast. Minnst var
ánægjan í fjölmennum ríkjum,
þ. á m. Indlandi og Kína.
Danir sáttir
Margrét drottning