Fréttablaðið - 24.04.2009, Blaðsíða 43

FÖSTUDAGUR 24. apríl 2009
Íbúðalánasjóður auglýsir til umsóknar lán og styrki til tækninýjunga og umbóta í bygg-
ingariðnaði. Lán eða styrki má veita einstaklingum, fyrirtækjum og stofnunum sem vinna
að þróun tæknilegra aðferða og nýjunga sem leitt geta til lækkunar á byggingarkostnaði
og viðhaldskostnaði íbúðarhúsnæðis, styttri byggingartíma eða stuðlað með öðrum
hætti að aukinni hagkvæmni í byggingariðnaði.
Rafræn umsóknareyðublöð er að finna á vefsíðu Íbúðalánasjóðs, www.ils.is.
Nánari upplýsingar veitir Einar Örn Stefánsson
hjá Íbúðalánasjóði í síma 569 6900 og með
tölvupósti einarorn@ils.is.
Umsóknarfrestur er til 15. maí 2009
Íbúðalánasjóður skal samkvæmt lögum stuðla að tækni-
nýjungum og umbótum í byggingariðnaði, m.a. með því
að veita lán eða styrki.
www.ils.is Borgartúni 21, 105 Reykjavík
Sími: 569 6900, 800 6969, ils@ils.is
Er þetta
bannað?
www.andriki.is
Má ráðherra í ríkisstjórn Íslands
banna umfjöllun um sjálfan sig?
HANDBOLTI Alfreð Gíslason náði
þeim magnaða áfanga í vikunni að
verða Þýskalandsmeistari í hand-
bolta í fjórða skiptið á ferlinum.
Það hefur enginn annar Íslending-
ur leikið eftir. Alfreð varð tvisvar
meistari sem leikmaður með Essen
árin 1986 og 1987. Hann þjálfaði
síðan Magdeburg sem varð meist-
ari árið 2001 og nú Kiel.
Mikil sigurhátíð var í Kiel á mið-
vikudaginn þegar meistararnir
voru hylltir en Kiel varð meistari
degi fyrr þegar Hamburg tapaði
gegn Flensburg.
„Þetta var rosastemning og
alveg svakalega gaman. Þetta
var alveg ótrúlegt,“ sagði Alfreð
en Kiel lagði Wetzlar á milli þess
sem var fagnað. Alfreð skemmti
sér konunglega í fagnaðarlátun-
um og varð að lokum hundblautur.
„Strákarnir sprautuðu mig allan
með kampavíni þannig að ég fór
á flot. Fékk líka helling í augun
sem var ekkert sérstaklega þægi-
legt. Ég sá ekki neitt,“ sagði Alfreð
léttur í skapi.
Náðum aðalmarkmiðinu
„Það er mikill léttir að hafa land-
að þessum titli. Þetta var skyldu-
verkefni og okkar aðalmarkmið að
vinna þennan titil. Ég hef nú ekki
þann vanann á að fagna mikið og er
strax byrjaður að hugsa um næsta
leik. Einmitt núna er ég að reyna
að finna út hvernig í andskotanum
ég eigi að fara að því að stöðva
Guðjón Val,“ sagði Alfreð en Kiel
mætir Rhein-Neckar Löwen í
undanúrslitum Meistaradeild-
arinnar á sunnudag og svo aftur
næsta fimmtudag.
Það var eðlilega mikil
pressa á Alfreð í vetur.
Hann er að vinna í
þannig umhverfi
að ekkert nema
Þýskalands-
meistaratitill-
inn er nógu
got t . L ið ið
byrjaði tíma-
bilið á því að
gera jafntefli
við Dorm ag-
en. Efuðust
þá margir
um Alfreð
en jafnteflinu
var svarað með
27 sigurleikjum
í röð og bikar-
inn því aftur til
Kiel.
„Jafnteflið var
eiginlega mér að
kenna. Undir-
búningstímabilið
var mjög þungt og
ég vissi að það yrði
ekki fagur handbolti í fyrstu tveim
leikjunum. Þessi góði undirbúning-
ur hefur síðan heldur betur skilað
sér. Við höfum keyrt yfir lið enda í
frábæru formi,“ sagði Alfreð.
Kiel hefur verið í miðju mútu-
skandalsins í handboltaheimin-
um og framkvæmdastjórinn Uwe
Schwenker meðal annars sagt af
sér. Alfreð segir þá umræðu alla
hafa haft áhrif á liðið.
„Þetta æsir líka liðið upp og
menn vilja svara á vellinum. Það
hefur verið mikil ókyrrð og leið-
indi. Það er viss taktík í gangi
hjá forráðamönnum Hamburg og
Löwen. Þeir reyna að skaða okkur
með það að markmiði að við miss-
um styrktaraðila. Enda er umfjöll-
unin meira og minna í einhverj-
um sorpritum,“ sagði Alfreð sem
hefur mátt svara ófáum spurning-
um tengdum þessu máli.
Tómt kjaftæði hjá Jesper Nielsen
„Þessi mál tengjast mér ekki
beint en hann Jesper Nielsen hjá
Löwen hefur verið að gefa það í
skyn að við séum að kaupa leiki
núna og það eðlilega tengist mér.
Þær ásakanir eru tómt kjaftæði.
Ég held reyndar að þessar sögur
sem tengjast Kiel hér áður séu ekki
sannar heldur,“ sagði Alfreð.
Það hefur mikið verið skrifað
um aðalstjörnu Kiel, Nik-
ola Karabatic, í vetur.
Hann er með þriggja
ára samning við
Kiel en virðist vilja
fara. Hefur meðal
annars verið orðað-
ur við Rhein-Neck-
ar Löwen og nú síð-
ast sagðist hann vilja
fara heim til Frakk-
lands.
„Ég veit ekki hvernig
það mál endar, satt að
segja. Frá okkar bæj-
ardyrum séð þarf hann
að vera eitt ár í viðbót
áður en við munum
ræða það að hann fari.
Hann vill samt fara. Ég
get þó sagt þér að við
munum ekki selja hann
til Löwen,“ sagði Alfreð
og bætti við að Kar-
abatic hefði verið
til fyrirmyndar
á æfingum og
leikjum í vetur.
Hann hefði glímt
við ýmis álags-
meiðsl sem
hefðu gert það
að verkum að
ha nn hefur
ekki spilað eins
mikið og síðustu
ár. - hbg
Alfreð Gíslason Þýskalandsmeistari í fjórða skipti:
Mikill léttir að hafa
landað þessum titli
LÍF OG FJÖR Alfreð skemmti sér konunglega á hliðarlínunni á miðvikudag þegar Kiel
var krýnt sem þýskur meistari. NORDIC PHOTOS/BONGARTS