Skinfaxi - 01.11.1928, Blaðsíða 7

SKINFAXI
103
haldi áfram að vera til eftir dauðann og haldi áfram að
þroskast.
Vísindin knýja oss sífelt til að viðurkenna guðdóm-
inn og skyldleika rriannsins við hann. Vísindin eru þess
vegna æðsta trúfræði mannsins, æðsta og besta íhugun
mannsins um guð. Vísindin leiða oss beint til trúar á
guð, og sú trú er undirstaða trúarbragðanna.
Vísindin hamla ekki mönnum frá að verða kristnir,
heldur gera þau þá betur kristna. Þau hafa gert mig
betur kristinn en eg var. Á næsta ári mun eg halda
fyrirlestra við ýmsa háskóla um hina æðri þýðingu vís-
indanna.
Mín persónulega trú er, að alt í hinum mikla al-
heimi gerist í einhverjum ákveðnum tilgangi, og að þessi
tilgangur sé þroski hinnar mannlegu sálar. i þessu efni
fallast visindi og trúarbrögð í faðma. Vísindin munu
treysta trúarbrögðin. Þau hafa einnig treyst trú mína.
Mín trúarbrögð koma ekki í bága við eitt einasta
atriði þeirra trúarbragða, sem móðir mín og samborg-
arar hennar játuðu, þá er eg var barn. Vísindin hafa
aðeins rýmkað skoðun mína á skaparanum. Þetta er
sú raunverulega nautn vísindaiðkana. Takmark vísind-
anna er ekki það, að uppgötva efnishluti, sem auka
auðæfi vor og þægindi. Slíkt er að vísu velgerð, en
ekki sú æðsta.
Ef að vísindin stuðla ekki að því að veita mér og
öðrum betri trúarbrögð, betri skilning á skaparanum,
og nánari persónulegan skyldleika við hann, ef að vis-
indin hjálpa mér ekki til þess að þjóna guðlegri köllun,
þá eru störf min setn vísindamanns helber hégómi.
„Ubersee" Nr. 2/1928.
G. A. þýddi.