Skinfaxi - 01.02.1972, Blaðsíða 4

FORSÍÐUMYNDIN
er tekin í forkeppni olympíuleikanna í
handknattleik sem háð var í San Sebest-
ian á Spáni í vetur. íslenzka handknatts-
liðið stóð sig með mikilli prýði og ávann
sér rétt til þátttöku í aðalkeppni olym-
píuleikanna í sumar. A myndinni sést
Ólafur Jónsson skora í leiknum við Búlg-
ara, sem Island vann með 19—10.
Minningar-
sjóður
Aðalsteins
Meðal gesta á sambandsþingi UMFÍ
var Daníel Ágústínusson, og flutti hann
ávarp á þinginu. Gerði hann m. a. grein
fyrir störfum íþróttanefndar ríkisins og
hag íþróttasjóðs, en Daníel hefur um
langt árabil verið fulltrúi í íþróttanefnd
ríkisins. Lét hann í ljós ánægju yfir þeirri
auknu fjárveitingu, sem íþróttasjóður
fær samkvæmt fjárlagafrumvarpinu, sem
lagt hefur verið fram á Alþingi.
Þá ræddi Daníel um minningarsjóð
Aðalsteins Sigmundssonar, sem er í
vörzlu UMFÍ. Las hann upp reikninga
sjóðsins og gerði síðan nokkra grein fyrir
Aðalsteini heitnum og störfum hans í
þágu íslenzkra ungmennafélaga og al-
jrjóðar, en Aðalsteinn lézt árið 1942.
Lagði Daníel til, að minningarsjóður
þessi yrði stórlega efldur og að stórt
átak yrði gert í þessu máli í tilefni 75
ára afmælis Aðalsteins heitins, sem verð-
ur 10. júlí 1972.
Var máli þessu vísað til allsherjar-
nefndar. Urðu nokkrar umræður um leiði
Aðalsteins í kirkjugarðinum í Nesi í Að-
aldal, en á því hefur til þessa enginn
legsteinn verið. Gunnlaugur Gunnarsson,
HSÞ, upplýsti að nú væri unnið að gerð
minnismerkis á leiði Aðalsteins og yrði
því komið fvrir innan tíðar.
Jöfn og spennandi keppni hefur oft verið
í 1. deild í körfuknattleik í vetur. Myndin er
fekin i leik Umf. Skallagríms og Héraðssam-
bandsins Skarphéðins. (Ljósm. K. Ben.).
4
SKINFAXI