Skinfaxi - 01.07.1997, Blaðsíða 6

Ingimundup Ingimundanson er
í ár að upplifa sitt 12.
Landsmót og pví vel við hæfi
að hann sé einmitt formaður
Landsmótsnefndar að þessu
sinni. Skinfaxi hitti Ingimund
stuttu ffyrir mótið og
forvitnaðist um undirbúning
Þaö er með sanni hægt að segja að Ingimundur þekki vel til
Landsmóta, því þar fer maður með mikla reynslu. Líf
Ingimundar hefur snúist í kringum íþróttir síðustu þrjátíu
árin. Hann tók fyrst þátt í Landsmóti er haldið var að
Laugum í Suður-Þingeyjum árið 1961 og frá þeim tíma hefur
hann ekki misst af einu Landsmóti. Ingimundur er nú að
mæta á sitt tólfta Landsmót og er í ár formaður
Landsmótsnefndar. Hlutverk Ingimundar, ásamt
framkvæmdastjóra Landsmótsins, er að skipuleggja starfið
fyrir mótið og reyna að koma því þannig fyrir að hlutverkin
dreifist á sem flesta. Hann sér meðal annars um samskiptin
við Héraðssamböndin, skipar sérgreinastjóra í hinum 16
greinum sem tekið verður þátt í á Landsmótinu og hefur
yfirumsjón með keppnisgreinum mótsins.
- Frjálsar, sund og boltaíþróttirnar hafa verið stærstu og
vinsælustu greinarnar á Landsmótum í gegnum tíðina. En
hvaða aðrar greinar vekja mikla athygli á mótinu?
„Starfsíþróttirnar eins pönnukökubakstur og starfshlaup vekja
ávallt mikla kátínu. Starfshlaupið er sett þannig upp að
þátttakendur vita ekki hverjar þrautimar eru, svo það ríkir oft mikil
spenna í kringum þær. Við ætlum að hafa starfshlaupið á góðum
tíma á laugardegi og keppnisstjórinn í þeirri grein hefur fengið
þau fyrirmæli að setja upp skemmtiiegar þrautir fyrir keppendur
og áhorfendur að horfa á. Einnig hafa margir horft á
pönnukökubaksturinn, sem er mjög vinsæl grein.”
- í hvaða greinum keppa fatlaðir?
„Þeir keppa í frjálsum íþróttum og sundi. Þvi miður getum við
ekki verið með Bosia. Aðgengi fyrir fatlaða er svo lélegt hér í
íþróttamiðstöðinni, enda er íþróttahúsið barn síns tíma, frá 1980
og þá voru menn ekki farnir að hugsa um aðstöðu fyrir fatlaða.”
- Nú er undirbúningurinn búinn að standa í langan tíma og
það liggur eflaust mikil vinna að baki svona stórmóts?
„Það liggur alveg gífurleg vinna á bak við Landsmótið.
Landsmótsnefnd er búin að vinna skipulega í þrjú ár og í raun
fæddist hugmyndin að Landsmótinu fyrir 10 árum. Þá var ég
framkvæmdastjóri UMSB og hef unnið að þessu nánast látlaust
síðan. Maður var í upphafi að vinna ýmis konar verk svo hægt
væri að koma hugmyndinni áfram.”
- Var ákveðið fyrir 10 árum að halda landsmótið hér í
Borgarbyggð?
„Þetta gerðist þannig að hugmyndin kom upp á stjórnarfundi
UMSB og síðan þurfti að leggja það fyrir þing UMSB. Þar var
það samþykkt að sækja um Landsmótið í samráði við bæjarstjórn
Borgarbyggðar, sem hét þá Borgarnes. Síðan hafa menn þurft
að vinna eftir ýmis konar krókaleiðum og telja mönnum hughvarf
og fleira til að komast að markmiðinu. Þetta hefur tekið sinn tíma
en fólkið í Borgarbyggð er nú einhuga um að standa sem best að
mótinu. Margir hverjir voru á móti framkvæmdunum í upphafi en
nú hafa allir lagst á eitt og mikill metnaður er komin í fólk.
Mannvirkin eiga eftir að breyta ásýnd bæjarins og félög viðsvegar
að af landinu eru farin að panta æfingaaðstöðu hér fyrir næsta
ár.”
- Hvernig hefur gengið að tímasetja keppnisgreinarnar svo
að mótið rúlli nokkuð vel?
„Það hefur tekið nokkurn tíma en Landsmótið er orðið nokkuð
fast í mótum svo menn geta stuðst að einhverju leyti við
tímaáætlanir fyrri móta. En þetta byggist líka á aðstöðunni sem
menn hafa á hverjum tíma fyrir greínarnar. Við búum ágætlega
fyrir flestar keppnisgreinarnar en verðum að fara með hluta af
blak- og körfuboltakeppninni til Akraness.”
- Er einhver breyting á Landsmótinu í ár frá því á
Laugarvatni 1994?
„Já við þurftum að taka út t.d. Júdó og Karate en í staðin verður í
fyrsta sinn keppt í golfi og hestaíþróttum til stiga. Einnig munum
við fjölga dögum og byrjum á fimmtudegi fram að sunnudegi.
Þetta er m.a. gert vegna þess að húsrými er svo lítið hjá okkur.”
Ingimundur segir að hægt sé að tengja alla vinnu
Landsmótsnefndar við mótið. Meðal annars var sótt um
sérstakt símanúmer fyrir 22. Landsmót UMFÍ1997. Símin
er 437-2297.