Skinfaxi - 01.07.1997, Blaðsíða 26

Breiðabliksstelpur hafa verið nær ósigrandi á íslandsmótinu í knattspyrnu undanfarin ár. Sigrún Óttarsdóttir fyrirliði Breiðabliks verður
í sviðsljósinu á Landsmótinu í Borgarnesi og þá verður spennandi að sjá hvernig liði hennar gengur þar.
Meðal boltagreina sem keppt er í á Landsmóti UMFÍ í
Borgarnesi er knattspyrna og er þetta eina greinin þar
sem keppt er bæði í flokki kvenna og karla. Sigrún
Óttarsdóttir fyrirliði Breiðabliks hefur áður keppt á
Landsmóti. Það var í Mosfellsbæ árið 1990 þegar
keppt var í knattspyrnu kvenna í fyrsta sinn á
Landsmóti. Þá sigraði Ungmennasamband
Kjalarnesþings sem hún keppir fyrir.
Sigrún er nemi í lyfjafræði við Háskóla íslands og
starfar í apóteki á sumrin. Hún segir Landsmótið
leggjast vel í fólk og að það sé mjög frábrugðið 1.
deildinni. Á Landsmótum er léttari stemmning, margir
nýir leikmenn fá að spreyta sig og það er mikilvægara
að vera með en að sigra. Liðin eru samsett, keppendur
koma frá mörgum liðum innan sambandanna og þess
vegna er erfitt að segja nokkuð um keppinautana. Lið
UMSK mun skipað leikmönnum úr Breiðabliki,
Aftureldingu og Stjörnunni.
„Það verður breytt út af vananum og spilað á litlum velli með sjö
leikmenn. Keppnin ætti að verða mun jafnari fyrir vikið og ég býst
við skemmtilegu og spennandi móti. Við gefum ekkert eftir, við
stefnum alltaf á sigur. Það er ríkt í manni.”
íþróttin krefst meiri og meiri tíma en Sigrún ætlar að halda áfram
svo lengi sem hún hefur
gaman af. Hún reiknar
með að hún verði alltaf
eitthvað viðloðandi starfið
þó hún hætti keppni
einhvern tíma, það er ekki
hægt að hætta allt í einu.
Kvennaboltinn stendur
ágætlega að hennar mati
og mikið af góðum og
efnilegum stelpum í yngri
flokkum. Það er því hægt
að efla kvennaboltann enn
frekar og ná svipaðri stöðu
og hin Norðurlöndin hafa
náð í þessari íþrótt.
Karlaboltinn hefur forskot
en kvennaboltinn saxar
sífellt á það.
26
r3áP
190/M&ni 1997