Skinfaxi - 01.07.1997, Blaðsíða 18

Texti: Valdimar Kristófersson
Mynd: Úr einkasafni
Elín Anna býr í Borgarbyggð og keppir því fyrir
UMSB. Hún fékk snemma mikin áhuga á íþrottum og
byrjaði fimm ára að æfa sund af fullum krafti. Ekki
hefur áhuginn minnkað með árunum og í sumar
vinnur hún á leikjanámskeiði Skallagríms og æfir
síðan á kvöldin. Það er því hægt að segja að líf Elínar
snúist um íþróttir yfir sumartímann. Hún er
ótrúlega fjölhæf og hefur skráð sig í keppni í sundi,
frjálsum og handknattleik á Landsmótinu.
„Ég hefði einnig skráð mig í fótbolta ef greinarnar hefðu ekki
verið á sama tíma. Því miður er fótboltinn á sama tíma og
sundið. Það er líka spurning hvort ég nái að vera með í
handboltanum út af sömu ástæðu,” segir Elín Anna.
- Er sundið þín aðalgrein?
„Já, uppáhaldsgreinin mín er 100 metra skriðsund og þar hef ég
náð bestum árangri. Ég mun einnig keppa í 50 metra skriðsundi
og 100 metra baksundi.”
Ég held að Eydís Konráðsdóttir
verði með og hún er
ofboðslega góð
- Engin
aldursskipting er á
landsmótinu og
Elín verður meðal
yngstu keppenda á
mótinu. Áttu mikla
möguleika á að ná
í verðlaun?
„Ég bara veit það
ekki. Ég veit ekki
alveg hverjir taka þátt í sundinu á Landsmótinu svo maður getur
ekkert sagt um það. Ég held að Eydís Konráðsdóttir verði með
og hún er náttúrlega ofboðslega góð. Ég ætla bara að reyna
gera mitt besta.”
- Hvernig líst þér á að keppa á heimavelli?
„Mjög vel. Það er miklu betra að vera hér heldur en að fara út á
land.”
- Það er þó varla hægt að segja að Elín og félagar hennar úr
Borgarbyggð séu á heimavelli í sundmótinu. Því nýja
sundlauginn, sem verður 25 metrar á lengd verður tilbúin
rétt fyrir mót og þau fá því aðeins nokkrar æfingar fyrir
mótið í nýju lauginni. En í gegnum árin hafa þau æft í 12.5
metra langri sundlaug.
„Við förum þó stundum á Akranes og æfum þar í 25 metra laug
svo við erum ekki óvön því að synda í 25 metra laug.“
- Elínu hlakkar mikið til mótsins og hefur æft af kappi með
það að markmiði að vera í sem bestu formi þegar að mótinu
kemur. Hún óttast ekki að verða þreytt eftir Landsmótið þótt
hún taki þátt í fimm greinum, en ef hún verður þreytt þá
hefur hún ekki mikinn tíma til að hvíla sig, því eftir
Landsmótið fer hún beint upp á Laugarvatn í fótboltabúðir,
sem standa yfir í viku. Þótt mikið af tíma Elínar fari í
íþróttirnar þá lætur
hún skólann aldrei
sitja á hakanum.
„Skólinn er númer
eitt, tvö og þrjú yfir
vetrartímann."
Hún ætlar í
framtíðinni að reyna
að bæta sig sem sundkona og hver veit nema Elín Anna
Steinarsdóttir verði næsta sunddrottnig íslands. Hún hefur að
minnsta kosti hæfileikana og ekki vantar áhugan hjá henni.
Skólinn er númer eitt, tvö og
þrjú
Borgame