Skinfaxi - 01.07.1997, Blaðsíða 23

Það sem hefur e.t.v. farið framhjá mörgum er
að sundsystkinin Magnús og Eydís Konráðs
börn eiga yngri systir. Hanna Björg
Konráðsdóttir er 14 ára og byrjaði að æfa
sund fyrir sjö árum síðan. Hún æfir með
Sundfélagi Keflavíkur 7 til 8 sinnum í viku og
ætlar greinilega ekki að verða eftirbátur
systkina sinna í sundíþróttinni. Baksunds- og
flugsundssprettir eru hennar aðalgreinar. Hún
hefur gaman af sundinu og segir að það gefi
mikið af sér t.d. frábæran félagsskap. Hún
hlakkar því mikið til Landsmótsins, þar sem
saman munu koma í kringum 1800 keppendur
víðsvegar af landinu.
- Nú eru systkinin þín, Magnús og Eydís mjög góðir og
i'eynslumiklir sundmenn. Nýtist það þér eitthvað?
Já, ég fæ mikinn stuðning frá þeim. Við ræðum sundið mikið
heima fyrir og reynum þá helst að byggja upp sjálfstraustið hjá
hvort öðru. Ég og Eydís tölum mjög mikið saman og reynum að
finna bestu leiðina að árangri, hvernig við getum fundið árangur
°9 hvaða leiðir við eigum að fara. Því hugurinn skiptir geysilega
^iklu máli. Hver einstaklingur verður að finna sínu réttu leiðir til
hugsa svo honum geti gengið vel.”
' Æfið þið systkinin alltaf saman?
”^ið höfum æft saman undafarin ár, en þetta ár hefur Magnús
verið í læknisfræði í Reykjavík og hefur þess vegna ekki getað
maett á æfingar hjá Keflavík. Hann hefur þá æft með Ægi en
keppt fyrir Keflavík. Hann kemur þó reglulega til Keflavíkur og
æfir þá með okkur.”
- Verða sundsystkinin öll þátttakendur á Landsmótinu?
„Ég vona að svo verði. Það er reyndar spurning hvort Magnús
komist vegna vinnu.”
- Ertu búin að æfa markvisst fyrir Landsmótið?
„Nei, það er svo mikið af mótum sem við tökum þátt í á þessu
tímabili. Það er því erfitt að æfa markvisst fyrir eitt mót. Við
reynum að byggja okkur vel upp og hvílum síðan vel fyrir mótin
og svo verður útkoman bara að koma í Ijós.”
- Er þig farið að hlakka til Landsmótsins?
„Já alveg rosalega mikið. Það verður ábyggilega æðislegt mót.
Ég hef aldrei keppt á Landsmóti og hlakka mikið til að taka þátt
núna. Það verður mikil stemmning að gista í tjaldi allt mótið.”
- Hvernig er stemmningin hjá liðinu fyrir mótið?
„Hún er mjög góð. Þarna koma allir krakkarnir saman. Ekki bara
innan sundfélagsins, heldur líka krakkar úr öðrum greinum eins
og til dæmis úr fimleikum og fótbolta. Krakkarnir í þessum
greinum þekkjast mjög vel. Við getum þó sjaldan öll komið
saman nema á Landsmóti þá fáum við tækifæri til að vera öll
saman í fjóra daga. Mér finnst þetta því rosalega spennandi og
hlakka mikið til að njóta félagsskaparins, þetta verður mikið fjör.”
- Stefnirðu að einhverjum sérstökum árangri á
Landsmótinu?
„Ég stefni á tvennt, að bæta minn persónulega árangur og hafa
rosalega gaman af mótinu. Það verður ábyggilega mikil
stemmning á mótinu og félagsandinn góður.”
r'Á’
1997
MELJÍIM
23