Náttúrufræðingurinn - 1931, Page 16

30
NÁTTÚRUFR-
þröst og starra í Vestmannae^^jum, og gat hann gefið mér
þessar upplýsingar:
1. Um starrann. Eftir nýjárið 1920 eða 1921 sáust fjórir
starrar í Vestmannaeyjum, og voru þmr þar síðan megnið af
vetrinum. Yfirleitt hefir starrinn sézt' annað kastið í Vest-
mannaeyjum, allt að því árlega, að minnsta kosti síðustu ár-
in. Hann er vanur að koma í janúar, en fara aftur í maí, og
sjást fuglarnir vanalega daglega síðari hluta vetrar. Oftast
nær eru þessir vetrargestir 6—10 að tölu.
2. Um svartþröstinn. Árið 1922 man Gísli fyrst eftir að
hafa séð svartþresti. Frá því í janúar og fram í maí voru
daglega tveir í hríslunni, sem er í garðinum hans, en þeim
lynti mjög illa við starrana, en höfðu sjálfir yfirhöndina.
Endrarnær hefir Gísli víst ekki séð svartþröst, nema þennan,.
sem eg sá. Eftir lýsingum Gísla, hafa þessir tveir svartþrestir,
sem sáust 1922, verið karlfuglar, og karlfugl var þessi, sem
var þar í vetur.
Það má telja líklegt, að nokkrir starrar hafi sézt hér
að, og verpi hér eitthvað á sumrin, en flýji úr landi, þegar
snjóa fer að þyngja á veturna, og flæmist þá til Vestmanna-
eyja. Væri það ákaflega æskilegt að fá upplýsingar um þetta,
ef einhver af lesendum blaðsins þekkir þessa fugla, og hefir
veitt þeim eftirtekt síðustu árin. Starrinn og svartþrösturinn
eru auðþekktir frá öðrum fuglum, sem hér sjást. Báðir eru
þeir á stærð við algengan skógarþröst, svartþrösturinn er eitt-
hvað dálítið stærri, en starrinn er lítið eitt minni, og báðir
virðast í fljótu bragði alsvartir á lit.
Þegar fuglarnir sitja, er starrinn auðþekktur á því, að
hann hefir svart, frekar stutt nef, stutt stél, og slær eins og-
málmcjljÓM á hann allan, en þegar betur er aðgætt, sést, að rend-
ur fjaðranna eru flestar ljósar, svo fuglinn virðist stundum skína
í öllum litum, þegar sólin skín á hann. Svartþrösturinn er alveg-
hrafnsvartur, en ekki gljáandi; hann hefir frekar langt, gu.lt
nef, og langt stél. Á flugi eru þessar tvær tegundir auðþekktar
hvor frá annari á því, að vængir starrans virðast oddmyndaðir
að framan, en vængir svartþrastarins bogadregnari. Svo er
starrinn allur styttri, sérstaklega er stélið sýnilega styttra en.
á svartþrestinum. Á. F.