Fréttablaðið - 05.08.2009, Blaðsíða 20

16 5. ágúst 2009 MIÐVIKUDAGUR
timamot@frettabladid.is
Knattspyrnufélagið Þróttur fagnar 60
ára afmæli í dag en það var stofnað
hinn 5. ágúst árið 1949. Í tilefni dags-
ins verður farið að leiði Halldórs Sig-
urðssonar, fyrsta formanns félagsins
og annars stofnenda þess, auk þess sem
afhjúpuð verður af honum brjóstmynd í
Þróttaraheimilinu. Þá verður boðið upp
á kaffi og með því og eru eldri Þróttar-
ar og fyrrum leikmenn boðnir sérstak-
lega velkomnir.
Saga félagsins, sem státar af knatt-
spyrnu-, handbolta-, blak- og tennis-
deild, er merkileg fyrir margar sakir
en hún hófst í bragga við Ægissíðuna.
„Síðar var félagið á götunni í nokkur ár
eða þar til Geir Hallgrímsson, þáver-
andi borgarstjóri, úthlutaði því lóð við
Sæviðarsund árið 1969. Þar var félagið
í tuttugu ár eða þar til það flutti í núver-
andi húsnæði að Engjavegi 7,“ segir Jór-
unn Frímannsdóttir, formaður félagsins.
Halldór og Eyjólfur Jónsson, síðar lög-
reglumaður og sundkappi, stofnuðu fé-
lagið en gaman er að geta þess að Hall-
dór er fyrirmyndin að Tomma í bókum
Einars Kárasonar um Djöflaeyjuna.
Jórunn segir að ávallt hafi verið lögð
rík áhersla á barna-, unglinga- og for-
eldrastarf í Þrótti og að það veiti fé-
laginu ákveðna sérstöðu. „Það er ekki
síður mikilvægt að huga að börnum og
forvörnum nú á tímum og finna leiðir
til að börn og unglingar detti ekki út
úr íþróttastarfi,“ segir Jórunn og þykir
henni starfið því afar gefandi. Því fylg-
ir þó talsverð vinna og þá sérstaklega á
afmælisári.
„Við byrjuðum á því að gefa út
afmælisrit sem var dreift í öll hús í
Laugardalnum og héldum svo sérstak-
lega veglega vorhátíð í tengslum við
fyrsta heimaleik Þróttar. Í dag hugum
við að sögunni og eldri Þrótturum og
hinn 11. september verður gala-kvöld-
verður á Brodway þar sem meðal ann-
ars verða veittar heiðursviðurkenning-
ar.“
Jórunn segir mikið kapp lagt á að fót-
boltaliðið haldist í fyrstu deild en það
telur hún afar mikilvægt fyrir félagið.
„Það skiptir miklu máli að yngri krakk-
arnir geti litið upp til liðsins og verið
stoltir af því og þá sérstaklega þegar
þeir fara að eldast innan félagsins.“
Gengið verður að leiði Halldórs Sig-
urðssonar í Fossvogskirkjugarði klukk-
an 14. en brjóstmyndin verður afhjúpuð
í Þróttaraheimilinu klukkan 16.
vera@frettabladid.is
KNATTSPYRNUFÉLAGIÐ ÞRÓTTUR: FAGNAR 60 ÁRA AFMÆLI
Mikilvægt að vera stolt af liðinu
LITIÐ YFIR FARINN VEG Jórunn Frímannsdóttir
mun, í félagi við eldri Þróttara og fyrrum
leikmenn, huga að sögu félagsins.
FR
ÉT
TA
B
LA
Ð
IÐ
/G
VA
MERKISATBURÐIR
1305 Englendingar taka skosku
frelsishetjuna William
Wallace höndum.
1874 Þjóðhátíð hefst á Þing-
völlum í tilefni af 1.000
ára Íslandsbyggð. Hún
stendur í fjóra daga.
1919 Fyrsti knattspyrnuleik-
ur gegn erlendu knatt-
spyrnuliði er leikinn í
Reykjavík. Úrval úr Val og
Víkingi leikur gegn danska
liðinu AB, sem sigrar 7:0.
1956 Hraundrangi í Öxnadal er
klifinn af tveimur Íslend-
ingum og einum Banda-
ríkjamanni en hann hafði
fram að því verið talinn
ókleifur.
1960 Búrkína Fasó fær langþráð
sjálfstæði frá Frökkum.
Þennan dag árið 1967 kom
fyrsta breiðskífa Pink Floyd,
The Piper at the Gates of
Dawn, út í Bretlandi en hún
er af mörgum talin ein af
áhrifamestu plötum sem
nokkru sinni hafa verið gerð-
ar og hafði hún mikil áhrif á
sýrurokkstefnuna sem á eftir
kom.
Pink Floyd var upp á sitt
besta á áttunda áratugnum
og er með áhrifameiri sveit-
um allra tíma en Dark Side
of the Moon og The Wall
eru með frægari plötum nú-
tímans.
Hljómsveitin á rætur sínar
að rekja til ársins 1964 en
þá stofnuðu skólafélagarnir
Roger Waters, Richard Wright
og Nick Mason hljómsveit
sem hét Sigma 6. Þeim gekk
ekki vel að koma sér á fram-
færi og skiptu oft um nafn
á sveitinni eða þangað til
Roger skipti af gítar yfir á
bassa og þeir fengu gítar-
leikarann Syd Barret til liðs
við sig. Hann stakk upp á
því að nafni hljómsveitarinn-
ar yrði breytt og kom fyrsta
platan út undir hans stjórn.
Skömmu síðar tók David
Gilmour þó við gítarleikn-
um þar sem Barret átti við
eiturlyfjavanda að stríða og
staldraði því stutt við.
ÞETTA GERÐIST: 5. ÁGÚST ÁRIÐ 1967
Fyrsta plata Pink Floyd kom út
MARILYN MONROE LÉST
ÞENNAN DAG ÁRIÐ 1962.
„Draumurinn um að
verða leikkona er meira
spennandi en að vera
leikkona.“
Marilyn Monroe var
bandarísk leikkona og er
eitt mesta kyntákn sög-
unnar.
Ástkær móðir okkar, tengdamóðir, amma
og langamma,
Sigríður María Tómasdóttir
frá Sandeyri,
lést á hjúkrunarheimilinu Droplaugarstöðum sunnu-
daginn 2. ágúst.
Sigurborg Sigurbjörnsdóttir
Kolbeinn Sigurbjörnsson Helga Jónsdóttir
Tómas Sigurbjörnsson Kristín Nanna Einarsdóttir
barnabörn og barnabarnabörn.
Ástkær móðir okkar, tengdamóðir,
amma, langamma, langalangamma og
langalangalangamma,
Laufey Þorgeirsdóttir
áður til heimilis Flókagötu 9, Reykjavík,
lést á hjúkrunarheimilinu Eir 31. júlí. Útförin fer fram í
kyrrþey að ósk hinnar látnu.
Louise Kristín Theodórsdóttir
Hlíf Theodórsdóttir Baldur Sæmundsson
Þorgeir Theodórsson Birna Björnsdóttir
Guðmundur Ægir Theodórsson Ingveldur Ragnarsdóttir
barnabörn, barnabarnabörn, barnabarnabarnabörn,
barnabarnabarnabarnabarn.
Elskulegur eiginmaður minn, fósturfaðir,
faðir, tengdafaðir, afi og langafi,
Björgvin Leonardsson
Völvufelli 29, Reykjavík,
lést á heimili sínu laugardaginn 1 ágúst. Jarðarförin
auglýst síðar.
Natasa Jefimova
Dmitrij Devjatov
Ásta Hrönn Björgvinsdóttir Guðjón Steindórsson
Jóhann Björgvinsson Ásthildur Sverrisdóttir
Erla Björg B. Þorkelsson
Halla B. Þorkelsson Sigurður G Sigurðarson
Emma Agneta Björgvinsdóttir
afa og langafabörnin.
Elskuleg móðir mín og systir okkar,
Unnur Ketilsdóttir
frá Ísafirði, Kleppsvegi 120, Reykjavík,
lést á hjúkrunarheimilinu Skjóli við Kleppsveg laugar-
daginn 1. ágúst. Útförin auglýst síðar.
Auður Bjarnadóttir
Ása Ketilsdóttir
Dóra Ketilsdóttir
Guðmundur Ketilsson
og fjölskyldur.
Okkar hugljúfa eiginkona, móðir, tengda-
móðir og amma,
Mary Alberty
Sigurjónsdóttir
hjúkrunarkona, Faxatúni 32, Garðabæ,
lést á hjúkrunarheimilinu Holtsbúð mánudaginn
3. ágúst. Útförin verður auglýst síðar.
Jón Fr. Sigvaldason
Ragnheiður Edda Jónsdóttir Guðmundur Þór Kristjánsson
Líney Rut Guðmundsdóttir
Jón Grétar Guðmundsson
Ástkær eiginmaður minn, faðir okkar,
tengdafaðir og afi,
Bergsteinn Georgsson
héraðsdómslögmaður,
sem varð bráðkvaddur á heimili sínu þann 30. júlí síð-
astliðinn, verður jarðsunginn frá Dómkirkjunni föstu-
daginn 7. ágúst nk. Athöfnin hest kl. 11.00.
Fyrir hönd aðstandenda
Unnur Sverrisdóttir
Sverrir Bergsteinsson Díanna Dúa Helgadóttir
Unnur Ásta Bergsteinsdóttir
Viktor Steinn Sverrisson