Stúdentablaðið - 01.02.1971, Page 16

112:13. 3 SÁTU HJÁ.
— STÚDENTAFUNDUR
UM KÍNA OG S.Þ.
„Almennur félagsfundur í Stúdenta-
félagi Háskóla íslands 24. nóvember
1970 gagnrýnir harðlega ríkisstjórnina
fyrir afstöðu hennar að sitja hjá í yfir-
staðinni atkvæðagreiðslu hjá Samein-
uðu Þjóðunum um rétt Kínverska al-
þýðulýðveldisins á sæti Kína.
Jafnframt skorum við á ríkisstjórn-
ina að hefjast þegar handa um stjórn-
málalega viðurkenningu á Kínverska
alþýðulýðveldinu og hefja samskipti
við það að öðru leyti.“
Umræddur fundur hefði getað sent
frá sér ályktun í nafni stúdenta hefðu
a.m.k. 163 stúdentar setið fundinn.
Þegar atkvæði voru greidd voru 128
stúdentar viðstaddir.
Þegar fundurinn hófst, var 1. kennslu-
stofa troðfull og a.m.k. 30 stóðu fram
á gangi og samtals voru örugglega
yfir 170 á fundinum. Þeir sem stóðu
fram á gangi áttu erfitt með að fylgjast
með þvi sem fram fór og tíndust því
brátt í burtu þegar fundurinn drógst
á langinn, ásamt ýmsum er inni sátu,
enda umræður ófrjóar.
í byrjun fundar sagði Baldur Guð-
laugsson af sér fundarstjórn. Bárust þá
tillögur um Guðmund Sæmundsson og
Harald Blöndal sem fundarstjóra. Var
þá afl atkvæða látið ráða og náði Guð-
mundur kosningu.
Björn Bergsson bar þá fram tillögu
um að atkvæðagreiðsla yrði skrifleg.
Upphófst þá þref um mismunandi
túlkun á 10% ákvæðinu við skriflega
eða handauppréttingaatkvæðagreiðslu.
Að því loknu féll Björn frá tillögunni,
en Haraldur Blöndal tók upp þráðinn
og krafðist skriflegrar atkvæðagreiðslu.
Nægir að einn krefjist þess til að skrif-
leg atkvæðagreiðsla verði viðhöfð og
voru því atkvæði greidd á þann hátt,
þó Haraldur Blöndal ætti fáa sam-
sinnendur. Var síðan gengið til at-
kvæða og reyndust 112 vera tillögunni
sammála, 13 á móti og 3 sátu hjá.
Voru því ekki 163 viðstaddir, en þess
er krafist eigi almennur félagsfundur
Stúdentafélags H.í. að vera ályktunar-
fær. Er það ekki að furða þar sem
fundurinn hafði dregizt á langinn og
verið í alla staði leiðinlegur.
Fundurinn sýndi þó ljóslega hug
stúdenta í þessu máli; 87,4% fundar-
manna greiddu tillögunni atkvæði, en
aðeins 10,2% reyndust vera henni mót-
fallnir.
Fundurinn sýndi líka annað; ill-
mögulegt er orðið að halda ályktunar-
færan félagsfund í Stúdentafélagi H.Í.,
þar sem engin salarkynni innan Há-
skólans geta með góðu móti rúmað
þau 10% stúdenta er til þarf. Fyrir-
sjáanleg er mikil aukning á stúdenta-
fjölda á næstunni svo að 2-3 árum
liðnum verður ómögulegt að halda
ályktunarfæran fund innan veggja Há-
skólans. Kemur þá þrennt til greina,
halda fundina utan Háskólans, sætta
sig við að ályktunarfær almennur félags-
fundur Stúdentafélags H.í. tilheyri lið-
inni tíð, eða fella 10% ákvæðið úr lög-
um. Er enginn kostanna góður, en
svona liggur landið.
Eiríkur Brynjylfsson.
STÚDENTAR!
ÞAÐ ER FLJÓTLEGAST
OG ÓDÝRAST AÐ
PANTA BÆKURNAR í
GEGNUM BÓK-
SÖLUNA
Bóksala stúdenta útvegar allar fáanlegar bækur og
hefir bein sambönd við yfir 100 fyrirtæki víðs vegar
um heim.
BÓKSALA STÚDENTA
16