Stúdentablaðið - 01.02.1971, Blaðsíða 17

HALLGRÍMUR
GUÐMUNDSSON:
Hinn fáránlegi skollaleikur Verðandi
og Vöku varðandi hátíðahöldin 1. des.
hefur vafalaust orðið mörgum aðhlát-
ursefni. Ályktun aðalfundar Verðandi
olli Vökumönnum miklu hugarangri.
Brugðust þeir skjótt við og boðuðu til
sellufundar til að fjalla um kröfur
„niðurrifsmannanna“ (orðið er fengið
að láni úr grein ritstjóra „Stúdenta“-
blaðs). Þessi fundur, sem var álíka fjöl-
mennur og aðalfundur Verðandi, tók
þá ákvörðun fyrir hönd Vökumanna að
vísa kröfum Verðandimanna um 2
ræðumenn á bug. Eftirfarandi klausa
úr greininni „Hvað veldur, hver
heldur“ kemur því eins og skrattinn úr
sauðaleggnum: „Er það málefnaleg
skoðun allra vinstri manna, sem greiddu
Verðandi sitt atkvæði í undangengnum
kosningum, að haga málum hátíða-
haldanna á þann hátt sem fyrr er greint
í „ályktun aðalfundar Verðandi", að
reyna að knýja fram kröfur sínar með
slíku gerræði sem fyrr greinir, ég spyr.
Hverjir sátu svo þennan aðalfund
Verðandi ? Voru það þeir 580 menn sem
greiddu þar atkvæði sitt. . .“ Að sama
skapi má spyrja, hverjir hafi setið sellu-
fund Vökumanna og hvort það hafi
verið þeir 588, sem greiddu þeim at-
kvæði ? í þessari sömu grein koma
fram hin furðulegu rök fyrir því að vísa
kröfum Verðandi á bug: „Ef ræðu-
mönnum væri íjölgað má lýðum ljóst
vera að slíkt yrði til að eyða áhrifum
orðanna, það mundi dreifa athyglinni
og áðurgreint hnitmiðað markmið og
gildi einnar ræðu mundi þannig að
mestu glatast. . .“ En ræðurnar voru
2 á Háskólahátíðinni og í Mbl. 6. des.
stendur: „Ef innan Háskólans finnast
margir menn á borð við H.S.K. og B.G.
ættu Háskólastúdentar ekki að þurfa
að leita út fyrir raðir sínar, er þeir velja
ræðumenn.“ Klofningur þessi er því
allur hinn undarlegasti en þess ber þó
að gæta að þar er ekki einungis við
Vökumenn að sakast.
Eftirtaldir aðilar
senda stúdentum
kveðju sína:
HEKLA HF.
Verkfræðiþjónusta
Guðmundar
Óskarssonar
Laugavegi107—172
FJARHITUIM SF.
ráðgefandi
verkfræðingar
Álftamýri 9
ISIÝJA
BLIKKSMIÐJAN
Ármúla 30,
sími 81172.
17