Fálkinn - 20.09.1961, Blaðsíða 31

Læknirinn var sóttur og hann spurði
hana hægt og þolinmóður, eins og hún
væri treggáfað barn. Hún skildi, að
hann gat dæmt hana til að verða lok-
uð inni aftur, og hún varð lömuð af
hræðslu.
— Ég skal vera í þessu herbergi, sagði
hún svo fljótmælt, að hún lauk varla
við sum orðin. — Ég skal hvílast og
hvílast, eins lengi og nauðsynlegt er,
og ég skal vera róleg og valda engum
vandræðum.
Hún þagnaði, en svo hélt hún áfram
með sjálfri sér, án þess að nokkuð hljóð
heyrðist: — Ég skal gera allt, allt, bara
að þið sendið mig ekki aftur á sjúkra-
húsið.
Eftir þetta lokaði Charlotte sig frá
öllu og öllum og fór aldrei út úr her-
bergi sínu, nema þegar enginn var heima
í húsinu. Annars gekk lífið sinn vana-
gang í kringum hana, en hún tók eng-
an þátt í neinu, sem gerðist í húsinu.
Hún barðist í örvæntingu sinni til að
reyna að halda vitinu, og hún gat al-
veg eins tapað í þessu stríði, því að nú
þarfnaðist hún meiri umhyggju og ást-
úður en nokkru sinni fyrr. En eigin-
maður hennar, sem hefði átt að hjálpa
henni, annað hvort gat eða vildi ekki
gera það.
Það var nú hægur vandi að sjá að
Arnold hataði konu sína, þó að hann
væri ekki nógu hreinskilinn til að við-
ur kenna það, — ekki einu sinni fyrir
sjálfum sér.
Nú voru jólin í nánd, og Charlotte
gat með erfiðismunum talið Arnold á
að fara með sig til Boston. Það var síð-
asta örvæntingarfulla tilraunin hennar
til að vinna ástir hans. Hún vildi vera
ein með honum, þar til eftir hátíðis-
dagana, og hún varð að gera allt til
að vinna sigur. Annars var ekkert nema
að viðurkenna vonlausan ósigur sinn.
Þetta jólaferðalag varð þó æ þyngri
og óþolanlegri prófraun fyrir þau bæði,
Arnold fór frá hótelinu snemma á
morgnana og var í burtu mestan hluta
dagsins. Og þegar hann kom aftur á
kvöldin, gramdist honum það svo tak-
markalaust, að hún skyldi hafa setið og
húkt í hótelherberginu allan daginn.
Hún hafði ekki einu sinni pantað fyrir
þau mat, og þá varð hann æfur, því að
honum var farið að finnast hann eiga
sök á þessu sinnuleysi hennar. Og hún
hafði hlakkað svo ósegjanlega til þessa
ferðalags.
— Hvers vegna ertu aldrei vingjarn-
legur við mig? sagði hún, þegar hann
kom óvenju seint heim eitt kvöldið.
— Dagurinn hefur verið svo óttalega
langur, án þín, og ég hef verið svo hræði-
lega einmana, Arnold.
— Um leið og ég er kominn inn úr
Frh. á næstu síðu.
>
>
&
>
*
>
>
*
*
>
>
>
&
>
>
&
>
>
>
>
>
&
*
&
>
>
&
>
&
*
t
*
Hrútsmerkið (21. marz—20. apríl).
í þessari viku munu ekki gerast neinir stóratburðir, en vik-
an mun færa yður gleði og þér munuð njóta þess að vera til.
Bæði heima fyrir og út í frá munu þér mæta ríkum skilningi
og margir munu hafa saknað þess, að þér hafið ekki verið í
návist þeirra. Fimmtudagur er sérlega happasæll.
Nautsmerkið (21. apríl—20. maí).
Stjörnurnar segja, að þessi vika sé full af tækifærum, sem
þér skuluð nota af mikilli varfærni og rasa ekki um ráð fram.
Þér ættuð ekki að láta lokkandi tilboð frá ýmsum aðilum hafa
nein áhrif á yður, en snúa yður að verkefnum þeim, sem bíða
yðar heima fyrir. Laugardagur er fremur ánægjulegur.
Tvíburamerkið (21. maí—21. júní).
Samkvæmt afstöðum stjarnanna mun vikan einkennast af
misheppnan og slæmu skapi, að vísu mun þetta ekki vara alla
vikuna, því að þegar vikulokin nálgast mun birta til og þér
get-ið gefið yður gleðinni á vald, Annars getið þér litið með
svolítilli meiri bjartsýni til framtíðarinnar.
Krabbamerkið (22. júní—22. júlí).
Ef þér sýnið alúð og hjálpsemi á vinnustað, munuð þér að
öllum líkindum geta leyst vandræði nokkur, sem þar hafa
komið upp. Mikill æsingur og órói bíður yðar heima fyrir og
þar er að vænta dálítilla breytinga, en þó mun allt fara vel,
ef þér sýnið röggsemi og viljaþrek. Á sunnudag fáið þér
óvænta heimsókn.
Ljónsmerkið (28. júlí—22. ágúst).
Þessi vika kemur t.il með að vera uppfull af gleði og ánægju
fyrir marga, sem fæddir eru undir þessu merki, sumir munu
lenda í ýmsum skemmtilegum smáævintýrum, en aðrir munu
gleðjast yfir minnsta tilefni. Ættingi yðar, sem þér hafið ekki
lengi séð, mun koma í heimsókn og gleðja yður mikið.
Jómfrúarmerkið (28. ágúst—22. sept.).
Þessa dagana munu koma upp vandræði nokkur, sem þér
þurfið að leysa strax. Þér verðið að vera ákveðinn í málum
þessum og sýna viðkomandi persónum festu og hopa hvergi á
hæli. Annars mun útlitið verða got.t í þessari viku og þér
munuð finna ástríki og vinsemd alls staðar frá.
Vogarskálamerkið (28. sept.—22. okt.).
Þér verðið að láta af því að vera að nugga yður utan í
hvern sem er. Þér ættuð heldur að beina athygli yðar að fjöl-
skyldunni og heimilislífinu, enda er mál til komið að þér farið
að sinna þeim málum eit-thvað, því eins og í gömlum skræðum
stendur, þá er hollt heima hvað. Happatala yðar er 8.
Sporðdrekamerkið (28. okt.—21. nóv.).
í þessari viku hafið þér tækifæri til þess að rétta fjárhag-
inn við, en til þess þurfið þér að taka á honum stóra yðar.
Hins vegar skuluð þér ekki fara að neinu óðslega, því að eftir
öllum sólarmerkjum að dæma mun yður takast að koma fjár-
hag yðar á réttan kjöl.
Bogmannsmerkið (22. nóv.—22. des.).
Þér megið ekki eyðileggja þau tækifæri til þess að koma
málum yðar í rétt horf með fljótfærni yðar. Ef þér hafiö frið
og ánægju í einkalífi yðar, þá skuluð þér nota diplómatshæfi-
leika yðar t.il hins ýtrasta, því að öðruvísi getur illa farið.
tjja&círr.:''. -
Steingeitarmerkið (23. des.—20. jan.).
Þér getið öðlazt vináttu manns nokkurs, ef þér lítið með
svolítið meiri samúð á galla hans, því að vissulega eruð þér
ekki gallalaus heldur. Stjörnurnar segja, að ungu fólki sem
fædd sé undir þessu merki, sé ráðlegast að láta skynsemina
ráða í öllu því, sem viðkemur tilfinningum.
V'atnsberamerkið (21. jan.—19. febr.).
Ef þér verðið duglegir og iðnir, er útlit. fyrir að þér hækkið
í tign í starfi yðar. Þau áform, sem þér og vinur yðar höfðu
á prjónunum, munu komast í framkvæmd von bráðar. Þessi
vika er afar heppileg til þess að byrja á einhverju nýju, og
er um að ræða verzlun og viðskipti.
Fiskmerkið (20. febr.—20. marz).
Þér hafið lengi verið önnum kafnir við að leysa vandamál,
sem snertir yður og fjölskyldu yðar og þér verðið neyddir til
þess að taka skjóta ákvörðun í málum þessum. Þér ættuð samt.
að stilla skap yðar og láta ekki duttlunga yðar og aðra skap-
bresti bitna á yðar nánasta samstarfsfólki.

FÁLKINN 31