Fálkinn - 18.09.1962, Side 19

rútar og gamlar hórur úr sér gengnar,
trúðar og fjöllistamenn. Þarna er hægt
að kaupa korpnaða skóræfla og gull-
flúraða ramma, mislitar dulur og gamla
silfurmynt. Af því fara ekki sögur
hvaðan varan er fengin, en Ferró segir
mér að oft megi gera þarna góð kaup.
Skæraslípari einn hefur með sér
fjölkunnuga geit sem er sú list lagin,
að klifra upp í stiga og standa á efstu
riminni á tveimur fótum.
Stundum er slegizt á torginu upp á
líf og dauða og var það þó einkum á
dögum Alsír-stríðsins, þá voru hnífar
á lofti og göturykið blandaðist heitu
blóði.
Eitt sinn gaf að líta nektardans á
torginu, gömul kona, sem ekki tolldu
nema tvær tennur í gómi, upphóf mik-
inn kynbombudans og tíndi af sér
spjarirnar jafnframt. Kannski hefur
hún dansað í sínu ungdæmi fyrir pípu-
hatta og verið klappað lof í lófa og
endurminningin merlað enn fyrir aug-
um hennar.
Á daginn standa listmálarar gjarnan
við trönur sínar og festa á léreft mót-
ívin sem fyrir augun ber, þröngar göt-
urnar sem liggja frá þessu torgi eru
taldar með því fegursta sem fyrir aug-
un ber í hinu forna borgarhverfi.
Þarna gerist margt. Eitt sinn var
morgunkyrrðin rofin er gríðarstór
mjólkurbíll fældist upp úr þurru og
renndi sér á húshliðina, þröngdi sér
inn í verzlun sem er á neðstu hæð og
var þá mikið um ó og æ.
Munaði mjóu að húslengjurnar
hryndu til grunna. Húsin eru ævaforn
og ekki lengur að treysta máttarstoð-
um. Það sannaðist átakanlega í vetur
leið er þrjár hæðir í samliggjandi húsi
hrundu niður eina nóttina, eiginmaður
sem hafði háttað í bólinu hjá konunni
sinni á sjöttu hæð vaknaði með hús-
freyjuna á þriðju hæð í fanginu. Hús
Ferrós stendur þó uppi ennþá, þó eru
þar ýmis teikn á lofti og þó einkum
á eldhúsloftinu: fjölskyldan var eitt
sinn að matast í mestu rólegheitum
þegar stór flykki úr loftinu féllu
skyndilega ofan í súpudiskana.
Það er allt að því daglegur viðburð-
ur að kvikni í húsinu og brunaliðsmenn
eru taldir allt að því fastir fjölskyldu-
vinir. Enn sem komið er hefur þeim
alltaf tekizt að slökkva eldinn áður en
F
Jökull Jakobsson ræðir við Ferró í París. Með-
fylgjandi myndir af götulífi Parísarborgar
tók Ferró út um gluggann sinn.
FÁLKINN 19