Fálkinn - 25.05.1964, Blaðsíða 4
Operu isönigkonu
i klipu
I>eír gleymasí
»íl ni«wt
Það er ekki langt síðan sagt var frá
því hér á síðunni að kvikmyndaleikar-
ar vildu oft gleymast fljótlega eftir að
þeir væru dánir. Tilefnið að þessari
frásögn var skoðanakönnun þar sem í
ljós kom að æskulýðurinn hafði ekki
hugmynd um hver Clark Gable hefði
verið. Hann var þó einu sinni kallaður
konungur Hollywood. Þannig vill það
oft fara.
Munið þið eftir manni sem hét Tyrone
Power og sást stundum á hvíta tjaldinu?
Kannski hafið þið séð hann í Mefki Zorro eða Sólin rennur upp eða
einhverri annarri af þeim rúmlega fjörutíu myndum sem hann lék í.
Hann va_r rúmlega fertugur þegar hann féll frá og stóð þá í blóma
lífsins. Útför hans var einhver^ sú virðulegasta og fjölsóttasta sem
gerð hefur verið í Hollywood. Ári eftir þessa minnisstæðu útför átti
að halda minningarguðþjónustu um Power. Fjölmörgum kvikmynda-
leikurum, leikstjórum og öðru kvikmyndafólki var boðið. Hversu
margir skyldu hafa komið? Þeir voru tveir, Raymond Massey og Van
Johnson. Þannig hefur það farið fyrir þessari vinsælu stjörnu Tyrone
Power. Hann er grafinn og gleymdur.
Það er margt sem getur drifið á dagana hjá óperu-
söngkonum ekki siður en hjá öðrum og kannski miklu
frekar. Hin ameríska óperusöngkona Anna Moff var
að aka á götu í Rómaborg í nýja bílnum sínum þegar
henni varð á skissa varðandi umferðina. Við skulum
segja að hún hafi brotið af sér varðandi biðskyldu
því það er vist ákaflega algengt brot. Og auðvitað
þurfti lögreglumaður að sjá til hennar. Hann bað um
að fá að sjá ökuskírteini hennar og síðan vegabréfið
Og þá kom í Ijós að það síðarnefnda var útrunnið
fyrir nokkrum dögum. Þar með var bíllinn tekinn af
söngkonunni og itölsk tollyfirvöld heimtuðu innflutn-
fngstollana greidda. Og það er engin smá upphæð
enda bíllinn góður Lincoln Continental með inn-
byggðum bar og allt það. Upphæðin nam 20.000 doll-
urum sem mun nálgast níu hundruð þúsund í íslenzk-
iim krónum. Söngkonan sagðist ekki borga grænan
cyri, lögfræðingur sinn mundi taka málið að sér en
meðan á þessu stæði ætlaði hún að kaupa sér einhvern
lítinn og þægilegan bíl til að snatta á. Og nokkrum
dögum seinna flaug hún til London og söng i Rigo-
letto í Covent Garden, en þá mun hún hafa verið
búin að fá leiða á litla bílnum því hún keypti sér
nýjan — einn Jaguar sem einnig var með innbyggð-
um bar og allt það.
Og af því við erum að tala um bíla og frægt fólk
er ekki úr vegi að segja hér aðra sögu til viðbótar.
Það henti hinn kunna sakamálasögurithöfund Mickey
Spillane (nokkrar bóka hans hafa komið út á ís-
lenzku) að bílnum hans var stolið Ekki var þetta
nærri eins merkilegur bíll og söngkonunnar heldur
Ford station árgerð 1963. Og rithöfundurinn hélt á
næstu lögreglustöð í Sarasota í Florida og kærði
stuldinn. „Ég veit hvað þið ætlið að segja drengir,“
sagði hann við lögregluna, „farðu og finndu hann
sjálfur þú þykist hvort sem er vera ágætur lögreglu-
maður.“ í hinum stolna bíl voru tveir dýrmætir hring-
ar sem eiginkona rithöfundarins átti, minnisbók hans
og uppkast af nýrri bók , The Body Lovers“, það eina
sem til var. „Það er allt í lagi með handritið,“ sagði
Spiilane, „þetta þýðir ekki annað en það að nú verð
ég að vinna næstu þrjá dagana verk sem ég var búinn
«ð vinna áður.“
UR YMSUM ATTUM
Þeir sem sáu kvik-
myndina South
Pacific sem sýnd var
í Laugarásbíó fyrir
nokkrum árum minn-
ast áreiðanlega ungr-
ar stúlku sem lék
í þessari mynd. Hún
heitir France Nuyen.
Þegar hún hafði
leikið í þessari mynd
hafði hún þegar
vakið á sér athygli
og hún fékk nokkur
smærri hlutverk. En
nú hefur vegur
hennar vaxið mjög og
margir spá því að hún
muni ná langt í fram-
tíðinni. Nýjasta mynd
hennar heitir Man in
the Middel og þar
leikur hún á
móti Robert Mitcum.
Sagt er að margir hafi
öfundað Mitchum af
þessum mótleikara.
4
FALKINN