Fréttablaðið - 14.10.2009, Blaðsíða 2

2 14. október 2009 MIÐVIKUDAGUR
Níels, leggur þú mat á siðferð-
ið?
„Já, ég vil koma því á hvers manns
disk.“
Níels S. Olgeirsson, formaður Matvæla-
og veitingafélags Íslands, segir mikilvægt
að bæta siðferði í veitingageiranum.
Stilling hf. • Sími 520 8000 • www.stilling.is • stilling@stilling.is
Bílavarahlutir
HEILBRIGÐISMÁL Ef ekki tekst að
hindra útbreiðslu svínaflensunnar
með bólusetningu getur það raskað
starfsemi Landspítalans. Þar eru
til þrjár hjarta- og lungnavélar, en
allmargar öndunarvélar að auki.
Þetta segir Þórólfur Guðnason
starfandi sóttvarnalæknir.
„Það þurfa ekki mörg tilfelli að
bætast við, til að mynda á gjör-
gæslu spítalans, sem þurfa önd-
unarvélaraðstoð eða slíkt, til þess
að skapa algjört neyðarástand.
Það má ekki gleyma því að þar
inn koma fleiri, sem lent hafa í
slysum eða veikindum og þurfa
bráðaaðstoð. Skilaboðin hing-
að frá Nýja-Sjálandi og Ástralíu
segja að við megum búast við því
að fá marga sem þurfa á hjarta-
og lungnavélum að halda. Það er
þeirra reynsla.“
Þórólfur undirstrikar að það sé
því mjög mikilvægt að heilbrigðis-
starfsmenn sem annast veikt fólk
láti bólusetja sig.
„Til þess eru þrjár ástæður. Í
fyrsta lagi þarf að vernda sjúklinga
gegn því að starfsmenn beri smit
á milli. Í öðru lagi er bólusetning
nauðsynleg til þess að starfsmenn-
irnir veikist ekki sjálfir og geti
sinnt störfum sínum sem eru svo
mikilvæg. Í þriðja lagi þarf fólk að
vernda fjölskyldur sínar með því
að bera ekki smit frá spítalanum
heim til sín.“
Þórólfur minnir á að svínaflensan
sé viðbót við það sem hvílir á
spítalanum frá degi til dags.
„Eins og fram hefur komið í
fréttum hefur sjúkrahúskerfið ekki
mikið aukapláss hvað varðar tæki,
húsnæði og starfsmenn til að takast
á við mikil vandamál aukalega.
Ef almenningur trassar að láta
bólusetja sig, faraldurinn breiðist
verulega út og innlögnum fjölgar
mikið gæti það þýtt að senda þyrfti
fólk af spítalanum og stöðva ein-
hverja starfsemi. Þetta gæti valdið
gríðarlegri röskun, meðal annars
fyrir aðra sjúklinga.“
Þórólfur segir svínaflensuna
breiðast hratt út, einkum á höfuð-
borgarsvæðinu. Tölur dagsins sýni
að tilfellum fjölgi ört.
jss@frettabladid.is
Stefnt getur í neyðar-
ástand á gjörgæslu
Ekki þurfa margir sjúklingar með svínaflensu að bætast við á gjörgæslu Land-
spítalans til að þar skapist algjört neyðarástand, segir Þórólfur Guðnason, starf-
andi sóttvarnalæknir. Á spítalanum eru aðeins þrjár hjarta- og lungnavélar.
LANDSPÍTALINN Ef almenningur
trassar að láta bólusetja sig, faraldur-
inn breiðist verulega út og innlögnum
fjölgar mikið gæti það þýtt að senda
þyrfti fólk af spítalanum og stöðva
einhverja starfsemi, segir starfandi
sóttvarnalæknir. FRÉTTABLAÐIÐ/GVA
FJÖLDI DAUÐSFALLA
til 13. október 2009
Svæði Fjöldi
Evrópa 204
Mið-Austurlönd 143
Afríka 104
Ameríka 3.233
Asía 806
Eyjaálfa 209
Samtals 4.699
Að minnsta kosti 4.700 manns
hafa látist af völdum svínaflensu í
heiminum, að því er fram kemur á
vefsíðu Evrópsku sóttvarnastofn-
unarinnar. Langflestir hafa látist í
Suður-Ameríku eða 2.164 manns. Í
Evrópu- og EFTA-löndum hafa 204
dáið af völdum svínaflensunnar.
Tölfræði yfir þá sem veikst hafa er
ekki lengur fyrir hendi, því stofnunin
hefur hætt samantekt þar sem heil-
brigðisyfirvöld flestra Evrópulanda
mæla nú aðeins með sýnatöku til
staðfestingar flensunni úr tilteknum
áhættuhópum.
ÞÚSUNDIR LÁTIST
Ástæða þess að bóluefni gegn
svínaflensu kemur mánuði síðar
til landsins en búist hafði verið við
er sú að mun hægara gekk að láta
veiruna vaxa í hænueggjum en búist
hafði verið við, samkvæmt upplýs-
ingum starfandi sóttvarnalæknis.
Veiran er ræktuð í eggjum og
þarf að vaxa þar til að hægt sé að
framleiða bóluefnið.
Fyrsta sendingin kemur hingað til
lands á morgun.
ÁSTÆÐA SEINKUNAR BÓLUEFNIS
ALÞINGI Bjarni Benediktsson, for-
maður Sjálfstæðisflokksins, segir
að meginskuldbinding Íslands í
Icesave-málinu liggi í vaxtabyrð-
inni. Þess vegna skipti ekki öllu
máli hvort áttatíu eða níutíu pró-
sent fáist upp í forgangskröfur
gamla Landsbankans.
Samkomulag um uppgjör á
eignum og skuldum vegna skipt-
ingar Landsbankans var kynnt
á mánudag. Með því er talið að
eignir bankans standi undir níu-
tíu prósentum af forgangskröf-
um í bankann en þar ber Icesave-
skuldir hæst.
Á þingi í gær fagnaði Bjarni
þeim málalyktum en bað um leið
fjármálaráðherra að útskýra
nokkur atriði málsins, meðal ann-
ars hvort nýtt virðismat á eigum
Landsbankans hefði einhverja
þýðingu fyrir skuldbindingar
ríkisins í Icesave-málinu.
Steingrímur J. Sigfússon kvað
það að sjálfsögðu skipta máli að
sem minnst stæði eftir af höfuð-
stól Icesave-skuldarinnar.
Bjarni sagði það svo sem rétt en
ekki mætti gleyma að meginþorri
skuldbindinganna væri vaxta-
kostnaður.
„Það skiptir ekki öllu þó að
það hafi auðvitað jákvæð áhrif
að áttatíu prósent eða níutíu pró-
sent endurheimtist vegna þess að
skuldbindingin sem við munum
fjalla um hér og höfum verið með
til umfjöllunar liggur öll í vaxta-
kostnaðinum.“ - bþs
Bjarni Benediktsson telur uppgjör eigna Landsbankans ekki veigamikið í Icesave:
Vaxtabyrðin vegur þyngst
STEINGRÍMUR J.
SIGFÚSSON
BJARNI
BENEDIKTSSON
NOREGUR, AP Norska Nóbelsnefnd-
in brá í gær út af vana sínum og
varði hina umdeildu ákvörðun að
veita Barack
Obama Banda-
ríkjaforseta
friðarverðlaun.
„Við erum
einfaldlega
ósammála
því að hann
hafi ekki gert
neitt. Hann
fékk verðlaun-
in fyrir það
sem hann hefur komið til leiðar,“
sagði Thorbjörn Jagland, fyrr-
verandi forsætisráðherra Noregs,
sem er formaður nefndarinnar.
Hann segir að Obama hafi
meðal annars boðið múslimum
sáttahönd og breytt áformum
Bush-stjórnarinnar um eldflauga-
varnir í Evrópu. - gb
Norska Nóbelsnefndin:
Obama hefur
víst gert mikið
THORBJÖRN
JAGLAND
DÓMSMÁL Gæsluvarðhald yfir
Gunnari Viðari Árnasyni, sem
grunaður er um stórfellt fíkni-
efnasmygl til landsins, hefur
verið framlengt þar til dómur
gengur í máli hans. Gunnar
hefur verið ákærður fyrir að
flytja til landsins rúm sex kíló af
amfetamíni í hraðsendingu í apríl
síðastliðnum.
Hæstiréttur hefur staðfest
þennan úrskurð héraðsdóms.
Varðhaldið nær þó ekki lengra en
til 5. nóvember.
Aðalmeðferð í máli Gunnars
Viðars fer fram á föstudag, og
munu meintir vitorðsmenn hans í
Hollandi gefa þar símaskýrslu. - sh
Meintur smyglari í haldi:
Áfram í gæslu
vegna fíkniefna
ALÞINGI Í kjölfar afsagnar
Ögmundar Jónassonar úr ríkis-
stjórn og skipan
Álfheiðar Inga-
dóttur í ráð-
herraembætti
hefur þingflokk-
ur VG hróker-
að sínu fólki í
fastanefndum
Alþingis.
Ögmundur
sest í fjór-
ar nefndir: efnahags- og skatta-
nefnd, sjávarútvegs- og landbún-
aðarnefnd, umhverfisnefnd og
utanríkismálanefnd.
Ýmsar tilfærslur aðrar fylgja
hrókeringum auk þess sem Árni
Þór Sigurðsson verður vara-
formaður þingflokksins í stað
Álfheiðar. - bþs
Breytingar á nefndaskipan VG:
Ögmundur í
fjórar nefndir
ÖGMUNDUR
JÓNASSON
EFNAHAGSMÁL Í erindi norsku fjárlaganefndarinnar
til Stórþingsins kemur skýrt fram að lán til Íslend-
inga haldist í hendur við afgreiðslu Alþjóðagjaldeyr-
issjóðsins (AGS) á málefnum þjóðarinnar. Þá verði
Íslendingar að standa við sínar alþjóðlegu skuldbind-
ingar og fara eftir regluverki Evrópusambandsins
um fjármál.
Undir þetta plagg rita formaður nefndarinnar, Reid-
ar Sandal, og talsmaður hennar, Per Olaf Lundteigen.
Sá síðarnefndi er þingmaður norska Miðflokksins og
það var ekki síst eftir samtal við hann að Sigmundur
Davíð Gunnlaugsson, formaður Framsóknarflokksins,
og Höskuldur Þórhallsson þingmaður héldu til Noregs
til að kanna möguleika á lánalínu fyrir Íslendinga.
Þeir Lundteigen og Sandal rita undir skjalið 5. maí.
Í því er norska fjármálaráðuneytinu veitt heimild til
að veita ríkisábyrgð á aðstoð til Íslendinga fyrir 675
milljónir norskra króna. Þar segir:
„Danmörk, Finnland, Noregur og Svíþjóð hafa sett
að skilyrði fyrir láninu að Ísland fylgi þeirri efna-
hagsáætlun sem náðst hefur samkomulag við AGS
um og að áfangar hennar verði samþykktir í stjórn
AGS. Í því felst að Ísland standi við alþjóðlegar
skuldbindingar sínar, þar með talið innlánstrygg-
ingaskuldbindingar, samkvæmt regluverki Evrópu-
sambandsins og að Ísland ráðist í nauðsynlega styrk-
ingu opinbers fjármálakerfis og íslensks efnahags.“
- kóp
Plagg sem Lundteigen skrifar undir tekur af allan vafa um lán Norðmanna:
Lán Norðmanna háð AGS
STÓRÞINGIÐ Fjárlaganefnd norska Stórþingsins tók af allan
vafa í maí um að aðstoð við Ísland væri háð því að landið
stæði við alþjóðlegar skuldbindingar sínar.
EFNAHAGSMÁL Ekki hafði enn
borist svar frá Bretum og Hol-
lendingum við samningstilboði
Íslendinga vegna Icesave þegar
Fréttablaðið fór í prentun í gær.
Steingrímur J. Sigfússon fjár-
málaráðherra átti þó alveg eins
von á svari í gærkvöldi eða í dag.
Hinn 23. október falla Icesave-
skuldirnar á íslenska innistæðu-
sjóðinn. Steingrímur segir
ekki nauðsynlegt að ljúka mál-
inu endanlega fyrir þann tíma,
en það verði að vera komið vel
áleiðis. „Ég hef minni áhyggjur
ef þá liggur fyrir efnislegt
samkomulag beggja aðila.“
- kóp
Ekki enn komið svar að utan:
Svars að vænta
um Icesave
DÓMSMÁL Ríkissaksóknari hefur
höfðað mál á hendur litháískri
konu á þrítugsaldri fyrir tilraun
til stórfellds fíkniefnasmygls.
Konan kom með rúmlega
836 grömm af metamfetamíni
til landsins 13. september.
Metamfetamín er yfirleitt sterk-
ara en amfetamín. Fíkniefnin
flutti hún með flugi til Íslands frá
Danmörku. Tollverðir fundu efnin
falin í fjórum niðursuðudósum í
farangri hennar við komu hennar
til Keflavíkurflugvallar. Í ákæru
segir að efnin hafi verið ætluð til
söludreifingar í ágóðaskyni hér á
landi. - jss
Kona á þrítugsaldri:
Með fíkniefni í
fjórum dósum
AMFETAMÍN Tollverðir fundu metamfet-
amín í farangri konunnar.
SPURNING DAGSINS