Iðnneminn - 01.05.1968, Side 6

eru í byggingu; einnig bendir þingið á, að
ekki sé rétt að hefja framkvæmdir við fleiri
iðnskóla fyrr en framkvæmdum þeim, er nú
standa yfir er lokið. Þingið varar við því, að
einstökum deildum verknámsins sé komið
fyrir utan skólans, og telur að það tefji að
framtíðarlausn náist. Jafnframt samþykkir
þingið harðorð mótmæli gegn því, að ekkert
skuli vera unnið við byggingu hins nýja Iðn-
skóla í Hafnarfirði, sem marka mun tímamót
í iðnfræðslu fyrir Gullbringu- og Kjósar-
sýslu.
6. Þingið krefst þess að bókleg kennsla í iðn-
skólum landsins verði færð í raunhæft form,
er miðist við undirbúningsmenntun þá, sem
nú er krafizt til inngöngu til iðnnáms. Vill
þingið benda á, að bóklegt nám í iðnskólum
í dag er miðað við fræðslulöggjöf, sem felld
var úr gildi fyrir 20 árum.
7. Þingið bendir á, að nám í iðnskólum lands-
ins í dag er engan veginn hæft sem undir-
búningsnám fyrir nám í Tækniskóla Islands.
Beinir þingið þeim tilmælum til iðnfræðslu-
yfirvalda, hvort ekki séu tök á, að koma á
fót 3ja mánaða bekk til undirbúnings tækni-
náms.
(-----------------------------—\
Ályktanir
2 5. þings
INSÍ
\_______________________________>
Atvinnumál.
25. þing INSÍ telur að ráðstafanir ríkisstjórn-
arinnar í atvinnu- og efnahagsmálmn leysi ekki
vanda undirstöðuatvinnuveganna, en séu hins
vegar óréttlætanleg árás á launastéttir landsins
og brot á gerðum samningum við verkalýðs-
hreyfinguna.
25. þing INSÍ vill vekja athygli á hinu geig-
vænlega ástandi iðnaðarins, og krefst þess að
nú þegar verði gerðar eftirtaldar ráðstafanir
honum til hjálpar:
1. Að hinn óhóflegi innflutningur alls kyns iðn-
vamings, sem innlend fyrirtæki framleiða
eða geta framleitt, verði takmarkaður.
2. Að lánveitingar til iðnaðarins verði auknar
og sérstök áherzla verði lögð á að sjá nýjum
þjóðhagslegum iðngreinum fyrir nægu fjár-
magni. Þingið álítur að lánveitingar til iðn-
aðarins séu alls ekki fullnægjandi til þess að
hann geti endumýjað sig og fylgzt með í
hinu mikla kapphlaupi nútíma iðnvæðingar.
Vill þingið í þessu sambandi benda á það, að
lánveitingar til verzlunar em mun hærri en
til iðnaðarins, sem teljast verði undirstöðu-
atvinnuvegur, og vill þingið vara við þessari
öfugþróun í lánamálum.
3. Að nú þegar verði tollalöggjöfin endurskoð-
uð og ráðstafanir gerðar til að vemda ís-
lenzkan iðnað. Tollalöggjöfin eins og hún er
í dag er óviðunandi, og sem dæmi má nefna,
að algengt er að hráefni til íslenzks iðnaðar
er oft á tíðum í hærri tollaflokki en sams-
konar fullunnar vömr erlendar.
4. Að aukin verði öll tækni og vísindaleg að-
stoð við iðnaðinn.
Að endingu vill þingið leggja áherzlu á að
samhliða þessum aðgerðum þurfi að taka upp
aukna áætlunargerð og skipulagningu atvinnu-
lífsins, í samræmi við þarfir þjóðarheildarinnar
og að ofangreindar ráðstafanir án festu og áætl-
unargerðar sé óraunhæfar.
6
IÐNNEMINN