Fréttablaðið - 18.11.2009, Qupperneq 19

HÁTÍÐARRIT
Geymið blaðið
tofnun Fríkirkjunnar í Reykjavík í lok 19. aldar er með merk-
ari atburðum íslenskrar kirkjusögu. Frá byrjun var Fríkirkjan
grasrótarhreyfing og nýtt lýðræðisafl í ferskum anda nýfengins
trúfrelsis. Hún var stofnuð af íslenskri alþýðu en ekki goðum,
höfðingjum, valds- eða embættismönnum. Iðnaðarmenn og barn-
margar verkamannafjölskyldur voru í fararbroddi sem og fjöl-
skyldur sjómanna og bænda sem voru að flytja
til Reykjavíkur. Stofnun Fríkirkjunnar gegndi
mikilvægu hlutverki í sjálfstæðisbaráttu Ís-
lendinga. Stofnunin og síðan bygging hinnar
stóru viðarkirkju við Tjörnina einkenndist af
einstakri framtakssemi, trú, von og djörfung.
Á fyrri hluta síðustu aldar tilheyrði helmingur
íbúa Reykjavíkur Fríkirkjunni og því hefur hún
alltaf verið miðlæg í sögu borgar og menningar-
lífs landsmanna.
Allir eru velkomnir í Fríkirkjuna, óháð þjóð-
erni, litarhætti, tungumáli, kyni, kynhneigð,
samfélagsstöðu eða trú.
Okkar samfélagslegu gildi og trúarlegu leið-
arljós hafa frá upphafi verið: Heiðarleiki, jafn-
ræði, frelsi, djörfung, mannréttindi, umburðar-
lyndi og víðsýni. Allt eru þetta gildi sem eiga sér
djúpar og órjúfanlegar rætur í þjóðarsál okkar.
Fríkirkjan í Reykjavík þakkar af alhug þeim mörgu sem hafa
haldið uppi og leitt starf kirkjunnar í 110 ár. Víst er að Kvenfé-
lag Fríkirkjunnar hefur átt ríkulegan þátt í flestum þeim fram-
faramálum er Fríkirkjan hefur komið að. Blað þetta er helgað
fjölmörgum velunnurum og það er von okkar að í því megi finna
fróðleik um sögu okkar og starf, hugsjónir og framtíðarsýn.
Heiðarleiki
Jafnræði
Frelsi
Djörfung
Mannréttindi
Umburðarlyndi
Víðsýni
S
F
R
É
T
TA
B
L
A
Ð
IÐ
/G
V
A