Vikan - 30.10.1952, Blaðsíða 10

10
VIKAN, nr. 42, 1952
- HEIMILIÐ -
BITSTJÓRI: EL.ÍN PALMADÓTTIB
AÐSTOÐ TIL SÆNGURKVENNA
Meira öryggi fyrir konur að fœða börn
sín heima, ef þœr hafa góða hjálp, segir
Helga Níelsdóttir tjósmóðir.
FYRIR nokkrum vikum lásum við
í Morgunblaðinu, að frú Auður Auð-
uns hefði skýrt frá því á fundi bæj-
arstjórnar, að bærinn hefði stúlkur
til hjálpar sængurkonum.
Nú hefur VIKAN snúið sér til
Helgu Nielsdóttur ljósmóður, sem
hefur séð um þessa aðstoð á þriðja
ár og fengið hjá henni nánari upp-
lýsingar um þessi mál.
Helga hefur á að skipa þrem fast-
ráðnum stúlkum, sem allar eru á
kaupi hjá bænum. Auk þess fær hún
aukastúlkur, ef á þarf að halda. Nú
um tíma hafa t. d. sjö stúlkur séð
um heimili sængurkvenna, meðan þær
hafa átt börn sín.
Sængurkona, sem á barn sitt heima
og ekki hefur húshjálp, getur þvi
snúið sér til Helgu Nielsdóttur með
beiðni um aðstoð og fengið stúlku í
12 daga frá niu á morgnana til kl.
sjö á kvöldin. Auk þess hefur stund-
um verið hægt að senda stúlku til
að þvo 1—2 þvotta eftir að húsmóð-
irin er komin á fætur, þ. e. s. ef
ekki liggja of margar hjálparbeiðnir
fyrir.
Aðstoðarstúlkurnar leysa af hendi
þau heimilisstörf, sem með þarf: þvo,
matreiða, hugsa um börnin o. fl.
Þessvegna þurfa þær helzt að kunna
öll hússtörf. Tvær af aðstoðarstúlk-
unum, sem nú hafa þetta starf á
hendi, eru útskrifaðar af húsmæðra-
skólum.
Ein stúlknanna, sem ráðin er til
frambúðar til þessa starfa, er nú á
vegum norska húsmæðrasambandsins
á námskeiði fyrir slíkar aðstoðar-
stúlkur i Voss í Noregi. Þar vinnur
hún um tíma á fæðingardeild, í
sjúkrahúsi og þvottahúsi og fær til-
sögn í hverskonar hússtörfum og
meðferð mjólkur, með tilliti til sveit-
anna. Frú Helga segist vonast til að
geta skipulagt þessa hjálp betur,
þegar hún fái fleiri stúlkur sérstak-
lega menntaðar til þessa starfa.
Frúin lagði mikla áherzlu á að
hún væri sammála grein, sem land-
læknir skrifaði í Heilbrigðistíðindi,
þar sem hann hélt þvi fram að í
raun og veru væri mikið meira
öryggi í því fyrir konur að fæða börn
sín heima, ef þær hefðu góða hjálp,
þó það væri auðvitað lífsspursmál
að hafa fæðingardeildir, ef eitthvað
kemur fyrir og fyrir þær stúlkur,
sem ekkert heimili eiga.
Við spurðum frúna, hvort slík hjálp
til sængurkvenna væri nýtilkomin.
„Nei, Magnús Jóhannesson hafði
slíka aðstoð með höndum fyrir 20—
30 árum og aðstoðaði þau heimili,
sem nutu styrks hjá bænum. Um
tíma hafði Likn slikar aðstoðarstúlk-
ur og nú hefi ég séð um þetta á
þriðja ár fyrir ljósmæðrafélagið."
„Getið þér sinnt öllum beiðnum?"
„Ég man aldrei eftir að hafa neit-
að nokkru heimili um aðstoð.“
„Og hvernig finnst stúlkunum að-
búðin og hreinlætið á heimilunum ?“
„Yfirleitt eru stúlkurnar bundnar
þagnarheiti um það sem þær sjá á
heimilunum eins og ljósmæðurnar
sjálfar. Ef hreinlæti er ábótavant, þá
er það þeirra að bæta úr því."
„Er þessi hjálp aðeins veitt sæng-
urkonum?"
„Já, sama stúlkan getur ekki
hugsað um sængurkonur og aðra
sjúklinga t. d. taugaveikissjúklinga
eða hálsbólgusjúklinga. Til þess
þyrfti aðrar stúlkur."
„Borga sængurkonurnar eitthvað
fyrir aðstoðina?"
„Ef ástæðumar eru góðar á heim-
ilinu borgar það 20 kr. á dag. Ann-
ars legg ég til að hjálpin verði veitt
ókeypis og bærinn hefur verið ákaf-
lega rýmilegur með það.“
Við þökkum svo Helgu Nielsdóttur
fyrir upplýsingamar. Hún þekkir
kvenna bezt hvernig þessum málum
er háttað í Reykjavík, því hún hefur
verið ljósmóðir í bænum síðan 1927.
Allar aðstæður hafa mikið breytzt
síðan hún hóf starfsferil sinn og þá
áttum við enga fæðingardeild.
garðurinn
■'7'i
f
-=ÍJD
Maðurinn með fuglsvipinn er mjög vinsæll i
gleðskap. Svo ef þér þykir gaman að skemmta
þér . . .
Það er margs að gæta á
barnaheimilum
• hágir bamastólar eru börnun-
um síður hœttulegir en venjulegir
barnastólar.
• Bindið bömvn i vagninn og stól-
inn, þegar þau fara að hreyfa sig og
klifra.
• Setjið hlið ofan við stigann,
þangað txl barnið getur sjálft geng-
ið niður.
• Setjið rimla fyrir opna glugga.
• Hafið ekki barnið í eldhúsinu
meðan þið eruð að steikja. Feiti-
slettur eru hœttulegár.
• Venjið ykkur á að setja skapt-
pottana þannig frá ykkur að skaptið
snúi að veggnum og látið skaptið
á pönnunni ekki undir neinum kring-
umstœðum standa fram af borðrönd-
inni.
• Setjið heit föt alltaf á mitt
borðið meðan verið er að borða.
• Festið dúkinn, svo barnið geti
ekki dregið hann til sín.
• Látið barnið ekki ná i tölur,
baunir eða aðra litla liluti, meðan
það stingur öllu upp í sig.
• Látið barnið ekki hafa blýanta
eða aðra oddhvassa hluti. Það getur
hlaupið með þá uppi í sér og dottið.
• Verið nákvœmar með hita bað-
vatnsins.
• Snertið aldrei rafmagnsáliald
meðan þið eruð að baða barnið.
• Slciljið aldrei eftir bala með
heitu vatni á gólfinu.
• Gœtið þess vandlega að hafa
rafmagnstenglana i lagi og venjið
barnið strax á að snerta þá ekki.
• Geymið eldspýtustokkana, þar
sem bamið ncer ekki í þá.
• Hendið strax glerbrotum og
tómum dósum. Og gœtið um fram
allt rakvélablaðanna.
• Losið ykkur við allt eitur.
Skýrslur sýna að meirihluti fólks,
sem deyr af því að borða óviljandi
eitur, eru börn á aldrinum 1—2 ára.
• Lokið vandlega niðri öll meðul,
blettavatn, stei/noliu, tóbak, ammon-
íak og önnur efni til að hreinsa með.
UR YMSUM ATTUM
10 mest hrífandi menn heimsins.
Marlene Dietrich er vafalaust
frægasta amma heimsins. Þó
hún sé komin til ára sinni, er
hún jafn töfrandi og áður og
hún hefur enn hæfileikann til
að heilla karlmenn, hvort sem
er á léreftinu eða í eigin per-
sónu. Fyrir nokkrum árum
sagði hún blaðamanni nokkrum,
hverjir væru 10 mest hrífandi
karlmenn, sem hún hefði
kynnzt. Við könnumst við þá
alla, þó við höfum ekki orðið
fyrir persónulegu aðdráttarafli
þeirra:
Erich María Remarque rit-
höfundur, Ernest Hemingway
rithöfundur, Eerle Stanley
Gardner, Noel Coward leikari,
Alexander Kirk frv. sendiherra
í Róm, tónskáldið Igor Strav-
insky, hljómsveitarstjórinn Art-
uro Toscanini, kvikmyndastjór-
inn Robert Rossolini (þar var
Ingrid Bergmann henni sam-
mála) og málararnir Pablo
Picasso og Salvador Dali.
Aftur á móti finnst henni
hershöfðingjar hræðilega alvar-
legir menn — nema í stríði. Og
þegar hún var spurð hvaða
manni hana langaði til að kynn-
ast, svaraði hún: ,,Engum.“
Greta Garbo býr nú á Hotel
Carlton í Cannes og sést oft
án dökku sólgleraugnanna og
barðastóra hattsins. Hún ekur
um nágrennið með Emile, bíl-
stjóranum, sem er nú búinn að
aka henni í 30 ár.
Fleiri frægar konur búa á
Carlton um þessar mundir. Þar
er t. d. hertogafrúin af Winds-
or, sem aldrei leyfir sér að
ganga í stuttbuxum á strönd-
inni. Nuddkonan hennar, Berta,
er með henni, eins og venjulega.
Hættum að nota ljótu höfuðklútana
Flestum kemur saman um aö ekkert
höfuðfat sé Ijótara og óklœðilegra á kven-
fólkinu en íclútar bundnir undir kverk.
En hér á íslandi er alveg nauðsynlegt að
hafa eitthvað áhöfðinu, sem hylur hárið,
svo það blotni ekki í rigningunni og sit-
ur fast á höfðinu, svo það fjúki ekki í
rokinu.
hneppa henni með einum hnappi
neðst í hnakkanum. Þá myndast gat
á hvirflinum og sumir setja vattrönd
kringum það líka, til að halda því
stífu, en það er þó ekki nauðsynlegt.
í mestu kuldunum í fyrravetur
komu svona húfur á markaðinn í
Frakklandi og viku seinna sást önn-
ur hver kona með þær á götunni,
bæði með fínum pelsum eða sport-
kápum.
Báða þessa kosti hefur húfan á
myndinni. Og hún hefur líka fleira
sér til ágætis, því hún er bæði klæði-
leg og tvilit, græn að innan og svört
að utan, svo það er hægt að snúa
henni við.
Og til að eignast svona höfuðfat,
þurfum við ckki annað en að prjóna
tvö stykki með sléttu prjóni, grænt
og svart, setja vattrönd á milli þeirra
að framan, svo húfan rísi svolítið
við andlitið, sauma hana saman og