Vikan - 15.01.1953, Qupperneq 10

- HEIMILIÐ -
RITSTJÓRI: EUN PALMADÓTTIR
Fiskréttir
[■ TM þessar mundir er oft erf-
^ itt að fá góðan fisk og þá
ríður á því að húsmóðirin kunni
að matreiða hann.
Gufusoðinn fiskur
Fiskurinn verður sérlega bragð-
góður ef hann er gufusoðinn, því þá
helzt í honum allt það bragð, sem
annars vill týnast í vatninu. Þegar
búið er að verka og salta fiskinn, er
hann lagður á rist í eldtrausta skál
og brætt smjör og sítrónusafi látið
drjúpa yfir hann. Skálinni er lokað
og henni stungið í ofninn. Iskorinn
fiskur er soðinn eftir ca. 30 mín., en
heill þorskur eftir 1—1 % tíma.
Fiskdeig
Best er að kaupa fiskinn daginn
áður en á að nota hann og láta hann
hanga, svo hann verði vatnsminni
og stinnari. Það er nokkur fyrirhöfn
að laga fiskdeig og þessvegna ágætt
að hafa það nægilega mikið til
tveggja daga (í bollur annan dag-
inn og hring hinn). Ef um fiskflök
er að ræða þarf fyrst að þurrka þau
með deigum klút og þurrum á eftir.
1 2 kg. af fiski eða 750 gr. af fisk-
fiökum þarf 2. tesk. af salti, 2 msk.
af hveiti, 2 msk. af kartöflumjöli,
75 gr. af smjöri, 5 dl af kaldri soð-
inni mjólk, 2 dl. af köldum soðnum
rjóma (eða aðeins mjólk), 2 eggja-
hvítur og pipar.
Fiskflökin eru hökkuð fimm sinn-
um ásamt saltinu, hveitinu og kart-
öflumjölinu. Því næst er mjólk og
rjóma bætt í, einni skeið í einu. Pip-
arinn, eggjahvíturnar og brætt, kalt
smjörið látíð í. Deigið verður að hrær-
ast vel og lengi. Úr þessu verður um
1 Vi kg. af fiskdeigi.
Þorskbuff
3—4 litlir þorskar, salt, pipar, 2—3
laukar, 2—3 msk. hveiti, 75 gr.
smjör, V4, 1. mjólk, sósulitur.
Fiskurinn er þveginn og flakaður
(höfuðið og beinin soðin í vatni með
dálitlu salti og lauk). Flökin eru
söltuð og látin bíða í ca. 10 min. Þá
eru þau skoluð, þurrkuð með klút og
vellt í hveiti, sem dálitlu af salti og
pipar hefur verið blandað í. Lauk-
urinn er brúnaður í 25 gr. af smjör-
inu og lagður á disk. Því næst eru
flökin steikt í smjörinu og haldið
heitum á fati. Leyfunum af hveitinu
er nú hrært á pönnunni út í leyfun-
um af smjörinu. Þetta er þynnt með
soðinu (af höfðinu og beinunum) og
mjólkinni, þar til sósan er hæfilega
þykk. Þá er bætt í hana 1 skeið af
tómatkrafti og hún lituð fallega bnin.
Laukurinn er hitaður upp í sósunni,
sem annaðhvort er hellt yfir flökin
eða borin á borð i sósuskál. Fiskinn
má skreyta með steiktum tómatsneið-
um.
BDRÐTUSKAN
sem öllu bjargar og alltaf er útundan.
að er margt sem kemur fyrir
borðtuskuna á morgnana. Henni
er kastað kæruleysislega yfir vatns-
rörið, svo ekki getur hjá því farið að
hún dragist öðru hvoru niður í vask-
inn. Hún kemur að góðum notum við
að þurrka af eldavélinni, því kaffið
sýður stundum niður og svo er það
hafragrauturinn ... já, það er í
mörgu að snúast á morgnana.
Svo vantar húsmóðurina ef til vill
hnif, einmitt þegar annar eldhúshníf-
urinn er ataður smjöri og hinn kæfu
síðan hún smurði brauðið með morg-
unkaffinu — aha, borðtuskan getur
bjargað því! Næst þarf að þurrka af
skaptpottinum, áður en eplagrautur-
inn er settur yfir — enn kemur borð-
tuskan í góðar þarfir. Klútnum er
kannski snúið við, svo kæfan snúi
inn og kannski er það ekki gert.
Finnst ykkur ég ýkja? Ég hefi
sjálf séð svona borðtuskur og meira
að segja á ,,fyrirmyndar“-heimilum.
Það er ákaflega undarlegt, en þegar
borðtuskan á í hlut, kæra margar
húsmæður sig kollóttar um allt hrein-
læti, þó þeim mundi sennilega hrylla
við uppþurkunarklútnum, ef hann liti
þannig út.
Engri húsmóður dettur i hug að
nota uppþurrkunarklútínn sinn þang-
að til svo mikil fita er sezt i hann, að
hann hafnar angandi af fýlu i rusla-
körfunni. Nei, hann fær virðulegan
sess innan um annan óhreinan þvott
og er svo þveginn og soðinn eftir
listarinnar reglum.
Það er að vísu slæmt að ekki skuli
fást heppilegar borðtuskur í búðun-
um. Þær sem fást líkjast meir gólf-
klútum. En öðru hvoru þurfum við
að henda ónýtum nærfötum eða öðru,
svo það ætti ekki að vera mikil vand-
ræði á að safna 6—8 borðtuskum,
því svo margar þurfa þær að vera,
ef þær eiga ekki að líta ver út en
gólfklútar eftir nokkra daga.
Ef skipt er um tusku að minnsta
kosti einu sinni í viku' og mjög fit-
ugir hlutir þurkaðir með pappír —
t d. pappírnum utan af brauðinu —
ætti ekki að þurfa að sjóða þær sér-
staklega í sódavatni. En auðvitað
verður að vinda tuskuna upp eftir
hvern uppþvott og láta hana þorna
að minnsta kosti einu sinni á dag.
Þetta er fljótgert um leið og hellt er
sjóðandi vatni yfir uppþvottaburst-
ann.
En hvaða reglur sem þið setjið
ykkur með þvott borðtuskunnar þá
munið fyrir alla muni að stærsta af-
brotið er að strjúka fituna af hnífn-
um með henni. Það eru takmörk fyrir
því hvað jafnvel borðtuska þolir.
Eins og gengur —
„1 mörg ár vissi ég ekki hvar mað-
urinn minn var,“ sagði kona nokkur,
„en svo kom ég einu sinni snemma
beim og þar var hann."
FÓSTURBARN
eftir franska uppeldisfræðinginn Dr. B. Spock
Hvaða skilyrði þurfa að vera fyrir
hendi, ef hjón hafa í hyggju að taka
að sér barn?
Bœöi hjónin verður að langa jafn
mikið til að taka barnið.
Hjónin verða bæði að álíta að þau
geti ekki án þess verið. Það er hættu-
legt að taka að sér barn:
® ef annað hjónanna lætur það
eftir hinu.
• ef konan er að reyna að vinna
aftur ást manns síns með því.
• ef til þess liggja hagnýtar
ástæður (hjónin vilja fá hjálp við
störf sín, eignast erfingja, eða
tr’yg'g'ja sér einhvern til að sjá um
sig í ellinni).
Það er hættulegt vegna þess að
barnið finnur að það er ekki elskað
á eðlilegan hátt og getur ekki orðið
hamingjusamt: það vantar öryggi,
óttast að verða yfirgefið aftur og fer
stundum að hegða sér illa.
Foreldrar mega ekki vera of gaml-
ir og ekki of vanir barnlausu heimili.
Það er betra að barnið sé tekið
mjög ungt, svo foreldrunum finnist
að þau séu að annast sitt eigið af-
kvæmi. Samt sem áður vilja sumir
bíða, þar til barnið er eins árs, því
oft er erfitt að gera sér grein fyrir
og velja nýfætt barn.
Það liggur líka mikil hætta í að
taka barn í stað annars, sem foreldr-
arnir hafa misst, því það verður for-
eldrunum erfiðara að elska það vegna
þess sjálfs. Það er óhætt að taka barn
af sama kyni, á sama aldri og svipað
dána barninu í útliti, en lengra má
Amerískur tízkukjóll
ekki ganga og alls ekki ætlast til
þess að fósturbarnið hegði sér á sama
hátt og hitt barnið. Því tekst aldrei
að koma algerlega í stað annars
barns og allir aðilar verða fyrir von-
brigðum. Foreldrarnir verða fyri alla
muni að forðast að gera nokkurn
samanburð, bæði upphátt og í hugar-
fylgsnum sínum.
Á barnið að vita að það er fóstur
barn ?
Já, segja flestir, sem reynslu hafa
í þessum efnum.
Barnið kemst áreiðanlega að því
einhvern tíma, hvernig sem farið er
að og það getur haft slæm áhrif á
tilfinningalif þess og öryggistilfinn-
ingu um margra ára skeið.
• það má ekki bíða og segja
barninu það svo eins og um mikið
leyndarmál sé að ræða, að það sé
fósturbarn.
• það ætti að tala eðlilega og
hiklaust um þetta mál við barnið og
aðra þegar það heyrir til.
• það verður að svara öllum
spurningum barnsins, varðandi þetta
mál, eðlilega og í samræmi við það
sem því hefur áður verið sagt.
• það verður að gæta þess að
leggja hvorki of mikla áherzlu á
þetta atriði, né forðast það.
• bezt er að áégja barninu oft
frá því hversu mjög fósturforeldrana
langaði tíl að eiga barn til að láta
sér þykja vænt um og hversu glöð
þau voru þegar þau fengu loks litla
stúlku með blá augu og eplakinnar,
alveg eins og þau höfðu óskað sér.
• foreldrarnir verða að vera und-
ir það búnir þegar barnið spyr (3—4
ára) hvaðan börnin komi. Segið
því þá blátt áfram að það hafi vaxið
í annari móður áður en það kom til
sinnar núverandi móður.
• segið barninu aldrei að hin upp-
runalega móðir þess hafi ekki viljað
það. Það getur eyðilagt traust þess
til allra mæðra og fyllt það örvænt-
ingu. Segið því að einhverjar ástæð-
ur, sem enginn viti um, hafi hindrað
hana í því að annast það. Endur-
takið svo að nú eigið þið það og
munið ekki sleppa því.
| SAMTALSÞÆTTIR !
E Sonju í SAMTlÐINNI njóta mik- ■
5 illa vinsælda. 10 hefti (320 bls.) j
■ árlega fyrir aðeins 35 kr. Sendið E
■ áskriftarpöntun í dag, og þér fá- E
! ið tímaritið frá síðustu áramótum. ■
S Árgjald fylgi pöntun.
'■*■■■■■■■■■■■■■■■■■■■■■■■■■■■■■■■■■■■■■■■■■■■■■■■•■
10