Vikan - 11.10.1962, Blaðsíða 28
U
4
'bifPioQ r>
Stjörnuspáin gildir frá fimmtudegi til fimmtudags.
HrútsmerkiÖ (21. marz — 20. apr.): Líklega kem-
ur einhver kunningi þinn bér á óvart í vikunni og
þú tekur þetta illa upp, en í rauninni er þetta vel
meint hjá honum, og hann vill þér alls ekki nema
vel. Þú fer-ð i samkvæmi í vikunni, þar sem margt
verður um manninn. 1 þessu samkvæmi kynnist þú persónu,
sem gæti orðið þér dyggur vinur í framtiðinni. Heillatala 11.
NautsmerkiS (21. apr.—21. mai): Þú verður fyr-
ir alls kyns mótlæti í vikunni, en þú ert sannar-
lega maður til þess að láta ekki bugast — og fyrr
en varir berst þér hjálp úr óvæntri átt, og verður
það til þess að þú ferð að líta bjartari augum á
tilveruna. Gleymska þín á líklega eftir að koma þér í koll í
vikunni, og verður þetta þér vissulega víti til varnaðar.
Tvíburamerkiö (22. mai — 21. júní): Þér bjóðast
tvö tækifæri i vikunni, en þér er ekki unnt að nýta
þér nema annað þeirra, og meira að segja er hætt
við að þú getir hvorugt þeirra nýtt þér sakir
anna. Reyndu samt að haga því svo til að skyldu-
störfin fái að biða i svo sem viku, til þess að þú getir notað
þér tækifærið, þvi að þér býðst ekki annað slíkt í bráð.
Krabbamerlciö (22. júni — 23. júlí): Þetta verður
skemmtileg vika í alla staði — þú umgengst margt
fólk og alls kyns manngerðir, margt fólk, sem þú
hefur aldrei séð áður, og er margt á þvi að græða.
Um helgina ferð þú iíklega í samkvæmi, en lík-
lega verður þú að hverfa úr því samkvæmi af óviðráðanleg-
um orsökum. Sunnudagurinn er mikill heilladagur fyrir þig.
Ljónsmerkið (24. júli — 23. ág.): Það gerist ým-
islegt óvænt í vikunni, og þú munt eiga i ýmsu að
snúast. Yfirleitt verður vikan hin skemmtilegasta,
þótt verið geti að eitt atvik varpi á hana skugga,
og átt þú mest sök á því sjálfur. Persóna, sem til
þessa hefur reynzt þér vel, bregzt þér nú illilega, en þetta
stafar aí vangá. Dæmdu þessa persónu ekki of fljótt.
Meyjarmerlciö (24. ág. — 23. sept.): Þetta verður
óvenjuleg vika, svo ekki sé meira sagt, því að
henni svipar ekki til þeirra vikna, sem þú hefur
lifað það sem af er þessu ári. Þú færð eitthvað
skriflegt, sem kemur þér i ágætt skap, enda máttu
vera hreykinn af því, sem þar er um að ræða. Likur eru á
skemmtilegu ferðalagi í skemmtilegum félagsskap.
Vogarmerkiö (24. sept. — 23. okt.): Þú skalt fara
sparlega með peninga í vikunni og ekki eyða þeim
nema í nauðsynlegustu hluti, því að innan skamms
muntu þurfa á öllum þessum óeyddu peningum að
halda, svo ekki sé meira sagt. Þú hefur vanrækt
eitt starf þitt, og virðist allt vera komið i óefni. Þó getur þú
rétt Þetta við, ef þú hefst þegar í stað handa. Heillatala 7.
Drekamerkiö (24. okt. — 23. nóv.): 1 vikunni ger-
ist nú það, sem þú hefur beðið eftir síðustu vikur,
og verður þvi vikan hin ánægjulegasta í alla staði.
Einn fjölskyldumeðlimur hverfur af sjónarsvið-
inu um stundarsakir, og kemur það sér nokkuð illa
fyrir þig. Þú munt kunna bezt við þig heima við í vikunni,
enda er þér einmitt hollast að sitja heima. Heillalitur rautt.
Bogmannsmerkiö (23. nóv. — 21. des.): Það ger-
ist að visu ekki mikið í vikunni, en bak við tjöldin
er eitthvað að gerast, sem snertir þig og einn fé-
laga þinn mjög mikið, og fæst ekki úr þvi skorið
fyrr en i næstu viku. Þú munt komast að því, að
þú hefur gert þér alrangar hugmyndir um einn félaga þinn,
og er kominn tími til að þú komist að hinu sanna um hann.
Geitarmerkiö (22. des.—20. jan.): Ekki er vist
að þessi vika verði eins og þú hafðir gert þér von-
ir um, en þótt svo verði ekki, skaltu ekki kvíða
neinu, þvi hún verður hin skemmtilegasta i alla
staði. Þú færð skemmtilegt verkefni að glima við
í vikunni, en láttu þig ekki dreyma um að þú getir lokið því
á svona skömmum tima. Líkur á skemmtilegu heimboði.
VatnsberamerkiÖ (21. jan. — 19. feb.): Fram að
ehelgi verður vikan fremur tilbreytingarlítil, en
um helgina gerist eitthvað, sem vissulega kemur
lífi í tuskurnar. Gamall draumur þinn rætist að
einhverju leyti — Þó engan veginn til fulls, en þú
mátt vel við una. Á mánudag gerist skringilegur atburður,
sem kemur þér í einhvern vanda. Málið skýrist betur i næstu
viku.
Fiskamerkið (20. feb. — 20. marz): Þú hefur
helgað einu áhugamáli þinu mikinn tíma undan-
farið, og nú kemst þú að þvi, að þú getur haft
mikið gagn af þessu áhugamáli — það getur jafn-
vel orðið til þess að útvega Þér nokkrar aukatekj-
ur. Það er vissulega full ástæða til að sinna Þessu meira. Þú
færð einkennilegan mann í heimsókn — líklega fyrir helgi.
4