Vikan - 31.03.1966, Blaðsíða 22

Nýstárlegasta bókin, sem um þessar mund-
ir stendur til boða á bandarískum bókamark-
aði, er ævisaga ófreskrar konu, hinnar und-
ursamlegu Jeane Dixon. Bókin, sem ber
heitið Spágáfa (A Gift of Prophercy), er
rituð af Ruth Montgomery, sem skrifar
stjórnmálagreinar fyrir blaðahring nokkurn,
og gefin út af William Morrow & Co., New
York í árslok 1965 og hefur nú verið prent-
uð í níunda sinn. Samanþjappaður úrdrátt-
ur úr henni birtist síðastliðið sumar í The
Readers Digest undir heitinu Krystalskúlan
(The Crystal Ball), og yfirlit um hana var
prentað í bókaþætti New York Times síðla
í haust leið.
í því andrúmslofti menningar, þar sem
frásögnum af fyrirbærum er tekið með til-
búinni tortryggni ef ekki beinlínis með spotti
og spéi, þar hlýtur sú staðreynd, að þessi
bók vekur slíka athygli, að bera vott um
breytingu á almenningsáliti í Bandaríkjun-
um á þeim málum, sem ekki verða sönnuð
vísindalega; í stað þess að láta í ljós van-
trú freista menn nú að segja álit sitt. Vissu-
lega hefur heimurinn þörf fyrir fáein krafta-
verk ásamt vísbendingum um hvað fram-
tíðin ber í skauti sér fyrir allar þjóðir á
þessum tímum alþjóðlegra þrætumála og
misskilnings. Þessi bók boðar hvorttveggja.
Hæfni Jeane Dixon til að „sjá“ fram í
tímann ekki síður en til hins liðna gerði
að verkum, að hún gat spáð hárrétt fyrir
um dauða Franklins heitins Roosevelts, til-
komu Harrys Trumans í forsetastól „fyrir
tilstuðlan Guðs“, morð og hina skömmu em-
bættistíð Johns F. Kennedys, jafnvel upp
á klukkustund. Einnig gat hún gefið vís-
bendingu um nafn morðingjans.
Einnig spáði hún fyrir dauða leikkvenn-
anna Carole Lombard og Marilyn Monroe
og stjórnmálamannanna Dags Hammar-
skjölds og Mahatma Gandhi. 1965, þegar
Nehru hafði verið forsætisráðherra Indlands
í níu ár, spáði hún að maður, sem héti nafni
er byrjaði á S, tæki við af honum þegar hann
væri um það bil sjötíu ára. Lal Bahadur
Shastri var kjörinn eftirmaður Nehrus 1964.
Meðal annarra atburða, sem hún sá fyrir,
má nefna skiptingu Indlands, sovézka spút-
nikkinn og sigur kommúnisma í Kína.
Þá hefur hún spáð, að Rússland verði ríkja
fyrst til að koma manni til tunglsins, trú-
lega innan þriggja ára; að þrír muni verða
forsetar Bandaríkjanna á árabilinu 1961—
1969; að árið 1978 verði tveggja flokka kerf-
ið, eins og við þekkjum það, horfði af sjónar-
sviðinu í Bandaríkjunum; að persóna Páls
páfa sé í mikilli hættu. Hún segir óhjá-
kvæmilegt að stríð verði á níunda tugi ald-
arinnar milli Vesturveldanna og Rauða-
Kína, og að í því stríði verði Davissund,
vestan við Grænland, „líflína" Ameríku.
En eftir er að reyna, hvort þessir spádómar
eru sannir eður ei.
Þetta er aðeins nokkur hluti þess, sem
Jeane Dixon hefur spáð fyrir þjóðum og
einstaklingum.
Sjálf er frú Dixon dóttir þýzkra inn-
flytjenda, fædd í Wisconsin, Bandaríkjun-
um, fyrir um það bil fjörutíu árum. Lófa-
lesari af sígaunakyni, sem hún hitti á barns-
aldri, varð gagntekin virðingu er hún sá
sjaldgæf tákn í lófa hennar, og þóttist sjá
fyrir spákonuframa hennar. — Frú Dixon
er einlægur kaþólikki, og yfirvöld kirkj-
unnar hafa sýnt hæfileikum hennar velvilj-
aðan áhuga ekki síður en sálfræðingar og
vísindamenn. Hún hefur um langt skeið bú-
ið í Washington D.C., og áhrifamenn í stjórn-
málum og félagsmálum í höfuðborginni sækja
mjög á fund hennar.
Jeane Dixon skiptir sýnum sínum í tvo
flokka: þær, sem bera fyrir hana án þess
að hún leiti eftir þeim og er því fullkomlega,
hægt að treysta, og þær sem hún sér sem
árangur að lokinni leit í kristalskúlu, og
hafa stundum reynzt rangar. Viðvíkjandi
þeim síðartöldu álítur hún, að táknin sem
hún sá hafi verið rétt, en túlkun hennar
hafi mistekizt. Merkur sálfræðingur gat
þess með tilvitnun í Sánkti Tómas frá Aqu-
ino, að sýnir, sem leitað er eftir, væru á
valdi breytilegra andstæðna, sem sjáand-
inn gæti ekki gert sér grein fyrir. Til dæm-
is um það mætti taka, að þegar frú Dixon
ranglega spáði fyrir sigri íhaldsflokksins
brezka fyrir síðustu þingkosningar þar í
landi, hafi íhaldið trúlega verið heldur fylg-
ismeira en Verkamannaflokkurinn, þótt það
breyttist síðar.
í venjulegum tilfellum móttekur frú Dix-
on áhrifaöldur (vibrations) frá fólki, sem
snertir hana með fingurgómum, en einnig
getur hún móttekið slíkar öldur frá fólki,
sem er statt í margra mílna fjarlægð og hún
hefur aldrei séð. Á þann hátt hefur hún getað
séð ævisögur þess, bæði í fortíð og framtið,
og í sumum tilfellum skynjað tilfinningar
þess, svo sem væru hennar eigin.
Ekki hefur frú Dixon séð fyrir heims-
endi, heldur þvert á móti upphaf nýs heims.
Meginatriðin úr „sýn“ hennar varðandi þenn-
an atburð eru sem hér segir:
Þremur nóttum fyrir sýnina var hún stödd
22 VIKAN 13. tbl.