Vikan - 07.10.1971, Side 5

aldrei haft neinn verulegan
áhuga á neinni sérstakri, en nú
dreymir mig um HANA nótt
sem nýtan dag og liggur oft við
að ég gráti við þá tilhugsun að
einhver annar en ég verði ástar
hennar aðnjótandi.
Þetta er í stuttu máli sú dásam-
legasta vera sem ég hef nokkru
sinni komizt í kynni við, og vil
ég nú óður og uppvægur eyða
ævinni með henni. Enginn, ekki
einu sinni hún, veit að ég ber
þessar tilfinningar í brjósti til
hennar. Ég veit ekki hvaða til-
finningar hún ber í brjósti til
mín, en þykist þess fullviss, að
henni líki vel við mig.
Ég verð að játa, að stundum
finnst mér ég vera afskaplega
vonlaus þar sem er aldursmun-
urinn, en þar sem ég ku vera
vel greindur menntaskólapiltur,
ætti það ekki að skipta miklu
máli.
Þetta hádramatíska bréf verður
sjálfsagt mörgum lesendum til
skemmtunar og bið ég þá vel að
njóta, þótt ekki sé sá tilgangur
minn.
I guðanna bænum sinntu þess-
ari rödd hrópandans úr biðstofu
ástarinnar, áður en hann sekkur
í fen örvæntingarinnar og efnið
verður efni í stórkostlegasta ást-
arharmleik fyrr og síðar. Rödd
sem hrópar: „Hvað á ég að
gera? Hvað á ég að gera? Hvað
á ég að gera til að verða ástar
hennar aðnjótandi?"
Maðurinn sem biður eftir því
að koma inn úr kuldanum.
r A*^—
Nær daglega eru starfsmenn
VIKUNNAR spurðir hvers vegna
í ósköpunum veriS sé að birta
„öll þessi bréf frá krakkavit-
leysingum" sem séu í ástarsorg
og þess háttar. Við gefum allt-
af sama svarið: Okkur er ekkert
mannlegt óviðkomandi og erum
hreyknir af því að okkur skuli
vera trúað fyrir að leysa jafn
viðkvæm vandamál og þau sem
koma upp í samskiptum kynj-
anna á þessum aldri. Þá höfum
við oft leitt orðum að því, að
eitthvað hljóti að vera bogið við
heimili og skóla landsins, þegar
unglingar geta ekki rætt þessi
mál þar.
Góður kunningi okkar sagði um
daginn, að við gæfum alltaf
sömu svörin: Talaðu við hann/
hana; hringdu, bjóddu upp og
svo framvegis. Vel má vera, að
þetta sé satt, en við lítum nú
þannig á málið, að frumskilyrði
mannlegra samskipta sem eiga
að teljast eðlileg, sé að fólk tal-
ist við. Heiðarleiki á að vera
fyrsta og eina boðorðið i þeim
þætti mannlífsins.
Því viljum við gefa þér það ráð
að komast í nánari kunnings-
skap við stúlkuna á þann sama
hátt og í upphafi og ef forlögin
ætla ykkur að eigast, kemur
framhaldið af sjálfu sér.
Svar til Laufeyjar á
Reyðarfirði:
Námskeið Þjóðdansafélags
Reykjavíkur hófust i byrjun sept-
ember, en allar upplýsingar
færðu á skrifstofu félagsins í
Reykjavík, sími 12507.
Okkur langar til að koma þeirri
ósk á framfæri við lesendur, að
þeir sem hafa áhuga á tiltekn-
um skólum og starfssviðum hafi
beint samband við rétta aðila.
Slíkt sparar þeim sjálfum mik-
inn tíma og fyrirhöfn — og okk-
ur sömuleiðis — og eins fær
fólk gleggstu upplýsingarnar á
réttum stöðum. Ekki það að við
viljum ekki svara slíkum bréf-
um, en okkur berst ævinlega
svo mikið magn (og við reynum
að svara öllum bréfum sem
merkt eru nafni og heimilis-
fangi), að erfitt er að komast
yfir allt saman og tiltekin bréf
eru þá frekar til óþarfa trafala.
Svar til X 15:
Að kúahland geri hárið þykk-
ara munu vera kerlingabækur
sem margir trúa á og er þvi þá
einfaldlega hellt yfir hárið og
látið sitja í því einhvern tíma.
Síðan þvegið úr — eða það er-
um við að vona. Áskrift að UR-
VALI kostar 600 kr. á ári.
FYRSTIR með STÆRRA rými
Góð greiðslukjör.
FRYSTIKISTURNAR
eru til í stærðunum 270—
400 og 500 lítra.
Norskar frystikistur
tvímælalaust einar
vönduðustu frystikisturnar,
sem nú eru á markaðinum.
Ljós í loki, á hjólum.
Vandlega ryðvarðar, frysta
í -r 32°—35°C.
EINAR FARESTVEIT & CO. HF.
Bergstaðastræti 10, sími 16995.
Pennavinir...
1 næstum 40 ár hefur Penninn verið helzta
sérverzlunin með ritföng í Reykjavík.
Á þessum tíma höfum við eignazt
ótal viðskiptavini.
Suma þeirra sjáum við oftar en aðra.
Þá köllum við Pennavini.
Það er skólafólk, skrifstofustjórar,
allt þar á milli.
Við skrifum þeim sjaldan
og fáum næstum aldrei bréf frá þeim.
Hn við hlttum þá oft, og í hvert sinn •
sem þeir koma, vitum við, að okkur
hefur tekizt að hafa fjölbreytt úrval, gott
verð og lipra þjónustu (þrjár verzlanir).
Þeirra vegna reynum við að gera enn
betur og við hlökkum til að sjá þá aftur.
HAFNARSTRÆTI 18
LAUGAVEGI 84
LAUGAVEGI 178
40. TBL. VIKAN 5