Vikan - 11.08.1977, Blaðsíða 5

Þessar myndir af ABBA tók Ragnar Th. Sigurðsson á hljómleikum i Gautaborg.
þessi fjögur ár, sem þau hafa
starfað saman svo að segja hvern
einasta dag. ABBA er ekki bara
hljómsveit heldur og tvö hjóna-
bönd. ,,Við erum öll sammál um,
að tvennt er mikilvægast fyrir
okkur," segja þau, fjölskyldulífið
og vinnan." Við höfum svo margt
til að tala um. Við lesum öll mikið
og hlustum á tónlist annarra t.d.
Eltons John og Eagles. Við teflum
líka skák og höfum gaman af því
að horfa á íshokkí í sjónvarpinu.
Við getumsetið heilan dag og rætt
um hlutina fram og aftur. Þess
vegna höfum við víst aldrei rifist."
EINS OG EIN STÓR
FJÖLSKYLDA
Vinsældir ABBA höfðu dálítil
vandræði í för með sér fyrir
Agnethu. Hún hafði þá eignast
dótturina Lindu og vildi helst vera
heima hjá henni. ,,Ég grét, þegar
við komum heim og Linda þekkti
mig ekki," segir hún. ,,Ég þráði
að hafa Lindu hjá mér, en nú er
hún orðin fjögurra ára og ég er
búin að fá ágætis barnfóstru.
Linda veit núna að við komum
heim aftur, þegar við förum í
ferðalög."
Annifrid og Benny eiga, eins og
áður sagði, fjögur börn alls — tvö
hvort frá fyrri hjónaböndum. ,,Við
erum eins og ein stór fjölskylda,"
segja þau. ,,Börnin hafa þekkst
jafn lengi og við sjálf og þau leika
sér oft saman. Þau eru bara eins
og systkini og eiga vel saman."
í sambandi við einkalífið má
geta þess að þau hafa mjög ólíkar
svefnvenjur. Frida og Benny vaka
oft lengi á kvöldin og vilja gjarna
sofa frameftir á morgnana, en
Björn og Agnetha fara aftur á móti
oft snemma í háttinn, stundum
klukkan átta eða níu á kvöldin.
Strákarnir, Benny og Björn,
sofa yfirleitt mjög vel, en Frida og
Agnetha segjast stundum vakna
upp um miðja nótt og spyrja
sjálfa sig: ,,Hve lengi skyldi þetta
ganga svona vel?" Þær segjast
stundum vaka heilar nætur og
hugsa um þetta. ,,Því lengur sem
maður vakir, þeim mun ruglaðri
verður maður....
FRAMTÍÐIN
Já, hversu lengi verður þetta
svona? Yfirleitt hafa þau í ABBA
samt ekki miklar áhyggjur af því —
þau hafa hreinlega ekki tíma til
þess. Þau vonast til þess að geta
haldið upp á tíu ára afmæli
„Waterloo," þegar þar að kemur.
Björn og Benny segjast líka ætla
að halda áfram að semja saman,
þótt ABBA hverfi af sviðinu.
Þau þurfa í það minnsta ekki að
hafa neinar áhyggjur af fjármál-
um í framtíðinni, því Stickan hefur
séð fyrir því. Hann hefur fjárfest
fyrir ABBA-fyrirtækið í málverk-
um, listasafni og bókaútgáfu.
Plöturnar eiga lika eftir að skila
sínum hlut inn á næstu árum, og
það líður áreiðanlega á löngu áður
en ABBA syngur sitt síðasta.

32. TBL. VIKAN 5