Vikan - 22.04.1982, Blaðsíða 63

Pósturinn
Hvað er hægt
að gera við
stórt nef?
Kæri Póstur.
Ég er með svo miklar
áhyggjur út af nefinu á mér en
það er allt of stórt. Mér fmnst
ég líða fyrir það, allavega er ég
með mikla minnimáttarkennd
út af nefinu.
Ég hef heyrt talað um lækna
sem laga til nef með skurð-
aðgerð. AJ' því ég á heima úti á
landi þá hleyp ég ekki í tíma til
þessara lækna (of dýrt). Er rétt
að sjúkrasamlagið borgi þessar
aðgerðir? Hve lengi er verið að
þessu? Er þella mikil aðgerð og
hvert ber manni aö snúa sér I
byrjun?
Ég
Það eru margir sem líða fyrir
ýmiss konar útlitsþætti af því
tagi sem þú lýsir. Fæst af þessu
er þó hægt að nefna lýti og
venjulega veitir enginn þessu
athygli nema sá sem hefur. Ef
til vill er þetta vegna þess að
okkur hefur verið innrætt að
allir ættu að vera sem líkastir,
sléttir og felldir, en mikið væri
tilveran litlaus ef allir væru
eins. Hver og einn hefur sitt
einkenni, bæði í útliti og per-
sónuleika. Ef þú hefðir ekki
þetta mikla nef, sem þú lýsir,
værir þú allt öðruvísi í útliti og
þú getur ekki neitað því að ef
því væri breytt myndir þú
missa nokkuð sem er þitt
sérkenni og þú ættir að geta
verið stoltur af. Það útheimtir
ef til vill svolítið hugrekki að
geta borið höfuðið hátt, verið
ánægður með sig og leyft
persónutöfrunum að njóta sín
þrátt fyrir einhverja „missmíð”
frá náttúrunnar hendi.
Til gamans má benda á
ýmsa, bæði konur og karla,
sem eru stórskornir í andliti á
ýmsan hátt en brosa engu að
síður framan í heiminn svo þeir
eru fallegir. Póstinum dettur í
fljótu bragði í hug Ringo
Starr, Barry Manilow, B.A.
Robertson, Donald Sutherland
og konur eins og Barbra
Streisand og Bette Midler svo
einhverjir séu nefndir.
En ef þú líður virkilega fyrir
þetta er rétt að hafa samband
við lækni. Þú getur fyrst rætt
málið við lækninn á staðnum
og fengið tilvísun á sérfræðinga
hér fyrir sunnan sem fram-
kvæma slíkar aðgerðir, en það
eru þeir Knútur Björnsson og
Árni Björnsson. Báðir þessir
læknar eru i læknaskránni í
símaskránni og væri þá rétt af
þér að hringja fyrst í þá og
ræða málið. Svona aðgerðir eru
umfangsmiklar og dýrar en
sjúkrasamlagið greiðir þær eins
og aðrar læknisaðgerðir enda
eru þær ekki framkvæmdar
fyrir neinn hégóma. Til þess
að minnka nefið þarf að brjóta
það upp og viðkomandi getur
verið nokkuð lengi að jafna sig
eftir aðgerðina. En hugleiddu
málið vel og vandlega áður en
þú lætur til skarar skríða.
Adam Ant
Hæ, hæ, kæri Póstur.
Við erum hér tvær trylltar í
Adam Ant. Við lesum Vikuna
og okkur þykir hún frábœrt
blað. Við þökkum kærlega fyrir
frábært plakat aJ'Adarn Ant og
góðar upplýsingar. Við höfum
engin ástarvandamál eða útlits-
galla. Við vonum að þú komir
þessu bréfi okkar á J'ramfœri og
látir Helgu ekki fá það. Þannig
er mál með vexti að við erum
alveg trylltar I Adam Ant og
okkur langar að biðja þig að
reyna að útvega okkur utan-
áskrift aðdáendaklúbbs Adams
eða þá utanáskrift Adam and
the Ants. Okkur langar að
spyrja þig hvað þessi nöfn
merkja: Margrét, Sigríður og
Ingi. Jæja, þá höldum við að
það sé ekki fleira. Ef bréflð
lendir hjá Helgu sendum við
bara annað alveg eins. Með
von um svar og þökkum
frábært blað og frábœr plaköt.
Adam Ant
Það er ekki á hverjum degi sem
við taum svona þakkarbréf og
eins og sjá má hafði Helga enga
lyst á því.
Utanáskrift aðdáendaklúbbs
Adam and the Ants hefur birst
oftar en einu sinni en látum
hana flakka rétt eina ferðina
enn.
Adam and the Ants Fan Club,
Bivouac J2/1/82,
P.P. Box. 4QT,
London W1A 4QT,
England.
Skrifið klúbbnum á ensku og
sendið fjögur stór umslög og
alþjóðleg svarmerki (jafngilda
frímerkjum). Skrifið nöfn ykkar
og heimilisföng utan á umslögin.
Sendið auk þess ávísun eða það
sem kallað er international
postal order (fæst í Lands-
bankanum) fyrir 3 sterlings-
pundum og stílið ávísunina á
Antclub. í staðinn ættuð þið að
fá fréttabréf, merki, límmiða,
litmynd af Adam svo og félags-
skírteini. Listi yfir fáanlegar
„Adamvörur” fylgir.
Margrét er grískt nafn að
uppruna og merkir perla.
Sigríður merkir sú sem sigur
verndar en merking nafnsins
Ingi er óviss. Eitthvert samband
gæti verið milli nafnsins og
Yngvi en ásinn Freyr var
stundum nefndur Yngvifreyr.
Skop
X6. tbl. Vikan 63